• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಬೆಂಗಳೂರಿಗರೇ- ಸಿಗ್ನಲ್‌ ಮೀರಿದಿರೋ, ಮನೆಗೇ ನೋಟಿಸು

By Staff
|

ಬೆಂಗಳೂರು : ಜುಲೈ ತಿಂಗಳ ಮೊದಲ ವಾರದಿಂದ ನೀವು ಟ್ರಾಫಿಕ್‌ ಸಿಗ್ನಲ್‌ ಮೀರಿ ಗಾಡಿ ಓಡಿಸಿದರೆ ಪೊಲೀಸರು ನಿಮ್ಮ ಬೆನ್ನುಹತ್ತುವುದಿಲ್ಲ. ಅದೇ ದಿನ ಸಂಜೆ ಮನೆಯಲ್ಲಿ ದಂಡದ ಚೀಟಿ ನಿಮಗಾಗಿ ಕಾಯುತ್ತಿರುತ್ತದೆ !

ಪೊಲೀಸ್‌ ಕಮಿಷನರ್‌ ಟಿ.ಮಡಿಯಾಳ್‌ ಅವರ ಹೊಸ ಯೋಜನೆಯಿದು. ನಗರದ 1500 ಟ್ರಾಫಿಕ್‌ ಪೊಲೀಸರು ಮೈಯೆಲ್ಲಾ ಕಣ್ಣಾಗಿ ಕಾಯುತ್ತಿರುತ್ತಾರೆ. ಕೆಂಪು ದೀಪ ಮೀರಿ ಗಾಡಿ ಬಿಟ್ಟರೋ, ನಿಮ್ಮ ಗಾಡಿಯ ನಂಬರು ಪೊಲೀಸರ ಪುಟ್ಟ ಪುಸ್ತಕದಲ್ಲಿ ದಾಖಲು. ದಂಡದ ನೋಟೀಸನ್ನು ಅಂದೇ ಸಂಜೆ ಹೊತ್ತಿಗೆ ಮನೆಗೆ ರವಾನಿಸಿರುತ್ತಾರೆ. ನಿಮ್ಮ ವಾಹನವನ್ನು ನೋಂದಾಯಿಸಿರುವ ಆರ್‌ಟಿಓ ಕಚೇರಿ ನಿಮ್ಮ ವಿಳಾಸವನ್ನು ಒದಗಿಸುತ್ತದೆ. ಮೊದಲ ಬಾರಿ ಸಣ್ಣ ಪ್ರಮಾಣದ ದಂಡ. ಎರಡು, ಮೂರು, ನಾಲ್ಕನೇ ಬಾರಿಯೂ ಅದೇ ರೀತಿ ನೀವು ವರ್ತಿಸಿದರೆ ದಂಡ ಏರುತ್ತದೆ. ಮೊಂಡು ಬಿಡದೆ, ಐದು- ಆರನೇ ಬಾರಿಯೂ ನಿಮ್ಮ ಚಾಳಿ ಮುಂದುವರೆದರೆ ಲೈಸನ್ಸೇ ರದ್ದಾಗಲಿದೆ ಎಚ್ಚರ.

ಕಳೆದ ಎರಡು ದಶಕಗಳಲ್ಲಿ ವಿದೇಶೀಯರೂ ಸೇರಿದಂತೆ ನಡೆಸಿರುವ ಸಮೀಕ್ಷೆ ಪ್ರಕಾರ ಬೆಂಗಳೂರು ಗೊಂದಲನಗರಿ, ಟ್ರಾಫಿಕ್ಕು ಇಲ್ಲಿ ದೊಡ್ಡ ಕಿರಿಕಿರಿ. ಇದನ್ನು ತಪ್ಪಿಸಲು ಎಲ್ಲಾ ವಾಹನ ಓಡಿಸುವವರಲ್ಲಿ ಶಿಸ್ತು ತರುವುದು ಅತ್ಯಗತ್ಯ. ಈ ನಿಟ್ಟಿನಲ್ಲಿ ಹೊಸ ಯೋಜನೆ ಜಾರಿಗೆ ತರಲಿದ್ದೇವೆ ಎಂದು ಮಡಿಯಾಳ್‌ ಆಂಗ್ಲ ಪತ್ರಿಕೆಯಾಂದಕ್ಕೆ ತಿಳಿಸಿದ್ದಾರೆ.

ದಂಡ ಕಟ್ಟದಿದ್ದರೆ ಏನು ಮಾಡಿಯಾರು ಅಂತ ಮೊಂಡುಬಿದ್ದೀರಾ, ಜೋಕೆ ! ಮಡಿಯಾಳ್‌ ಖಡಕ್ಕಾಗಿದ್ದಾರೆ.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more