ಪ್ರಯಾಣ ದರ ಇಳಿಕೆ : ಕೆಎಸ್ಸಾರ್ಟಿಸಿ ಮಾನ್‌ಸೂನ್‌ ಕೊಡುಗೆ

ಬೆಂಗಳೂರು : ಜುಲೈ 1ರಿಂದ ಬಸ್‌ ಪ್ರಯಾಣ ದರ ಕಡಿಮೆಯಾಗಲಿದೆ. ಇದು ಕೆಎಸ್‌ಆರ್‌ಟಿಸಿಯ ಮಾನ್‌ಸೂನ್‌ ಆಫರ್‌.

ಡಿಲಕ್ಸ್‌, ಲಕ್ಷುರಿ, ಪಿ- 5000 ಮಾದರಿ ಡಿಲಕ್ಸ್‌ ಹಾಗೂ ಹವಾ ನಿಯಂತ್ರಿತ ಸಾರಿಗೆ ಬಸ್‌ ಪ್ರಯಾಣ ದರಗಳು ಪ್ರಸ್ತುತ ಜಾರಿಯಲ್ಲಿರುವ ದರಕ್ಕಿಂತ ಪ್ರತಿಶತ 20ರಷ್ಟು ಕಡಿಮೆಯಾಗಲಿದೆ. ಸಾಮಾನ್ಯ ಹಾಗೂ ವೇಗದೂತ ಬಸ್‌ಗಳಿಗೆ ಈ ದರ ಇಳಿಕೆ ಅನ್ವಯಿಸುವುದಿಲ್ಲ. ಜುಲೈ, ಆಗಸ್ಟ್‌ ಹಾಗೂ ಸೆಪ್ಟೆಂಬರ್‌ ತಿಂಗಳುಗಳಿಗೆ ಮಾತ್ರ ಇಳಿಸಿದ ದರ ಜಾರಿಯಲ್ಲಿರುತ್ತದೆ ಎಂದು ಸಂಸ್ಥೆಯ ಕೇಂದ್ರೀಯ ವಿಭಾಗದ ನಿಯಂತ್ರಣಾಧಿಕಾರಿಗಳು ಪ್ರಕಟಿಸಿದ್ದಾರೆ.

(ಇನ್ಫೋ ವಾರ್ತೆ)