ಜಿ.ಟಿ.ನಾರಾಯಣರಾವ್‌ಗೆ ದೆಹಲಿ ಕರ್ನಾಟಕ ಸಂಘದ ಕಾರಂತ ಪ್ರಶಸ್ತಿ

ಬೆಂಗಳೂರು : ದೆಹಲಿ ಕರ್ನಾಟಕ ಸಂಘ ಎರಡು ವರ್ಷಗಳಿಗೊಮ್ಮೆ ನೀಡುವ ಶಿವರಾಮ ಕಾರಂತ ಪ್ರಶಸ್ತಿಗೆ ವಿಜ್ಞಾನ ಮತ್ತು ಪರಿಸರ ವಲಯದಲ್ಲಿ ಪರಿಚಿತ ಹೆಸರಾದ ಜಿ.ಟಿ. ನಾರಾಯಣ ರಾವ್‌ ಆಯ್ಕೆಯಾಗಿದ್ದಾರೆ.

25 ಸಾವಿರ ರೂಪಾಯಿ ನಗದು ಹಾಗೂ ಅಭಿನಂದನಾ ಪತ್ರವನ್ನು ಪ್ರಶಸ್ತಿ ಒಳಗೊಂಡಿದ್ದು , ಜುಲೈ ತಿಂಗಳ ಅಂತ್ಯದಲ್ಲಿ ದೆಹಲಿಯಲ್ಲಿ ಆಯೋಜಿಸಲಾಗಿರುವ ಸಮಾರಂಭದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುವುದು.

ಸಮಾರಂಭದಲ್ಲಿ ಕೇಂದ್ರ ಸಂಸ್ಕೃತಿ ಸಚಿವರು ಹಾಗೂ ರಾಜ್ಯ ಕನ್ನಡ ಸಂಸ್ಕೃತಿ ಇಲಾಖೆಯ ಸಚಿವರು ಭಾಗವಹಿಸಲಿದ್ದಾರೆ ಎಂದು ದೆಹಲಿ ಕರ್ನಾಟಕ ಸಂಘದ ಅಧ್ಯಕ್ಷ ಕೆ. ಆರ್‌. ನಾಗರಾಜ ಹೇಳಿದ್ದಾರೆ. 74 ವರ್ಷ ವಯಸ್ಸಿನ ಜಿ.ಟಿ. ನಾರಾಯಣ ರಾವ್‌ ಅವರನ್ನು ಎಚ್‌. ವೈ. ಶಾರದಾ ಪ್ರಸಾದ್‌ ಅವರ ಅಧ್ಯಕ್ಷತೆಯ ಸಮಿತಿ ಈ ಪ್ರಶಸ್ತಿಗೆ ಆಯ್ಕೆ ಮಾಡಿದೆ.

(ಇನ್ಫೋ ವಾರ್ತೆ)