ಆಗಸ್ಟ್‌ ನಲ್ಲಿ ಚೀನಾಕ್ಕೆ ಭಾರತೀಯ ಐಟಿ ನಿಯೋಗ ಭೇಟಿ

ಬೆಂಗಳೂರು: ಮಾಹಿತಿ ತಂತ್ರಜ್ಞಾನ ಕ್ಷೇತ್ರದಲ್ಲಿ ಭಾರತದೊಂದಿಗೆ ಒಡಂಬಡಿಕೆಗಳನ್ನು ಮಾಡಿಕೊಳ್ಳಲು ಚೀನಾ ಸರಕಾರ ಆಸಕ್ತಿ ಹೊಂದಿದ್ದು, ಐಟಿ ರಫ್ತಿಗೆ ಸಂಬಂಧಿಸಿದ ಭಾರತೀಯ ಸಮಿತಿಯು(ಇಎಸ್‌ಸಿ) ಆಗಸ್ಟ್‌ ತಿಂಗಳಿನಲ್ಲಿ ಪ್ರತಿನಿಧಿಗಳ ನಿಯೋಗವನ್ನು ಚೀನಾಕ್ಕೆ ಕಳುಹಿಸಿಕೊಡಲಿದೆ.

ಚೈನೀಸ್‌ ಎಕ್ಸ್‌ಪೋರ್ಟ್‌ ಕಮಿಷನ್‌ ಭಾರತೀಯ ಪ್ರತಿನಿಧಿಗಳ ಚೀನಾ ಭೇಟಿಯನ್ನು ಆಯೋಜಿಸಿದೆ. ಇತ್ತೀಚೆಗೆ ಚೀನಾದ ಪ್ರತಿನಿಧಿಗಳ ತಂಡ ಬೆಂಗಳೂರು ಮತ್ತು ಚೆನ್ನೈಯ ಐಟಿ ಕಂಪೆನಿಗಳಿಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಒಡಂಬಡಿಕೆಗಳ ಬಗ್ಗೆ ತಮ್ಮ ಆಸಕ್ತಿಯನ್ನು ವ್ಯಕ್ತಪಡಿಸಿದ್ದರು.

ಸುಮಾರು ಹತ್ತಕ್ಕೂ ಹೆಚ್ಚು ಐಟಿ ಕಂಪೆನಿಗಳನ್ನು ಪ್ರತಿನಿಧಿಸುವ ಭಾರತೀಯ ನಿಯೋಗದ ನೇತೃತ್ವವನ್ನು ಇಎಸ್‌ಸಿ ಪ್ರಾದೇಶಿಕ ನಿರ್ವಹಣಾಕಾರ, ನಾಗರಾಜ ರಾವ್‌ ವಹಿಸಲಿದ್ದಾರೆ. ಸ್ಕೆನ್‌ಷೆನ್‌, ಗುಂಜ್‌ಗಾವೋ, ಷಾಂಗಾ ೖಗೆ ನಿಯೋಗವು ಭೇಟಿ ನೀಡಲಿದ್ದು, ಷಾಂಗಾೖಯಲ್ಲಿ ಸಿಇಬಿಐಟಿ ಏಷ್ಯಾ ಫೇರ್‌ ಒಂದರಲ್ಲಿ ಭಾಗವಹಿಸಲಿದೆ.

ವಿಯೆಟ್ನಾಂನ ಹಾಷಿಮೆನ್‌ ಸಿಟಿಯಲ್ಲಿ 6ನೇ ವಿಯೆಟ್ನಾಂ ಐಟಿ ಮೇಳ ಮತ್ತು ವಿಶ್ವ ಕಂಪ್ಯೂಟರ್‌ ರಫ್ತು ಮೇಳದಲ್ಲಿ ಭಾಗವಹಿಸಿದ ನಂತರ ತಂಡ ಭಾರತಕ್ಕೆ ವಾಪಾಸಾಗಲಿದೆ.

(ಇನ್ಫೋ ವಾರ್ತೆ)