ಬೆಂಗಳೂರು ವಿ.ವಿ : ಪದವಿ ಕೋರ್ಸ್‌ ಮುಚ್ಚುವ ಆತಂಕ ದೂರ

ಬೆಂಗ-ಳೂ-ರು : ಕನಿಷ್ಠ ವಿದ್ಯಾರ್ಥಿಗಳಿಲ್ಲದ ಕಾಲೇಜುಗಳಲ್ಲಿ ಪದವಿ ಕೋರ್ಸ್‌ಗಳನ್ನು ಮುಚ್ಚುವಂತೆ ಹೊರಡಿಸಿದ್ದ ಆದೇಶವನ್ನು ಹಠಾತ್‌ ಪರಿಷ್ಕರಿಸಿರುವ ಕರ್ನಾಟಕ ಸರಕಾರ ತತ್‌ಕ್ಷಣದಿಂದ ಜಾರಿಗೆ ಬರುವಂತೆ ತನ್ನ ಹಿಂದಿನ ಆದೇಶವನ್ನು ವಾಪಸ್‌ ಪಡೆದಿದೆ.

ಬೆಂಗ-ಳೂ-ರು ವಿಶ್ವ ವಿದ್ಯಾ-ಲ-ಯ-ದ ಮಾ-ನ್ಯ-ತೆ ಪಡೆ-ದ ಅನು-ದಾ-ನಿ-ತ ಪ್ರ-ಥ-ಮ-ದ-ರ್ಜೆ ಕಾಲೇ-ಜು-ಗ-ಳ-ಲ್ಲಿ ತಲಾ 120 ವಿದ್ಯಾ-ರ್ಥಿ-ಗ-ಳಿ-ಗಿಂ-ತ ಕಡಿ-ಮೆ ಇರು-ವ ಕಲೆ, ವಾಣಿ-ಜ್ಯ ಮತ್ತು ವಿಜ್ಞಾ-ನ ವಿಭಾ-ಗ-ಗ-ಳ-ನ್ನು ಮುಚ್ಚು-ವಂ-ತೆ ಸರ-ಕಾ-ರ ಈ ಹಿಂದೆ ಆದೇ-ಶ ಹೊರ-ಡಿ-ಸಿತ್ತು.

ಬುಧವಾರ ಹೊಸ ಆದೇಶ ಹೊರಡಿಸುವ ಮೊದಲು ಕಾಲೇಜುಗಳ ಆಡಳಿತ ಮಂಡಳಿ ಹಾಗೂ ಪ್ರಾಂಶುಪಾಲರ ಪ್ರತಿನಿಧಿಗಳ ಜತೆ ಸರಕಾರ ಮಾತುಕತೆ ನಡೆಸಿತು. ಈ ಸಭೆಯಲ್ಲಿ ಸಚಿವ ಎಚ್‌.ಕೆ. ಪಾಟೀಲ್‌, ವಾರ್ತಾ ಸಚಿವ ಬಿ.ಕೆ. ಚಂದ್ರಶೇಖರ್‌, ಉನ್ನತ ಶಿಕ್ಷಣ ಸಚಿವ ಡಾ. ಜಿ. ಪರಮೇಶ್ವರ್‌ ಪಾಲ್ಗೊಂಡಿದ್ದರು.

ಸರಕಾರ ಪರಿಷ್ಕೃತ ಆದೇಶ ಹೊರಡಿಸಿರುವ ಹಿನ್ನೆಲೆಯಲ್ಲಿ ಸದ್ಯಕ್ಕಂತೂ ಕಲೆ, ವಿಜ್ಞಾನ ಹಾಗೂ ವಾಣಿಜ್ಯ ಪದವಿ ವಿಭಾಗಗಳನ್ನು ಮುಚ್ಚಲಾಗುತ್ತದೆ ಎಂಬ ಆತಂಕ ದೂರವಾಗಿದೆ. ಮಾರ್ಪಡಿಸಿದ ಆದೇಶದ ಪ್ರಕಾರ ಬಿ.ಎ., ಬಿ.ಎಸ್‌.ಸಿ. ಹಾಗೂ ಬಿ.ಕಾಂ ಕೋರ್ಸ್‌ಗಳಲ್ಲಿ ಕನಿಷ್ಠ 15 ವಿದ್ಯಾರ್ಥಿಗಳು, ಭಾಷಾ ವಿಷಯವನ್ನು ಐಚ್ಛಿಕವಾಗಿ ಭೋದಿಸುವ ಕೋರ್ಸ್‌ಗಳಲ್ಲಿ ಕನಿಷ್ಠ 5 ವಿದ್ಯಾರ್ಥಿಗಳು ಇರಬೇಕೆಂದು ತಿಳಿಸಲಾಗಿದೆ.

ವಾರ್ತಾ ಸಚಿವ ಪ್ರೊ. ಬಿ.ಕೆ. ಚಂದ್ರಶೇಖರ್‌ ಅವರು ಈ ಹೊಸ ಆದೇಶದ ಪ್ರತಿಯನ್ನು ಬುಧವಾರ ಸಂಜೆ ಬಿಡುಗಡೆ ಮಾಡಿದರು. ಹೊಸ ಆದೇಶದ ರೀತ್ಯ 120 ವಿದ್ಯಾರ್ಥಿಗಳ ಬದಲು ಕನಿಷ್ಠ 45 ವಿದ್ಯಾರ್ಥಿಗಳು ಇದ್ದರೂ ಸಾಕು ಎಂದು ಅವರು ಸ್ಪಷ್ಟಪಡಿಸಿದರು. ಗ್ರಾಮಾಂತರ ಪ್ರದೇಶಗಳಲ್ಲಿ ಹಾಗೂ ಪಟ್ಟಣ ಪ್ರದೇಶದಲ್ಲಿ ಒಂದೇ ಕಾಲೇಜು ಇದ್ದು, ಸುತ್ತ ಮುತ್ತಲ 10 ಕಿ.ಮೀಟರ್‌ ವ್ಯಾಪ್ತಿಯಲ್ಲಿ ಮತ್ತೊಂದು ಕಾಲೇಜು ಇಲ್ಲದಿದ್ದರೆ ಈ ನಿಯಮವೂ ಅನ್ವಯಿಸುವುದಿಲ್ಲ ಎಂದು ಅವರು ತಿಳಿಸಿದರು.

ಮುಖಪುಟ / ಇವತ್ತು... ಈ ಹೊತ್ತು...