• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಮಾನ್‌ಸೂನ್‌ ಅಧಿವೇಶನದಲ್ಲಿ ಸುರಿಯಲಿದೆತಮಿಳುನಾಡಿನ ಮಳೆ!

By Staff
|

ನವದೆಹಲಿ : ತಮಿಳುನಾಡಿನ ಎಐಎಡಿಎಂಕೆ ಹಾಗೂ ಡಿಎಂಕೆ ನಡುವಣ ಟಂಗಾಟುಂಗಿ ಜುಲೈ 23ರಿಂದ ಪ್ರಾರಂಭವಾಗಲಿರುವ ಸಂಸತ್ತಿನ ಮಳೆಗಾಲದ ಅಧಿವೇಶನದಲ್ಲಿ ಪ್ರತಿಧ್ವನಿಸಲಿದ್ದು, ತಮ್ಮ ಪಕ್ಷದ ಸಚಿವರ ಮೇಲೆ ನಡೆಸಿರುವ ಹಲ್ಲೆಯ ವಿರುದ್ಧ ಡಿಎಂಕೆ ಸದಸ್ಯರು ದನಿಯೆತ್ತಲಿದ್ದಾರೆ.

ವಿಶೇಷ ಗೊತ್ತುವಳಿ ನಿಲುವು : ಕೇಂದ್ರ ಸಚಿವರಾದ ಮುರಸೋಳಿ ಮಾರನ್‌ ಹಾಗೂ ಟಿ.ಎನ್‌.ಬಾಲು, ತಮ್ಮ ಮೇಲೆ ಪೊಲೀ-ಸ-ರು ಕ್ರೌರ್ಯ ತೋರಿದ್ದಾರೆ ಎಂದು ಆಪಾ-ದಿ-ಸು-ತ್ತಿ-ದ್ದು, ಆ ಪೊಲೀಸ್‌ ಅಧಿಕಾರಿಗಳ ವಿರುದ್ಧ ವಿಶೇಷ ಗೊತ್ತುವಳಿ ನಿಲುವು ಮಂಡಿಸಲಿದ್ದಾರೆ ಎಂದು ಡಿಎಂಕೆ ಪಕ್ಷದ ಅಧಿಕಾರಿಯಾಬ್ಬರು ಹೇಳಿದ್ದಾರೆ. ಡಿಎಂಕೆ ನಾಯಕ ಹಾಗೂ ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ಎಂ. ಕರುಣಾನಿಧಿ ಬಂಧನ ಪ್ರತಿಭಟಿಸಿ, ಹಲ್ಲೆಗೊಳಗಾಗಿರುವ ಮಾರನ್‌ ಹಾಗೂ ಬಾಲು ಈಗಾಗಲೇ ಪ್ರಧಾನಿ ಎ.ಬಿ.ವಾಜಪೇಯಿ ಹಾಗೂ ಲೋಕಸಭಾ ಸ್ಪೀಕರ್‌ ಜಿ.ಎಂ.ಸಿ.ಬಾಲಯೋಗಿ ಅವರಿಗೆ ದೂರು ಕೊಟ್ಟಿದ್ದಾರೆ.

ಹಲ್ಲೆ ಮಾಡಿರುವ ಪೊಲೀಸರು ಯಾರ್ಯಾರು ? : ಪ್ರಕರಣ ಕುರಿತ ಪಕ್ಕಾ ದಾಖಲೆಗಳನ್ನು ಒದಗಿಸುವಂತೆ ಲೋಕಸಭಾ ಸ್ಪೀಕರ್‌ ಬಾಲಯೋಗಿ ತಮಿಳುನಾಡು ಸರ್ಕಾರವನ್ನು ಕೇಳಿದ್ದಾರೆ. ಮಾರನ್‌ ಸಲ್ಲಿಸಿರುವ ದೂರಿನಲ್ಲಿ ತಮಿಳುನಾಡು ಪೊಲೀಸ್‌ ಅಧಿಕಾರಿಗಳಾದ ಕ್ರಿಸ್ಟೊಫರ್‌ ನೆಲ್ಸನ್‌, ಮೊಹಮ್ಮದ್‌ ಅಲಿ ಹಾಗೂ ಎಸ್‌.ಜಾರ್ಜ್‌ ಹೆಸರುಗಳಿವೆ. ಈ ಅಧಿಕಾರಿಗಳು ನೈತಿಕ ಚೌಕಟ್ಟನ್ನು ಮೀರಿ ಒರಟಾಗಿ ವರ್ತಿಸಿದ್ದಲ್ಲದೆ ಅವಾಚ್ಯ ಶಬ್ದಗಳಿಂದ ತಮ್ಮನ್ನು ಜರೆದಿದ್ದಾರೆ ಎಂದು ಮಾರನ್‌ ದೂರಿದ್ದಾರೆ. ಪೊಲೀಸ್‌ ಅಧಿಕಾರಿಗಳ ವಿರುದ್ಧ ಒಮ್ಮೆ ವಿಶೇಷ ಗೊತ್ತುವಳಿ ನಿಲುವಳಿ ಮಂಡಿಸಿದಲ್ಲಿ , ಬಡ್ತಿ ಸೇರಿದಂತೆ ಅವರ ಉದ್ಯೋಗದ ಮೇಲೆ ವ್ಯತಿರಿಕ್ತ ಪರಿಣಾಮವಾಗಲಿದೆ ಎಂದು ಡಿಎಂಕೆ ಅಧಿಕಾರಿ ತಿಳಿಸಿದ್ದಾರೆ.

ಜಯಲಲಿತಾ ವಿರುದ್ಧ ಸಿಡಿಯಲಿದೆ ಎನ್‌ಡಿಎ ದನಿ

ಮಾರನ್‌ ಹಾಗೂ ಬಾಲು ಅವರ ಮೇಲಿನ ಹಲ್ಲೆಯನ್ನು ಎನ್‌ಡಿಎ ಈಗಾಗಲೇ ಖಂಡಿಸಿದೆ. ಕರುಣಾನಿಧಿ ಅವರ ಮೇಲಿನ ಹಲ್ಲೆಯನ್ನು ತಮಿಳುನಾಡು ಪೊಲೀಸರ ಮಾನವ ಹಕ್ಕುಗಳ ಉಲ್ಲಂಘನೆಯ ನಿದರ್ಶನ ಎಂದು ಬಣ್ಣಿಸಿದೆ. ತಾವು ತಪ್ಪಿಸಿಕೊಳ್ಳಬಹುದು ಎಂದು ಜಯಲಲಿತಾ ತಿಳಿದಿದ್ದರೆ ಅದು ಶುದ್ಧ ಸುಳ್ಳಾಗಲಿದೆ ಎಂದು ಕೇಂದ್ರ ರೈಲ್ವೆ ಸಚಿವ ಹಾಗೂ ಸಮತಾ ಪಕ್ಷದ ಮುಖಂಡ ನಿತೀಶ್‌ ಕುಮಾರ್‌ ಹೇಳಿದ್ದಾರೆ.

ತಾವು ಮುಖ್ಯಮಂತ್ರಿ ಗದ್ದುಗೆ ಏರಿದ ಮೊದಲ ದಿನದಿಂದ ಡಿಎಂಕೆ ವಿರುದ್ಧ ಸೇಡು ತೀರಿಸಿಕೊಳ್ಳುವ ನಡಾವಳಿಗಳನ್ನೇ ಜಯಲಲಿತಾ ತೋರಿದ್ದಾರೆ. ಯಾವುದೂ ತೆರೆಮರೆಯಲ್ಲಿಲ್ಲ, ಟಿವಿ ಕೆಮೆರಾಗಳು ಸುಳ್ಳು ಹೇಳುವುದಿಲ್ಲ. ಜಯಲಲಿತಾ ಸರ್ಕಾರವನ್ನು ಕಿತ್ತು ಹಾಕುವುದಷ್ಟೇ ಅಲ್ಲದೆ, ಡಿಎಂಕೆ ನಾಯಕರುಗಳ ಮೇಲೆ ನಡೆದ ಕ್ರೌರ್ಯಕ್ಕೆ ಕಾರಣರಾದ ಎಲ್ಲಾ ಅಧಿಕಾರಿಗಳ ವಿರುದ್ಧ ಕ್ರಮ ಜರುಗಿಸಬೇಕು ಎಂಬುದು ಕೇಂದ್ರ ವಾರ್ತಾ ಸಚಿವ ರಾಂ ವಿಲಾಸ್‌ ಪಾಸ್ವಾನ್‌ ಅವರ ಅಭಿಪ್ರಾಯ.

ಒಟ್ಟಿನಲ್ಲಿ ಸಂಸತ್ತಿನ ಮಳೆಗಾಲದ ಅಧಿವೇಶನದಲ್ಲಿ ಸುರಿಯಲಿರುವುದು ತಮಿಳುನಾಡಿನ ಟಂಗಾಟುಂಗಿಯ ಮಳೆಯೇ!

(ಇನ್ಫೋ ವಾರ್ತೆ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more