ರಾಜ್ಯದಿಂದ ಪ್ರಸಕ್ತ ವರ್ಷ 11 ಸಾವಿರ ಕೋಟಿ ಸಾಫ್ಟ್‌ವೇರ್‌ ರಫ್ತು ಗುರಿ

ಬೆಂಗಳೂರು : ಸಾಫ್ಟ್‌ವೇರ್‌ ಉದ್ಯಮದಲ್ಲಿ ಉಂಟಾಗಿರುವ ಏರಿಳಿತಗಳು ರಾಜ್ಯದ ಆರ್ಥಿಕತೆಯ ಮೇಲೆ ಯಾವುದೇ ಪ್ರತಿಕೂಲ ಪರಿಣಾಮವನ್ನು ಬೀರಿಲ್ಲ ಎಂದು ರಾಜ್ಯ ಮಾಹಿತಿ ತಂತ್ರಜ್ಞಾನ ಸಚಿವ ಎಂ.ಎಂ.ನಾಣಯ್ಯ ಗುರುವಾರ ವಿಧಾನಪರಿಷತ್ತಿನಲ್ಲಿ ಪ್ರಕಟಿಸಿದ್ದಾರೆ.

ಭಾರತೀಯ ಜನತಾಪಕ್ಷದ ರಾಮಚಂದ್ರಗೌಡ ಅವರ ಪ್ರಶ್ನೆಗೆ ಉತ್ತರಿಸುತ್ತಿದ್ದ ಅವರು, 2001-02ನೇ ಸಾಲಿನಲ್ಲಿ ರಾಜ್ಯದಿಂದ 11 ಸಾವಿರ ಕೋಟಿ ರುಪಾಯಿಗಳ ಸಾಫ್ಟ್‌ವೇರ್‌ ರಫ್ತು ಗುರಿ ಹೊಂದಲಾಗಿದೆ. 2008ನೇ ಇಸವಿ ವೇಳೆಗೆ ರಾಜ್ಯವು 70 ಸಾವಿರ ಕೋಟಿ ರುಪಾಯಿಗಳ ಸಾಫ್ಟ್‌ವೇರ್‌ ರಫ್ತುಗುರಿ ಇಟ್ಟುಕೊಂಡಿದೆ ಎಂದೂ ಹೇಳಿದರು.

ಸೀಟು ಹೆಚ್ಚಳ: ರಾಜ್ಯದ ಎಂಜಿನಿಯರಿಂಗ್‌ ಕಾಲೇಜುಗಳಲ್ಲಿ ಮಾಹಿತಿ ತಂತ್ರಜ್ಞಾನದ ಸೀಟುಗಳ ಸಂಖ್ಯೆಯನ್ನು ಹತ್ತಿರಿಂದ 20 ಸಾವಿರಕ್ಕೆ ಏರಿಸಲಾಗಿದೆ. ಹುಬ್ಬಳ್ಳಿಯಲ್ಲಿ ಭಾರತೀಯ ಮಾಹಿತಿ ತಂತ್ರಜ್ಞಾನ ಸಂಸ್ಥೆಯ ಶಾಖೆಯನ್ನು ತೆರೆದು ಉತ್ತರ ಕರ್ನಾಟಕದ ಎಂಜಿನಿಯರಿಂಗ್‌ ವಿದ್ಯಾರ್ಥಿಗಳ ಅಗತ್ಯವನ್ನು ಪೂರೈಸಲು ಕ್ರಮಕೈಗೊಳ್ಳಲಾಗುವುದು ಎಂದೂ ನಾಣಯ್ಯ ಪರಿಷತ್ತಿಗೆ ತಿಳಿಸಿದರು.

(ಇನ್‌ಫೋ ವಾರ್ತೆ)