ವಾಜಪೇಯಿ-ಮುಷರ್ರಫ್‌ ನಡುವೆ ನಾಲ್ಕನೇ ಸುತ್ತಿನ ಮಾತುಕತೆ

ಆಗ್ರಾ : ಶೃಂಗಸಭೆಗೆ ತೆರೆ ಬಿದ್ದಿದೆ ಎನ್ನಲಾದ ಕೆಲವೇ ಕ್ಷಣಗಳಲ್ಲಿ ಗಮನಾರ್ಹ ಬದಲಾವಣೆಗಳಾಗಿದ್ದು, ವಾಜಪೇಯಿ- ಮುಷರ್ರಫ್‌ ನಡುವೆ ನಾಲ್ಕನೇ ಸುತ್ತಿನ ಮಾತುಕತೆ ನಡೆಯುವ ನಿರೀಕ್ಷೆಯಿದೆ.

ಲಾಹೋರ್‌ ಘೋಷಣೆಯ ರೀತಿಯಲ್ಲಿ ಉಭಯ ರಾಷ್ಟ್ರಗಳು ಆಗ್ರಾ ಘೋಷಣೆ ಪ್ರಕಟಿಸಲಿದ್ದಾರೆ ಅಥವಾ ಜಂಟಿ ಹೇಳಿಕೆ ಹೊರಹಾಕಲಿದ್ದಾರೆ. ಶೃಂಗಸಭೆಯ ಉಪಸಂಹಾರಕ್ಕೆ ಇನ್ನಷ್ಟು ಮಾತುಕತೆಯ ಅವಶ್ಯಕತೆಯಿರುವುದರಿಂದ ಮುಷರ್ರಫ್‌ ಅಜ್ಮೀರ್‌ ಪ್ರವಾಸ ರದ್ದಾಗಿದೆ. ಪ್ರಾಯಶಃ ಅವರು ಆಗ್ರಾದಿಂದಲೇ ಇಸ್ಲಾಮಾಬಾದ್‌ಗೆ ತೆರಳಲಿದ್ದಾರೆ.

ಭಾರತದ ಪ್ರಧಾನಿ ಎ.ಬಿ.ವಾಜಪೇಯಿ ಸುದ್ದಿಗೋಷ್ಠಿ ನಡೆಸುವ ಸಾಧ್ಯತೆಯಿದೆ. ಒಂದು ಜಂಟಿ ಸುದ್ದಿಗೋಷ್ಠಿಯನ್ನು ನಿರೀಕ್ಷಿಸಲಾಗುತ್ತಿದ್ದು, ಪಾಕಿಸ್ತಾನದ ವಿದೇಶಾಂಗ ಸಚಿವ ಅಬ್ದುಲ್‌ ಸತ್ತಾರ್‌ ಹಾಗೂ ಭಾರತದ ವಿದೇಶಾಂಗ ಸಚಿವ ಜಸ್ವಂತ್‌ಸಿಂಗ್‌ ಗೋಷ್ಠಿಯಲ್ಲಿ ಮಾತಾಡುವ ಸಂಭವವಿದೆ.

(ಇನ್ಫೋ ವಾರ್ತೆ)