ಜಾಗತಿಕ ತಾಂತ್ರಿಕ ಸೃಜನಶೀಲತೆಯಲ್ಲಿ ಬೆಂಗಳೂರಿಗೆ 4ನೇ ರ್ಯಾಂಕ್‌

ವಿಶ್ವಸಂಸ್ಥೆ : ಜಾಗತಿಕ ಮಟ್ಟದ ತಾಂತ್ರಿಕ ಸೃಜನಶೀಲತೆಯಲ್ಲಿ ಬೆಂಗಳೂರಿಗೆ 16ಕ್ಕೆ 13 ಅಂಕ !

ವಿಶ್ವಸಂಸ್ಥೆ ಮಂಗಳವಾರ ಪ್ರಕಟಿಸಿದ ಪ್ರಕಟಣೆಯಲ್ಲಿ ಈ ವಿಷಯ ಬೆಳಕಿಗೆ ಬಂದಿದೆ. ವಿಶ್ವಸಂಸ್ಥೆಯ ಮಾನವ ಅಭಿವೃದ್ಧಿ ವರದಿಯಲ್ಲಿ 46 ಜಾಗೆಗಳನ್ನು ಜಾಗತಿಕ ಕೇಂದ್ರಗಳೆಂದು ಗುರುತಿಸಲಾಗಿದ್ದು, ತಾಂತ್ರಿಕ ಸೃಜನಶೀಲತೆಯಲ್ಲಿ ಅಮೆರಿಕೆಯ ಸಿಲಿಕಾನ್‌ ಕಣಿವೆಗೆ 16ಕ್ಕೆ ಹದಿನಾರೂ ಅಂಕಗಳು ಲಭಿಸಿವೆ.

ಬೋಸ್ಟನ್‌ (ಅಮೆರಿಕ), ಸ್ಟಾಕ್‌ಹೋಮ್‌- ಕಿಸ್ತಾ (ಸ್ವೀಡನ್‌) ಹಾಗೂ ಇಸ್ರೇಲಿಗೆ ತಲಾ 15 ಅಂಕಗಳು ಸಂದಿವೆ. 14 ಅಂಕ ಗಳಿಸಿರುವ ಅಮೆರಿಕೆಯ ರಲೀ-ದರ್ಹ್ಯಾಮ್‌-ಚಾಪೆಲ್‌ ಹಾಗೂ ಲಂಡನ್‌ಗೆ ಮೂರನೇ ಸ್ಥಾನ. ಆ್ಯಸ್ಟಿನ್‌, ಸ್ಯಾನ್‌ ಫ್ರಾನ್ಸಿಸ್ಕೋ ಹಾಗೂ ತಯ್ಪೀ ನಾಲ್ಕನೇ ಸ್ಥಾನವನ್ನು ಬೆಂಗಳೂರು ನಗರಿಯಾಟ್ಟಿಗೆ ಹಂಚಿಕೊಂಡಿವೆ. ಟುನಿಸಿಯಾದ ಎಲ್‌ ಘಝಾಲ, ಹಾದೂ ದಕ್ಷಿಣ ಆಫ್ರಿಕದ ಗೌಟೆಂಗ್‌ಗೆ ಅತಿ ಕಡಿಮೆ ಅಂಕಗಳು ಸಿಕ್ಕಿವೆ.

ವಿಶ್ವವಿದ್ಯಾಲಯಗಳಲ್ಲಿ ಬೋಧನಾ ಕ್ಷೇತ್ರಗಳ ವಿಸ್ತರಣೆ, ಸಂಶೋಧನೆಗೆ ಒತ್ತು, ಹೊಸತನದ ತುಡಿತ ತುಂಬುವ ಶಿಕ್ಷಣ, ಚಾಕಚಕ್ಯ ಸಿಬ್ಬಂದಿಗಳ ತಯಾರಿ, ಸೃಜನಶೀಲತೆಯ ನಡೆಯಲ್ಲಿ ತ್ರಾಸಿಗೆ ಬೆನ್ನುತೋರದಿರುವುದು, ಪರಿಣತಿ ಸಿಬ್ಬಂದಿ ಹಾಗೂ ಆರ್ಥಿಕ ಸ್ಥಿರತೆ ಕಟ್ಟಿಕೊಡಬಲ್ಲ ಬಹುರಾಷ್ಟ್ರೀಯ ಕಂಪನಿಗಳು, ವೆಂಚರ್‌ ಬಂಡವಾಳ ಹೂಡಲು ಸಿದ್ಧವಿರುವ ಜನಸಂಖ್ಯೆ, ಪ್ರಸ್ತುತ ಹೂಡಲಾಗಿರುವ ವೆಂಚರ್‌ ಬಂಡವಾಳ... ಇವನ್ನೆಲ್ಲಾ ಸಾಕಷ್ಟು ಹುದುಗಿಸಿಟ್ಟಿಕೊಂಡಿರುವ ನಗರಿಗಳಿಗೆ ರ್ಯಾಂಕಿನ ಯಾದಿಯಲ್ಲಿ ಪ್ರಾಶಸ್ತ್ಯ ಕೊಡಲಾಗಿದೆ.

(ಏಜೆನ್ಸೀಸ್‌)