ಕಂಪ್ಯೂಟರ್‌ ಮಾನಿಟರ್‌ ಮೇಲೆ ವಿಜಯನಗರದ ಗತ ವೈಭವ

ನವದೆಹಲಿ : ವಿಜಯನಗರ ಸಾಮ್ರಾಜ್ಯದ ಗತ ವೈಭವಕ್ಕೆ ಸಾಕ್ಷಿಯಾಗಿರುವ ಹಂಪಿಯ ಅವಶೇಷಗಳನ್ನು ಉತ್ಖನನ ಮಾಡಿ ತೆಗೆದಿರುವ ವಿಶ್ವದ ಹೆಸರಾಂತ ಪ್ರಾಚೀನ ವಸ್ತು ಸಂಶೋಧನಾ ಶಾಸ್ತ್ರಜ್ಞ ಡೇವಿಡ್‌ನೆಲ್ಸನ್‌ ಗಿಂಬೆಲ್‌, ಈಗ ಆ ಅವಶೇಷಗಳಿಗೆ ಕಂಪ್ಯೂಟರ್‌ ತಂತ್ರಜ್ಞಾನದ ನೆರವಿನಿಂದ 3ಡಿ ಮೆರುಗು ನೀಡುತ್ತಿದ್ದಾರೆ.

ಚಾರಿತ್ರಿಕ ಹಿನ್ನೆಲೆಯ ಸ್ಥಳವೊಂದರ ಅವಶೇಷಗಳನ್ನು ಹೊರತೆಗೆದು ಅವುಗಳನ್ನು ಕಂಪ್ಯೂಟರ್‌ ತಂತ್ರಜ್ಞಾನದಿಂದ ಶೋಧಿಸುವ ಮೂಲಕ ತಜ್ಞರ ತಂಡ ಮಾಹಿತಿ ಕಲೆ ಹಾಕುತ್ತಿರವುದು ವಿಶ್ವದಲ್ಲಿ ಇದೇ ಪ್ರಥಮ.

ವಿಜಯನಗರ ಸಾಮ್ರಾಜ್ಯದ ಕಳೆದು ಹೋದ ವೈಭವವನ್ನು ಕಂಪ್ಯೂಟರ್‌ನ ನೆರವಿನಿಂದ ಮತ್ತೆ ಜಗತ್ತಿನ ಮುಂದಿಡಬಲ್ಲೆವು ಎಂಬ ಆತ್ಮವಿಶ್ವಾಸ ಇದೆ ಎಂದು ಸಂಶೋಧನಾ ಯೋಜನೆಯ ಉಸ್ತುವಾರಿ ವಹಿಸಿಕೊಂಡಿರುವ ಡೇವಿಡ್‌ ನೆಲ್ಸನ್‌ ಗಿಂಬಲ್‌ ಹೇಳಿದ್ದಾರೆ.

ಆಪಲ್‌ ಸಾಫ್ಟ್‌ವೇರ್‌ ಸಿಎಡಿ ಕಂಪ್ಯೂಟರ್‌ ಸಹಾಯದಿಂದ ಮಾಡುವ ವಿನ್ಯಾಸ ಮತ್ತು 3ಡಿ ಪರಿಣಾಮ ಮೂಡಿಸುವ ತಂತ್ರಗಾರಿಕೆಯನ್ನು ಸಂಶೋಧಕರ ತಂಡ ಬಳಸಿಕೊಳ್ಳಲಿದೆ.

(ಇನ್ಫೋ ವಾರ್ತೆ)