ಬೆಂಗಳೂರು ಆಸ್ಪತ್ರೆಯಲ್ಲಿ ಉಚಿತ ಸೀಳ್ದುಟಿ ಸುರೂಪ ಶಸ್ತ್ರಚಿಕಿತ್ಸೆ

ಬೆಂಗಳೂರು : ಸೀಳು ತುಟಿ ಹೊಂದಿರುವ ಕಡು ಬಡವರಿಗೆ ಸುರೂಪ ಶಸ್ತ್ರಚಿಕಿತ್ಸೆಯನ್ನು ಉಚಿತವಾಗಿ ನಡೆಸಲು ‘ಬೆಂಗಳೂರು ಆಸ್ಪತ್ರೆ ಸೀಳು ತುಟಿ ಚಿಕಿತ್ಸಾ ಟ್ರಸ್ಟ್‌ ಮುಂದಾಗಿದೆ’.

ಸೀಳು ತುಟಿ ಸರಿಪಡಿಸುವ ಸುರೂಪ ಶಸ್ತ್ರಚಿಕಿತ್ಸೆಗೆ ಕನಿಷ್ಠ 12 ಸಾವಿರ ರುಪಾಯಿ ಖರ್ಚಾಗಲಿದ್ದು , ಈ ಮೊತ್ತವನ್ನು ಭರಿಸಲು ಸಾಧ್ಯವಾಗದಿರುವ ಬಡವರಿಗೆ ನೆರವಾಗುವ ದೃಷ್ಟಿಯಿಂದ , ಉಚಿತ ಶಸ್ತ್ರ ಚಿಕಿತ್ಸಾ ಯೋಜನೆಯನ್ನು ಟ್ರಸ್ಟ್‌ ಹಮ್ಮಿಕೊಂಡಿದೆ. ಈ ಯೋಜನೆಯಡಿ 200 ಶಸ್ತ್ರ ಚಿಕಿತ್ಸೆಗಳನ್ನು ಮಾಡಲಾಗುವುದು ಎಂದು ಬೆಂಗಳೂರು ಆಸ್ಪತ್ರೆಯ ವ್ಯವಸ್ಥಾಪಕ ನಿರ್ದೇಶಕ ಡಾ.ಕೆ.ಎಸ್‌.ಶೇಖರ್‌ ಸೋಮವಾರ ಸುದ್ದಿಗಾರರಿಗೆ ತಿಳಿಸಿದರು.

ಸೀಳು ತುಟಿ ಒಂದು ಸಾಮಾನ್ಯ ಅಂಗವಿಕಲಕತೆ. ಅತ್ಯಾಧುನಿಕ ವೈದ್ಯಕೀಯ ಸೌಲಭ್ಯ ಹಾಗೂ ಶಸ್ತ್ರಚಿಕಿತ್ಸೆಯಿಂದ ಈ ಅಂಗ ವಿಕಲತೆಯನ್ನು ಸಂಪೂರ್ಣವಾಗಿ ಗುಣಪಡಿಸಬಹುದು ಎಂದು ಶೇಖರ್‌ ಹೇಳಿದರು. ಶಸ್ತ್ರಚಿಕಿತ್ಸೆ ಮಾಡಿಸಿಕೊಳ್ಳುವವರಿಗೆ ವಯೋಮಾನದ ಮಿತಿಯಿಲ್ಲ .

ಆಸಕ್ತರು ಸಾರ್ವಜನಿಕ ಸಂಪರ್ಕಾಧಿಕಾರಿ, ಸೀಳು ತುಟಿ ನಿರ್ವಹಣಾ ವಿಭಾಗ ಮತ್ತು ಪ್ಲಾಸ್ಟಿಕ್‌ ಸರ್ಜರಿ ವಿಭಾಗ, ಬೆಂಗಳೂರು ಆಸ್ಪತ್ರೆ, ರಾಷ್ಟ್ರೀಯ ವಿದ್ಯಾಲಯ ರಸ್ತೆ , ಬೆಂಗಳೂರು- 560 004 ಈ ವಿಳಾಸವನ್ನು ಸಂಪರ್ಕಿಸಬಹುದು. ದೂರವಾಣಿ ಸಂಖ್ಯೆ 080- 6562753 ಅಥವಾ 6565494 ಸಂಪರ್ಕಿಸಿ ವಿವರಗಳನ್ನು ಪಡೆಯಬಹುದು.

(ಇನ್ಫೋ ವಾರ್ತೆ)