ಉತ್ತರಾಂಚಲ ಪೊಲೀಸರಿಂದ ಮನೋಜ್‌ ಪ್ರಭಾಕರ್‌ ಬಂಧನ

ಡೆಹ್ರಾಡೂನ್‌ : ವಂಚನೆಯ ಪ್ರಕರಣವೊಂದಕ್ಕೆ ಸಂಬಂಧಿಸಿದಂತೆ ಮಾಜಿ ಕ್ರಿಕೆಟ್‌ ತಾರೆ ಮನೋಜ್‌ ಪ್ರಭಾಕರ್‌ ಅವರನ್ನು ಅವರ ದೆಹಲಿಯ ಕಚೇರಿಯಲ್ಲಿ ಉತ್ತರಾಂಚಲ ಪೊಲೀಸರು ಸೋಮವಾರ ಬಂಧಿಸಿದ್ದಾರೆ.

ಮನೋಜ್‌ ಪ್ರಭಾಕರ್‌ ಅವರ ಬಂಧನವನ್ನು ಉಪ ಪೊಲೀಸ್‌ ಮಹಾ ನಿರ್ದೇಶಕ ಅನಿಲ್‌ ರತೂರಿ ಸುದ್ದಿಗಾರರಿಗೆ ಖಚಿತಪಡಿಸಿದ್ದಾರೆ. ಪ್ರಭಾಕರ್‌ ಬಂಧನದ ನಂತರ ಅವರು ಬಂಧನಕ್ಕೆ ಸಂಬಂಧಿಸಿದ ವಿಷಯವನ್ನು ಸುದ್ದಿಗಾರರಿಗೆ ತಿಳಿಸಿದರು.

ಈ ಮುನ್ನ ಪ್ರಕರಣವೊಂದಕ್ಕೆ ಸಂಬಂಧಿಸಿದಂತೆ ಪ್ರಭಾಕರ್‌ ಅವರ ಬಂಧನಕ್ಕೆ ಉತ್ತರಾಂಚಲ ಹೈಕೋರ್ಟ್‌ ತಡೆಯಾಜ್ಞೆ ನೀಡಿತ್ತು . ಆದರೆ, ಚಿಟ್‌ಫಂಡ್‌ ಪ್ರಕರಣವೊಂದರಲ್ಲಿ ಹಲ್ದ್‌ವಾನಿ ಹೈಕೋರ್ಟ್‌ ಕಳೆದ ತಿಂಗಳು ಜಾಮೀನು ರಹಿತ ವಾರಂಟನ್ನು ಪ್ರಭಾಕರ್‌ ವಿರುದ್ಧ ಹೊರಡಿಸಿತ್ತು .

(ಇನ್ಫೋ ವಾರ್ತೆ)