ಹರಿಕೃಷ್ಣ ಪುನರೂರು ಗೆಲ್ಲಿಸಲು ಕರಾವಳಿ ಸಾಹಿತಿಗಳ ಕರೆ

ಮಂಗಳೂರು: ಸಾಹಿತ್ಯ ಪರಿಷತ್‌ ಚುನಾವಣೆ ಹತ್ತಿರವಾಗುತ್ತಿದ್ದಂತೆ ಪ್ರಚಾರದ ಕಾವೂ ಏರುತ್ತಿದೆ. ಕನ್ನಡ ಸಾಹಿತ್ಯ ಪರಿಷತ್‌ ಅಧ್ಯಕ್ಷತೆಗೆ ಸ್ಪರ್ಧಿಸಿರುವ ಹರಿಕೃಷ್ಣ ಪುನರೂರು ಅವರನ್ನು ಬೆಂಬಲಿಸುವಂತೆ ಕರಾವಳಿಯ ಹಿರಿಯ ಸಾಹಿತಿಗಳು, ಕಲಾವಿದರು, ಗಣ್ಯರು ಮನವಿ ಮಾಡಿಕೊಂಡಿದ್ದಾರೆ.

ಹಿರಿಯ ಸಾಹಿತಿ ಕೈಯ್ಯಾರ ಕಿಞಣ್ಣ ರೈ ಅವರ ಅಧ್ಯಕ್ಷತೆಯಲ್ಲಿ ಇತ್ತೀಚೆಗೆ ನಡೆದ ಸಭೆಯಲ್ಲಿ ಪುನರೂರು ಅವರನ್ನು ಬೆಂಬಲಿಸಲು ತೀರ್ಮಾನಿಸಲಾಯಿತು. ಸಾಹಿತಿಗಳಿಗೆ ಅನೇಕ ಸಂದರ್ಭಗಳಲ್ಲಿ ಬೆನ್ನೆಲುಬಾಗಿ ನಿಂತಿರುವ ಹಾಗೂ ಹಲವು ಸಮ್ಮೇಳನಗಳನ್ನು ಸಂಘಟಿಸಿದ ಖ್ಯಾತಿಯ ಹರಿಕೃಷ್ಣ ಪುನರೂರು ಅವರಿಗೆ ಮತ ಹಾಕುವಂತೆ ಸಭೆಯಲ್ಲಿ ಒಮ್ಮತದಿಂದ ನಿರ್ಧರಿಸಲಾಯಿತು ಎಂದು ಕೈಯ್ಯಾರ ಕಿಞ್ಞಣ್ಣ ರೈ ಹೇಳಿದ್ದಾರೆ.

ಸಭೆಯಲ್ಲಿ ಬಿ.ಎಂ. ಇದಿನಬ್ಬ , ಪ್ರೊ. ಅಮೃತ ಸೋಮೇಶ್ವರ, ವಿ.ಬಿ. ಮೊಳೆಯಾರ, ಎ.ಎಸ್‌.ಎನ್‌. ಹೆಬ್ಬಾರ್‌, ಪದ್ಮಾವತಿ ಶೆಟ್ಟಿ, ಭುವನೇಶ್ವರಿ ಹೆಗಡೆ, ಕುಂಬ್ಳೆ ಸುಂದರ ರಾವ್‌, ಪ್ರೊ. ಕೃಷ್ಣ ಭಟ್‌, ಪ್ರಭಾಕರ ಜೋಶಿ, ಕೆ. ಅನಂತರಾಮರಾವ್‌, ಪಿ. ಅನಂತ ಕೃಷ್ಣ ಭಟ್‌, ಪ್ರೊ. ಎಂ.ಬಿ. ಪುರಾಣಿಕ್‌, ಡಾ. ಮೋಹನ ಆಳ್ವ, ಪ್ರೊ. ಬಿ.ವಿ. ಉಪಾದ್ಯಾಯ, ಗುಲ್ವಾಡಿ ಮಾಧವ ಪೈ, ಪ್ರದೀಪ ಕಲ್ಕೂರ ಪಾಲ್ಗೊಂಡಿದ್ದರು.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...