ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ವಿಶ್ವಸಂಸ್ಥೆ ಪ್ರಧಾನ ಕಾರ್ಯದರ್ಶಿಯಾಗಿಕೋಫಿ ಅನ್ನಾನ್ ಮರು ಆಯ್ಕೆ
ವಿಶ್ವಸಂಸ್ಥೆ : ವಿಶ್ವಸಂಸ್ಥೆಯ ಪ್ರಧಾನ ಕಾರ್ಯದರ್ಶಿಯಾಗಿ ಕೋಫಿ ಅನ್ನಾನ್ ಸತತ ಎರಡನೇ ಬಾರಿ ಆಯ್ಕೆಯಾಗಿದ್ದಾರೆ.
ಐದು ವರ್ಷಗಳ ಅಧಿಕಾರಾವಧಿಯ ಈ ಹುದ್ದೆಗೆ ಭದ್ರತಾ ಸಮಿತಿಯ 15 ಸದಸ್ಯರು ಅನ್ನಾನ್ ಹೆಸರನ್ನು ಶಿಫಾರಸ್ಸು ಮಾಡಿದ್ದರು. ಸಾಮಾನ್ಯ ಸಭೆಯ 189 ಸದಸ್ಯರು ಅದನ್ನು ಅನುಮೋದಿಸುವ ಮೂಲಕ ಪ್ರಧಾನ ಕಾರ್ಯದರ್ಶಿ ಸ್ಥಾನಕ್ಕೆ ಅನ್ನಾನ್ ಮತ್ತೆ ಆಯ್ಕೆಯಾದರು. ಭದ್ರತಾ ಸಮಿತಿಯ ಅಧ್ಯಕ್ಷ ಅನ್ವರುಲ್ ಚೌಧರಿ ಅವರ ಪ್ರಕಾರ ಅನ್ನಾನ್ ಒಬ್ಬ ಅದ್ವಿತೀಯ ಆಡಳಿತಗಾರ.
ಹುದ್ದೆಗೆ ಆಯ್ಕೆಯಾದ ನಂತರ 63ರ ಹರೆಯದ ಅನ್ನಾನ್ ಪ್ರತಿಕ್ರಿಯಿಸಿದ್ದು ಹೀಗೆ- ಭದ್ರತಾ ಸಮಿತಿಯ ಸದಸ್ಯರು ನನ್ನಲ್ಲಿ ಇಟ್ಟಿರುವ ನಂಬುಗೆಗೆ ಧನ್ಯವಾದಗಳು. ಅವರು ನನಗೆ ಕೊಟ್ಟಿರುವ ಬೆಂಬಲ ಅಪಾರ. ಮಧ್ಯ ಪ್ರಾಚ್ಯ ಸೇರಿದಂತೆ ಅಂತರರಾಷ್ಟ್ರೀಯ ಸಮಸ್ಯೆಗಳನ್ನು ಬಗೆಹರಿಸುವುದು ನನ್ನ ಮುಂದಿನ ಐದು ವರ್ಷಗಳ ಅಧಿಕಾರಾವಧಿಯ ಗುರಿ.
(ಏಜೆನ್ಸೀಸ್)
Comments
Story first published: Saturday, June 30, 2001, 5:30 [IST]