ಕರ್ನಾಟಕ ವಿಧಾನಮಂಡಲದಿಂದ ರಾಷ್ಟ್ರನಾಯಕರ ಪುಸ್ತಕ

ಬೆಂಗಳೂರು : ಕರ್ನಾಟಕ ವಿಧಾನಮಂಡಲ ಈಗ ಪುಸ್ತಕ ಪ್ರಕಟಣೆ ಯಲ್ಲಿ ತೊಡಗಿದೆ. 15 ಮಂದಿ ಹಿರಿಯ ಸಂಸದೀಯ ಪಟುಗಳು ಹಾಗೂ 11 ರಾಷ್ಟ್ರ ನಾಯಕರನ್ನು ಕುರಿತ ಕೃತಿಗಳನ್ನು ವಿಧಾನಮಂಡಲ ಪ್ರಕಟಿಸಿದೆ.

ವಿಧಾನಮಂಡಲ ಪ್ರಕಟಿಸಿರುವ ಮೂಲ ಹಾಗೂ ಭಾಷಾಂತರ ಕೃತಿಗಳು ಸುಲಭ ಬೆಲೆಯಲ್ಲಿ ಸಾರ್ವಜನಿಕರಿಗೆ ಲಭ್ಯವಿವೆ. ಸಂಶೋಧನೆ ಮತ್ತು ಉಲ್ಲೇಖನಾ ಶಾಖೆ, ಕರ್ನಾಟಕ ವಿಧಾನಸಭಾ ಸಚಿವಾಲಯ, ವಿಧಾನಸೌಧ, ಬೆಂಗಳೂರು-1 ಈ ವಿಳಾಸದಲ್ಲಿ ಪುಸ್ತಕಗಳನ್ನು ಪಡೆಯಬಹುದು.

ಕೆಂಗಲ್‌ ಹನುಮಂತಯ್ಯ, ವೈಕುಂಠ ಬಾಳಿಗಾ, ವೀರೇಂದ್ರ ಪಾಟೀಲ, ಟಿ.ಸಿದ್ಧಲಿಂಗಯ್ಯ, ಕೆ.ಸಿ.ರೆಡ್ಡಿ ಮತ್ತು ಬಿ.ವಿ.ಕಕ್ಕಿಲಾಯ ಅವರನ್ನು ಕುರಿತ ಪುಸ್ತಕಗಳ ಬೆಲೆ ತಲಾ 20 ರುಪಾಯಿ. ಉಳಿದಂತೆ ಎಸ್‌.ನಿಜಲಿಂಗಪ್ಪ , ಶಾಂತವೇರಿ ಗೋಪಾಲಗೌಡ, ಕಡಿದಾಳ ಮಂಜಪ್ಪ , ಜಿ.ಎ. ಹಳ್ಳಿಕೇರಿ, ಕೆ.ಎಸ್‌.ನಾಗರತ್ನಮ್ಮ, ದೇವರಾಜ ಅರಸ್‌, ಕೆ.ಟಿ. ಭಾಷ್ಯಂ, ಕೆ. ಪುಟ್ಟಸ್ವಾಮಿ ಹಾಗೂ ಜಗಳೂರು ಇಮಾಂ ಅವರುಗಳನ್ನು ಕುರಿತ ಪುಸ್ತಕಗಳ ಬೆಲೆ ತಲಾ 15 ರುಪಾಯಿ. ಕಚೇರಿ ವೇಳೆಯಲ್ಲಿ ಪುಸ್ತಕಗಳು ಮಾರಾಟಕ್ಕೆ ಲಭ್ಯ.

(ಇನ್ಫೋ ವಾರ್ತೆ)