ಅಮೆರಿಕ ಅರ್ಥಿಕ ಕ್ಷೇತ್ರದಲ್ಲಿ ಚೇತರಿಕೆಯ ಚಿನ್ಹೆಗಳು- ಐಎಂಎಫ್‌

ಸಿಯೋಲ್‌ : ಅಮೆರಿಕದ ಅರ್ಥಿಕ ಕ್ಷೇತ್ರದಲ್ಲಿ ಸುಧಾರಣೆಯ ಲಕ್ಷಣಗಳು ಕಾಣಿಸುತ್ತಿವೆ ಎಂದು ಅಂತರರಾಷ್ಟ್ರೀಯ ಹಣಕಾಸು ನಿಧಿ(ಐಎಂಎಫ್‌) ಅಭಿಪ್ರಾಯಪಟ್ಟಿದೆ. ಸೋಮವಾರ ಐಎಂಎಫ್‌ನ ಅಧಿಕಾರಿಯಾಬ್ಬರು ಸಿಯೋಲ್‌ನಲ್ಲಿ ಈ ವಿಷಯ ತಿಳಿಸಿದ್ದಾರೆ.

ಅಮೆರಿಕಾ ಎಕಾನಮಿ ನಿಧಾನವಾಗಿ ಚೇತರಿಸಿಕೊಳ್ಳುತ್ತಿದೆ. ಪುನಶ್ಚೇತನದ ಲಕ್ಷಣಗಳು ಸ್ಪಷ್ಟವಾಗಿ ಕಾಣುತ್ತಿವೆ ಎಂದು ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡುತ್ತಿದ್ದ ಐಎಂಎಫ್‌ನ ಪ್ರಥಮ ಡೆಪ್ಯುಟಿ ಡೈರೆಕ್ಟರ್‌ ಫಿಶರ್‌ ಹೇಳಿದರು. ಬಡ್ಡಿದರವನ್ನು 50 ಬೇಸ್‌ ಪಾಯಿಂಟ್ಸ್‌ಗಳಿಗೆ ಬದಲಾಗಿ 25 ಬೇಸ್‌ ಪಾಯಿಂಟ್ಸ್‌ಗಳಿಗೆ ಇಳಿಸುವ ಗಣತಂತ್ರದ ನಿರ್ಧಾರವೇ ಈ ಚೇತರಿಕೆಗೆ ಕಾರಣ ಎಂದು ಫಿಶರ್‌ ತಿಳಿಸಿದರು.

ಅಮೆರಿಕದ ಅರ್ಥಿಕ ಬೆಳವಣಿಗೆಯ ದರ 2001 ನೇ ಸಾಲಿನಲ್ಲಿ ಪ್ರತಿಶತ 1.5 ರಷ್ಟು ಹಾಗೂ 2002 ನೇ ಸಾಲಿನಲ್ಲಿ 2.5 ರಷ್ಟು ಹೆಚ್ಚಾಗಲಿದೆ ಎನ್ನುವ ನಿರೀಕ್ಷೆ ಐಎಂಎಫ್‌ಗಿದೆ. ಅಮೆರಿಕಾ ಎಕಾನಮಿ ಸ್ಲೋಡೌನ್‌ನತ್ತ ಬೆಟ್ಟು ಮಾಡಿ, ಕುಸಿತ ಅನುಭವಿಸುತ್ತಿರುವ ವಿವಿಧ ಕ್ಷೇತ್ರಗಳ ಕಂಪನಿಗಳಿಗೆ ಈ ಬೆಳವಣಿಗೆ ಆಶಾದಾಯಕ ಎನಿಸಿದೆ.

(ಇನ್ಫೋ ವಾರ್ತೆ)