ಇನ್ಫೋಸಿಸ್‌ : ಮೊದಲ ತ್ರೆೃಮಾಸಿಕದ ಲಾಭದಲ್ಲಿ ಶೇ.49 ಹೆಚ್ಚಳ

ಬೆಂಗಳೂರು : ಸಾಫ್ಟ್‌ವೇರ್‌ ದಿಗ್ಗಜ ಇನ್ಫೋಸಿಸ್‌ ಟೆಕ್ನಾಲಜೀಸ್‌, ಜೂನ್‌ಗೆ ಮುಗಿದ ವಿತ್ತ ತ್ರೆೃ ಮಾಸಿಕದಲ್ಲಿ ಕಳೆದ ವರ್ಷದ ಇದೇ ತ್ರೆೃಮಾಸಿಕಕ್ಕಿಂತ 49 ಪ್ರತಿಶತ ಹೆಚ್ಚು ಲಾಭ ದಾಖಲಿಸಿದೆ.

ಕಳೆದ ವಿತ್ತ ವರ್ಷದ ಮೊದಲ ತ್ರೆೃಮಾಸಿಕದಲ್ಲಿ ಕಂಪನಿಯ ಒಟ್ಟು ಲಾಭ 126.76 ಕೋಟಿ ರುಪಾಯಿಯಾಗಿತ್ತು. ಈ ವಿತ್ತ ವರ್ಷದ ಮೊದಲ ತ್ರೆೃಮಾಸಿಕದಲ್ಲಿ 190 ಕೋಟಿ ರುಪಾಯಿ (40.4 ದಶಲಕ್ಷ ಡಾಲರ್‌) ಲಾಭ ಮಾಡಿದೆ. ಕಂಪನಿಯ ಪೂರಾ ಆದಾಯದಲ್ಲಿ ಕಳೆದ ವಿತ್ತ ವರ್ಷದ ಮೊದಲ ತ್ರೆೃಮಾಸಿಕಕ್ಕಿಂತ (ಒಟ್ಟಾದಾಯ 370.64 ಕೋಟಿ ರುಪಾಯಿ) ಪ್ರಸಕ್ತ ವರ್ಷದ ಮೊದಲ ತ್ರೆೃಮಾಸಿಕದಲ್ಲಿ 68 ಪ್ರತಿಶತ ಹೆಚ್ಚಳವಾಗಿದೆ (ಒಟ್ಟಾದಾಯ 626 ಕೋಟಿ ರುಪಾಯಿ).

ಕಂಪನಿಯ ಸಾಮಾನ್ಯ ಚಟುವಟಿಕೆಗಳಿಂದ ಸಂದಿರುವ ಪ್ರತಿ ಶೇರಿನ ಆದಾಯ 28.72 ರುಪಾಯಿ. ಕಳೆದ ಸಾಲಿನ ತ್ರೆೃಮಾಸಿಕದಲ್ಲಿ ಇದು 18.34 ರುಪಾಯಿ ಆಗಿತ್ತು. ಪ್ರಸಕ್ತ ವಿತ್ತ ವರ್ಷದ ಮೊದಲ ತ್ರೆೃಮಾಸಿಕದಲ್ಲಿ ಕಂಪನಿ 26 ಹೊಸ ಗ್ರಾಹಕರನ್ನು ಕಂಡುಕೊಂಡಿದೆ. ಆ ಪೈಕಿ ಎಪಿಎಲ್‌, ಬರ್ಲಿಂಗ್ಟನ್‌ ನಾರ್ದರ್ನ್‌ ಹಾಗೂ ಸ್ಯಾಂಟಾ ಫೀ ರೈಲ್ವೆ ಕಂಪನಿ, ಪಿನ್ಯಾಕಲ್‌ ವೆಸ್ಟ್‌ ಕ್ಯಾಪಿಟಲ್‌ ಕಾರ್ಪೊರೇಷನ್‌, ವೇಲಿಯೋ, ಏರ್‌ಬಸ್‌ ಹಾಗೂ ದಿ ಲೆಕ್ಸಿಸ್‌ನೆಕ್ಸಿಸ್‌ ಗ್ರೂಪ್ಸ್‌ ಪ್ರಮುಖವಾದವು.

ಇದನ್ನು ಗಮನಿಸಿದಲ್ಲಿ ಅಮೆರಿಕೆಯ ಆರ್ಥಿಕ ಕುಂಠಿತದಿಂದ ನಮ್ಮ ದೇಶದ ಐಟಿ ಕಂಪನಿಗಳಿಗೆ ಅಂಥಾ ಹೊಡೆತವೇನೂ ಬಿದ್ದಿಲ್ಲ ಎಂಬುದು ಸ್ಪಷ್ಟವಾಗುತ್ತದೆ. ಅಲ್ಲವೇ ?

(ಇನ್ಫೋ ವಾರ್ತೆ)