ಬೆಳಗಾವಿಯಲ್ಲಿ ರೂಪುಗೊಳ್ಳುತ್ತಿರುವ ಬಾಲದ ಬಾವಲಿ ರಕ್ಷಿತಾರಣ್ಯ

ಬೆಳಗಾವಿ: ದೇಶದಲ್ಲೇ ಮೊದಲ ಬಾರಿಗೆ ಮುಕ್ತ ಬಾಲದ ಬಾವಲಿಗಳ ರಕ್ಷಿತಾರಣ್ಯ ಜಿಲ್ಲೆಯಲ್ಲಿ ರೂಪುಗೊಳ್ಳುವ ಸಾಧ್ಯತೆಯಿದೆ. ಭೀಮಗಡ್‌ ಅರಣ್ಯ ಪ್ರದೇಶದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಜಮಾವಣೆಯಾಗುತ್ತಿರುವ ಬಾವಲಿಗಳು ರಕ್ಷಿತಾರಣ್ಯದ ಬಗೆಗೆ ಆಶಾಭಾವನೆ ಮೂಡಿಸಿವೆ.

ಬಾವಲಿಗಳ ರಕ್ಷಿತಾರಣ್ಯ ಕುರಿತು ರಾಜ್ಯ ಅರಣ್ಯ ಇಲಾಖೆ ಪ್ರಸ್ತಾವನೆಯಾಂದನ್ನು ಅಂತಿಮಗೊಳಿಸಿದೆ. ಅರಣ್ಯ ಮಂತ್ರಿ ಕೆ.ಎಚ್‌. ರಂಗನಾಥ್‌ ಅವರಿಗೆ ಈ ವಿವರಣಾತ್ಮಕ ವರದಿಯನ್ನು ಅಧಿಕಾರಿಗಳು ಸದ್ಯದಲ್ಲಿಯೇ ಸಲ್ಲಿಸಲಿದ್ದಾರಂತೆ. ಸರ್ಕಾರದ ಕಡೆಯಿಂದ ಧನಾತ್ಮಕ ಪ್ರತಿಕ್ರಿಯೆ ಸಿಕ್ಕಿದೆ ಎನ್ನುವ ಸುದ್ದಿಯೂ ಹೊರಬಿದ್ದಿದೆ. ಕೃಷಿ, ಕಂದಾಯ ಹಾಗೂ ಪರಿಸರ ಇಲಾಖೆಗಳ ನಡುವೆ ರಕ್ಷಿತಾರಣ್ಯ ಕುರಿತಾದ ಮಾತುಕತೆಗಳು ಪ್ರಗತಿಯಲ್ಲಿವೆ.

ಈ ಮೊದಲು ಮುಕ್ತ ಬಾಲದ ಬಾವಲಿಗಳಿಗೆ ಪ್ರತ್ಯೇಕ ವನಧಾಮ ಸ್ಥಾಪಿಸಲು ಉದ್ದೇಶಿಸಲಾಗಿದ್ದರೂ, ಆ ಪ್ರಸ್ತಾವನೆಯನ್ನು ಸ್ಥಳೀಯರ ತೀವ್ರ ವಿರೋಧದಿಂದಾಗಿ ಕೈಬಿಡಲಾಗಿತ್ತು . ಪ್ರಸಕ್ತ ಉದ್ದೇಶಿತ ರಕ್ಷಿತಾರಣ್ಯ ಕರ್ನಾಟಕ ಮಾತ್ರವಲ್ಲದೆ ಮಹಾರಾಷ್ಟ್ರ ಹಾಗೂ ಗೋವಾಗಳಲ್ಲೂ ಹರಡಿಕೊಳ್ಳಲಿದೆ.

(ಇನ್ಫೋ ವಾರ್ತೆ)