ಆರೋಗ್ಯ ತಪಾಸಣೆಗಾಗಿ ಕರುಣಾನಿಧಿ ಆಸ್ಪತ್ರೆಗೆ ದಾಖಲು

ಚೆನ್ನೈ: ಬುಧವಾರ ಸೆಂಟ್ರಲ್‌ ಜೈಲ್‌ನಿಂದ ಬಿಡುಗಡೆಯಾದ ತಮಿಳುನಾಡು ಮಾಜಿ ಮುಖ್ಯಮಂತ್ರಿ ಹಾಗೂ ಡಿಎಂಕೆ ನಾಯಕ ಎಂ. ಕರುಣಾನಿಧಿ ಶುಕ್ರವಾರ, ಆರೋಗ್ಯ ತಪಾಸಣೆಗಾಗಿ ರಾಜಧಾನಿಯ ಆಸ್ಪತ್ರೆಯಾಂದಕ್ಕೆ ದಾಖಲಾದರು.

5 ದಿನಗಳ ಕಾಲ ಜೈಲಿನಲ್ಲಿ ಬಂಧಿಯಾಗಿದ್ದು ಬಿಡುಗಡೆಯಾಗಿರುವ ಕರುಣಾನಿಧಿ ಭುಜದ ತೀವ್ರ ನೋವಿನಿಂದಾಗಿ ಬಳಲುತ್ತಿದ್ದಾರೆ. ಕೈ ಹಾಗೂ ಕಾಲುಗಳ ಊತ ಕೂಡ ಅವರಿಗೆ ಸಮಸ್ಯೆಯಾಗಿ ಕಾಡುತ್ತಿದೆ. ಆಸ್ಪತ್ರೆಗೆ ದಾಖಲಾಗಿರುವ ಕರುಣಾನಿಧಿ ಅವರನ್ನು ಸಂಪೂರ್ಣ ವೈದ್ಯಕೀಯ ತಪಾಸಣೆಗೆ ಒಳಪಡಿಸುವುದಾಗಿ ಅವರ ಖಾಸಗಿ ವೈದ್ಯ ಡಾ. ಗೋಪಾಲ್‌ ಸುದ್ದಿಗಾರರಿಗೆ ತಿಳಿಸ್ದಿದಾರೆ.

ಬಂಧನದ ಸಮಯದಲ್ಲಿ ಪೊಲೀಸರು ಕರುಣಾನಿಧಿ ಅವರೊಂದಿಗೆ ಒರಟಾಗಿ ನಡೆದುಕೊಂಡುದನ್ನು ಹಾಗೂ ಜೈಲುವಾಸದ ಸಮಯದಲ್ಲಿ ತಮ್ಮನ್ನು ಮೂರನೇ ದರ್ಜೆ ಖೈದಿಯಂತೆ ನಡೆಸಿಕೊಳ್ಳಲಾಯಿತು ಎಂದು ಈ ಮುನ್ನ ಕರುಣಾನಿಧಿ ಹೇಳಿದುದನ್ನು ಇಲ್ಲಿ ಸ್ಮರಿಸಬಹುದು.

(ಯುಎನ್‌ಐ)