ಭಾರತವು ರಾಯಭಾರ ಕಚೇರಿಯನ್ನು ರಕ್ಷಿಸುತ್ತದೆ - ಅಮೆರಿಕಾ ವಿಶ್ವಾಸ

ವಾಷಿಂಗ್ಟನ್‌ : ನವದೆಹಲಿಯಲ್ಲಿರುವ ಅಮೆರಿಕದ ರಾಯಭಾರ ಕಚೇರಿ ಹಾಗೂ ಇನ್ನಿತರ ಕಚೇರಿಗಳನ್ನು ಭಾರತವು ರಕ್ಷಿಸುತ್ತದೆ ಎಂಬ ವಿಶ್ವಾಸವನ್ನು ಅಮೆರಿಕಾ ವ್ಯಕ್ತಪಡಿಸಿದೆ. ಈ ವಿಷಯವನ್ನು ಅಧಿಕೃತ ವಕ್ತಾರ ರಿಚರ್ಡ್‌ ಬುಚರ್‌ ಇಲ್ಲಿ ತಿಳಿಸಿದ್ದಾರೆ.

ದೆಹಲಿಯಲ್ಲಿರುವ ಅಮೆರಿಕದ ರಾಯಭಾರ ಕಚೇರಿ ಸ್ಫೋಟಿಸಲು ಸಂಚು ಹೂಡಿದ್ದ ಒಸಮಾ ಬಿನ್‌ ಲೆಡನ್‌ ಸಹಚರರೆನ್ನಲಾದ ಮೂವರು ಶಂಕಿತ ಉಗ್ರರನ್ನು ಭಾರತದ ಪೊಲೀಸರು ಬಂಧಿಸಿದ್ದಾರೆ. ಆದರೆ, ದೂತಾವಾಸದ ಸ್ಫೋಟದ ಬೆದರಿಕೆಯ ಬಗ್ಗೆ ತಮಗೆ ಯಾವುದೇ ನಿರ್ದಿಷ್ಟ ಮಾಹಿತಿಗಳು ಲಭ್ಯವಾಗಿಲ್ಲ ಎಂದು ಅವರು ಹೇಳಿದರು.

ಭಾರತೀಯ ಅಧಿಕಾರಿಗಳೊಂದಿಗೆ ನಾವು ಸಹಕರಿಸುತ್ತಿದ್ದೇವೆ. ಅವರೂ ಕೂಡ ನಮಗೆ ಸಹಕಾರ ನೀಡುತ್ತಿದ್ದಾರೆ. ಭಾರತವು ಅಮೆರಿಕದ ರಾಯಭಾರಿ ಕಚೇರಿಯನ್ನು ಸಂರಕ್ಷಿಸಲು ಶಕ್ತಿ ಮೀರಿ ಶ್ರಮಿಸುತ್ತದೆ ಎಂಬ ಅತುಲ ವಿಶ್ವಾಸ ತಮಗಿದೆ ಎಂದೂ ಅವರು ಪುನರುಚ್ಚರಿಸಿದರು.

(ಯು.ಎನ್‌.ಐ.)

ಮುಖಪುಟ / ಇವತ್ತು... ಈ ಹೊತ್ತು...