ಎಂಬಿಎಗಿಂತ ಸಿಎ ಕಡಿಮೆಯೇನಲ್ಲ :ಅಕ್ಟೋಬರ್‌ನಿಂದ ಪ್ರವೇಶ ಪರೀಕ್ಷೆ

ಬೆಂಗಳೂರು : ಸಿಎ ಪದವಿ ಪ್ರವೇಶ ಬಯಸುವವರಿಗೆ ಚಾರ್ಟರ್ಡ್‌ ಅಕೌಂಟ್‌ ಇನ್‌ಸ್ಟಿಟ್ಯೂಷನ್‌ ಆಫ್‌ ಇಂಡಿಯಾ(ಐಸಿಎಐ) ‘ಮಾಹಿತಿ ತಂತ್ರಜ್ಞಾನ ಮತ್ತು ಸಾಮಾನ್ಯ ನಿರ್ವಹಣಾ ಕೌಶಲ್ಯ’ಗಳಿಗೆ ಸಂಬಂಧಿಸಿದ ಪರೀಕ್ಷೆಯಾಂದನ್ನು ನಡೆಸಲು ಉದ್ದೇಶಿಸಿದೆ.

ಅಕ್ಟೋಬರ್‌ ಒಂದರಿಂದ ಜಾರಿಗೆ ಬರುವ ಪರಿಷ್ಕೃತ ಪರೀಕ್ಷಾ ಪದ್ಧತಿಯು ಉದ್ಯೋಗ ಕ್ಷೇತ್ರದಲ್ಲಿ ಸಿಎ ಪದವೀಧರರು ಎಂಬಿಎ ಪದವೀಧರೊಡನೆ ಸ್ಪರ್ಧೆಗಿಳಿಯುವಂತೆ ಮಾಡುತ್ತದೆ.

ಐಸಿಎಐನ ದಕ್ಷಿಣ ಭಾರತದ ಪ್ರಾದೇಶಿಕ ಕಚೇರಿಯ ಕಾರ್ಯದರ್ಶಿ ನರಸಿಂಹ ಪೈ ಪ್ರಕಾರ ಸಿಎ ಪದವೀಧರರು ಈ ಮಾಹಿತಿ ತಂತ್ರಜ್ಞಾನ ಯುಗದ ಉದ್ಯೋಗ ಕ್ಷೇತ್ರದಲ್ಲಿ ಬರಿಗೈಯಲ್ಲಿರುವುದು ಗಮನಕ್ಕೆ ಬಂದಿದೆ. ಆದ್ದರಿಂದ ಈ ಹೊಸ ಪರೀಕ್ಷೆಗಳನ್ನು ಅಳವಡಿಸಲಾಗಿದೆ. ಸಾರ್ವಜನಿಕ ಸಂಪರ್ಕ ಮತ್ತು ವ್ಯಕ್ತಿತ್ವ ವಿಕಸನದಂತಹ ವಿಷಯಗಳನ್ನು ಸಿಎ ಪಾಠ ಪಟ್ಟಿಯಲ್ಲಿ ಅಳವಡಿಸುವ ಅಗತ್ಯವಿದೆ ಎಂದು ಅವರು ಹೇಳುತ್ತಾರೆ.

( ಇನ್ಫೋ ವಾರ್ತೆ)