ಬೆಂಗಳೂರಿನ ಪ್ರವೀಣ್ ಕುಮಾರ್ಗೆ ಎಎಫ್ಐಎಪಿ ಪದವಿ
ಬೆಂಗಳೂರು : ನಗರದ ಹವ್ಯಾಸಿ ಛಾಯಾಗ್ರಾಹಕ ಎಚ್.ವಿ.ಪ್ರವೀಣ್ ಕುಮಾರ್ ಅವರನ್ನು ಲಕ್ಸಂಬರ್ಗ್ನ ಅಂತರರಾಷ್ಟ್ರೀಯ ಛಾಯಾಗ್ರಹಣ ಸಂಸ್ಥೆ 2000ನೇ ಸಾಲಿನ ಎಎಫ್ಐಎಪಿ ಪದವಿಗೆ ಆಯ್ಕೆ ಮಾಡಿದೆ.
ಪ್ರಕೃತಿ ವಿಭಾಗದ ಈ ಏಕೈಕ ಪ್ರಶಸ್ತಿ ಕರ್ನಾಟಕದ ಪಾಲಾಗಿರುವುದು, ಕನ್ನಡನಾಡು ಛಾಯಾಗ್ರಾಹಕರ ತಾಣ ಎಂಬ ಕೀರ್ತಿಗೆ ಮೂಡಿರುವ ಮತ್ತೊಂದು ಗರಿಯಾಗಿದೆ. ಎಫ್ಐಎಪಿ ಸಂಸ್ಥೆ ಈ ಪ್ರಶಸ್ತಿಯನ್ನು ಅಧಿಕೃತವಾಗಿ ಪ್ರಕಟಿಸಿದೆ. ಅಂತರರಾಷ್ಟ್ರೀಯ ಮಟ್ಟದಲ್ಲಿ ಮಾನ್ಯತೆ ಗಿಟ್ಟಿಸಿರುವ ಭಾರತೀಯ ಛಾಯಾಗ್ರಾಹಕರಲ್ಲಿ ಕರ್ನಾಟಕದವರೇ ಹೆಚ್ಚು.
ಯಾರೀ ಪ್ರವೀಣ್ ? : ಕೇಂದ್ರೀಯ ಎಕ್ಸೈಸ್ ಇಲಾಖೆಯಲ್ಲಿ ನೌಕರಿ. ಛಾಯಾಗ್ರಹಣ ಮಾಡುವ ಹವ್ಯಾಸಕ್ಕೆ ಒಂದು ಐಡೆಂಟಿಟಿ ಸಿಕ್ಕಿದ್ದು 1995ರಲ್ಲಿ ; ವನ್ಯಜೀವಿ ಛಾಯಾಗ್ರಾಹಕರಾಗಿ. ಬಹುಮುಖ ಪ್ರತಿಭೆಯ ಈ ಮೇಧಾವಿ ಚುರುಕಾದರು. 450ಕ್ಕೂ ಹೆಚ್ಚು ಛಾಯಾಚಿತ್ರಗಳು ರಾಷ್ಟ್ರೀಯ ಹಾಗೂ ಅಂತರರಾಷ್ಟ್ರೀಯ ಸ್ಪರ್ಧೆಗಳಿಗೆ ಸ್ವೀಕೃತವಾಗಿದ್ದು, ಈ ಪೈಕಿ 50ಕ್ಕೆ ಪ್ರಶಸ್ತಿ ಸಂದಿದೆ. ಎಕ್ಸೈಸ್ ಇಲಾಖೆಯಲ್ಲಿ ಈ ಸಾಧನೆ ಮಾಡಿರುವ ಏಕೈಕ ಎಂಬ ಕೀರ್ತಿಯೂ ಪ್ರವೀಣ್ರದ್ದು.
(ಇನ್ಫೋ ವಾರ್ತೆ)