ಆಗ್ರಾದಲ್ಲಿ ಜುಲೈ 14 ರಂದು ವಾಜಪೇಯಿ- ಮುಷರ್ರಫ್ ಶೃಂಗಸಭೆ
ನವದೆಹಲಿ : ಪಾಕಿಸ್ತಾನದ ಮಿಲಿಟರಿ ಆಡಳಿತಾಧಿಕಾರಿ ಜನರಲ್ ಪರ್ವೇಜ್ ಮುಷರ್ರಫ್ ಬರುವ ಜುಲೈ ತಿಂಗಳ 14ರಿಂದ 16ರವರೆಗೆ ಭಾರತಕ್ಕೆ ಭೇಟಿ ನೀಡಲಿದ್ದು, ಈ ಅವಧಿಯಲ್ಲಿ ಪ್ರಧಾನಿ ವಾಜಪೇಯಿ ಜೊತೆ ಮಾತುಕತೆ ನಡೆಸಲಿದ್ದಾರೆ.
ಮಂಗಳವಾರ ರಾತ್ರಿ ವಿದೇಶಾಂಗ ವ್ಯವಹಾರಗಳ ಖಾತೆಯ ಬಾತ್ಮೀದಾರ ಈ ವಿಷಯವನ್ನು ತಿಳಿಸಿದ್ದು, ಪ್ರಧಾನಿ ಹಾಗೂ ಮುಷರ್ರಫ್ ನಡುವಿನ ಮಾತುಕತೆಗಳು ಆಗ್ರಾದಲ್ಲಿ ನಡೆಯಲಿವೆ ಎಂದು ಹೇಳಿದ್ದಾರೆ. ತಮ್ಮ ಪತ್ನಿಯ ಜೊತೆ ಮುಷರ್ರಫ್ ಅವರು ಆಗ್ರಾದಲ್ಲಿನ ಪ್ರಮುಖ ದರ್ಗಾಗಳಿಗೂ ಭೇಟಿ ನೀಡಲಿದ್ದಾರೆ. ಪಾಕಿಸ್ತಾನದ ಆಡಳಿತಾಧಿಕಾರಿಗಳ ಭಾರತ ಭೇಟಿಯ ಪೂರ್ವ ತಯಾರಿಗಾಗಿ ಪಾಕಿಸ್ತಾನದಲ್ಲಿರುವ ಭಾರತೀಯ ಹೈ ಕಮಿಷನರ್ ವಿಜಯ್ ನಂಬಿಯಾರ್ ಕೆಲ ದಿನಗಳ ಹಿಂದೆ ದೆಹಲಿಗೆ ಆಗಮಿಸಿದ್ದಾರೆ.
ಮೇ 23ರಂದು ಭಾರತ ಭೇಟಿಗಾಗಿ ವಾಜಪೇಯಿ ಇತ್ತ ಆಹ್ವಾನವನ್ನು ಮುಷರ್ರಫ್ ಒಪ್ಪಿಕೊಂಡ ಮೇರೆಗೆ ಅವರು ಜುಲೈ ತಿಂಗಳಲ್ಲಿ ಆಗಮಿಸುತ್ತಿದ್ದಾರೆ. ಉಭಯ ದೇಶದ ನಾಯಕರ ನಡುವಿನ ಮಾತುಕತೆಯಲ್ಲಿ ಕಾಶ್ಮೀರದ ವಿಷಯ ಪ್ರಮುಖವಾಗಿರುತ್ತದೆ.
(ಯುಎನ್ಐ)
ವಾರ್ತಾ
ಸಂಚಯ
ಮುಖಪುಟ
/
ಆಸ್ಪತ್ರೆಯಲ್ಲಿ
ಅಟಲ್
/
ಶುಭಕಾಮನೆಗಳು