ದೆಹಲಿಯಲ್ಲಿ ಮುಷರ್ರಫ್‌, ರಾಷ್ಟ್ರಪತಿ ಭವನದಲ್ಲಿ ಸಾಂಪ್ರದಾಯಿಕ ಸ್ವಾಗತ

ನವದೆಹಲಿ : ಜುಲೈ 14, 2001, ಶನಿವಾರ ಬೆಳಗ್ಗೆ 8 ಗಂಟೆ 20 ನಿಮಿಷ. ಮೂರು ದಿನಗಳ ಭಾರತ ಭೇಟಿಗಾಗಿ ಪಾಕಿಸ್ತಾನದ ಅಧ್ಯಕ್ಷ ಜನರಲ್‌ ಪರ್ವೇಜ್‌ ಮುಷರ್ರಫ್‌ ಚಾರ್ಟರ್ಡ್‌ ಪಾಕಿಸ್ತಾನ ಇಂಟರ್‌ನ್ಯಾಷನಲ್‌ ಏರ್‌ಲೈನ್ಸ್‌ ಬೋಯಿಂಗ್‌ 737-700 ವಿಶೇಷ ವಿಮಾನದಲ್ಲಿ ದೆಹಲಿಗೆ ಆಗಮಿಸಿದರು.

ಕೇಂದ್ರದ ರೈಲ್ವೇ ಖಾತೆ ರಾಜ್ಯ ಸಚಿವ ದಿಗ್ವಿಜಯ್‌ ಸಿಂಗ್‌, ಇಂಡಿಯನ್‌ ಹೈ ಕಮಿಷನರ್‌ ವಿಜಯ್‌ ನಂಬಿಯಾರ್‌ ಮತ್ತವರ ಪತ್ನಿ, ಭಾರತದಲ್ಲಿನ ಪಾಕ್‌ ರಾಯಭಾರಿ ಅಶ್ರಫ್‌ ಖಾಜಿ ಮತ್ತು ವಿದೇಶಾಂಗ ಕಾರ್ಯದಶಿ ಚೋಕಿಲಾ ಐಯ್ಯರ್‌ ಮುಶರ್ರಫ್‌ ಅವರನ್ನು ವಿಮಾನ ನಿಲ್ದಾಣದಲ್ಲಿ ಆತ್ಮೀಯವಾಗಿ ಬರಮಾಡಿಕೊಂಡರು. ಆನಂತರ ರಾಷ್ಟ್ರಪತಿ ಭವನದಲ್ಲಿ ಮುಷರ್ರಫ್‌ ಅವರನ್ನು ಸಾಂಪ್ರದಾಯಿಕವಾಗಿ ಸ್ವಾಗತಿಸಲಾಯಿತು.

ಮುಷರ್ರಫ್‌ ಅವರೊಂದಿಗೆ ಅವರ ಪತ್ನಿ ಸೇಬಾ, ಪಾಕಿಸ್ತಾನದ ವಿದಾಶಾಂಗ ಮಂತ್ರಿ ಅಬ್ದುಲ್‌ ಸತ್ತಾರ್‌, ವಿದೇಶಾಂಗ ಕಾರ್ಯದರ್ಶಿ ಇನಾಮುಲ್‌ ಹಕ್‌, ಕಾಶ್ಮೀರ ವ್ಯವಹಾರಗಳ ನಿರ್ದೇಶಕ ಮಹ್ಮದ್‌ ಸಿದ್ದಿಕ್‌ ಮತ್ತು ಬ್ರಿಗ್‌ ರಶೀದ್‌ ಖುರೇಶಿ, ಇಂಟರ್‌ ಸರ್ವಿಸ್‌ ಪಬ್ಲಿಕ್‌ ರಿಲೇಶನ್‌ನ ಬಾತ್ಮೀದಾರ ಮತ್ತು ಪಾಕಿಸ್ತಾನದ ಹೈಕಮಿಶನರ್‌ ಸೇರಿದಂತೆ 19 ಮಂದಿಯ ನಿಯೋಗ ಆಗಮಿಸಿದೆ. ಮುಷರ್ರಫ್‌ ಕಳೆದ 16 ವರ್ಷಗಳಲ್ಲಿ ಭಾರತಕ್ಕೆ ಭೇಟಿ ನೀಡಿ ಪ್ರಥಮ ಪಾಕ್‌ ನಾಯಕರಾಗಿದ್ದಾರೆ.

(ಇನ್ಫೋ ವಾರ್ತೆ)