• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಭಾರತೀಯ ವಾಯು ಪಡೆಯಲ್ಲಿ ನುರಿತ ಪೈಲಟ್‌ಗಳ ಕೊರತೆ

By Staff
|

ಬೆಂಗಳೂರು: ನುರಿತ ಹಾಗೂ ತರಬೇತಿ ಹೊಂದಿದ ಪೈಲಟ್‌ಗಳ ಕೊರತೆ ಭಾರತೀಯ ವಾಯುಪಡೆಯನ್ನು ಬಹುವಾಗಿ ಕಾಡುತ್ತಿದೆ. ಕೇಂದ್ರ ಸರಕಾರವು 220 ವಿಮಾನ ಚಾಲಕರನ್ನು ನೇಮಕ ಮಾಡಿಕೊಳ್ಳಲು ಅನುಮತಿ ನೀಡಿದೆಯಾದರೂ, ವಾಯುಪಡೆ ಪ್ರತಿವರ್ಷ 110ರಿಂದ 120 ಜನರನ್ನು ಮಾತ್ರ ನೇಮಕ ಮಾಡಿಕೊಳ್ಳುತ್ತಿದೆ.

ಇದಕ್ಕೆ ಕಾರಣ ಕೌಶಲ್ಯದ ಕೊರತೆ. ಭಾರತೀಯ ವಾಯುಪಡೆ ಅತ್ಯುನ್ನತ ಗುಣಮಟ್ಟ ಕಾಪಾಡಿಕೊಳ್ಳಲು, ನಿಯಮಾನುಸಾರ ಪರೀಕ್ಷೆಗಳನ್ನು ನಡೆಸುತ್ತದೆ. ಅರ್ಹರನ್ನು ಮಾತ್ರ ಆಯ್ಕೆ ಮಾಡುತ್ತದೆ. ವಾಯುಪಡೆಯ ಗುಣಮಟ್ಟದ ಸಮೀಪಕ್ಕೂ ಬಾರದವರನ್ನು ತಿರಸ್ಕರಿಸುತ್ತದೆ. ಈ ವಿಷಯವನ್ನು ಏರ್‌ ಆಫೀಸರ್‌ ಕಮಾಂಡಿಂಗ್‌ ಇನ್‌ ಚೀಫ್‌ ಏರ್‌ ಮಾರ್ಷಲ್‌ ಟಿ.ಜೆ. ಮಾಸ್ಟರ್‌ ತಿಳಿಸಿದ್ದಾರೆ.

ಪ್ರಾಥಮಿಕ ಪರೀಕ್ಷೆಗಳಲ್ಲಿ ತೇರ್ಗಡೆಯಾಗಿ ತರಬೇತಿಗೆ ಆಯ್ಕೆಯಾದ ತಂಡದಲ್ಲಿ ಇರುವ 110 ಅಭ್ಯರ್ಥಿಗಳ ಪೈಕಿ 85 ರಿಂದ 93 ರಷ್ಟು ಮಂದಿ ಮಾತ್ರ ಸಾಮಾನ್ಯವಾಗಿ ತಮ್ಮ ತರಬೇತಿಯನ್ನು ಪೂರ್ಣಗೊಳಿಸುತ್ತಾರೆ. ಆದರೆ, ಈ ಬಾರಿ ಆಯ್ಕೆಯಾಗಿರುವ ತಂಡದಲ್ಲಿ ತರಬೇತಿ ಪೂರೈಸಿದ ಪೈಲಟ್‌ಗಳ ಸಂಖ್ಯೆ ಕೇವಲ 55.

ಭಾರಿ ಪ್ರಮಾಣದ ಈ ನಷ್ಟದಿಂದ ವಾಯುಪಡೆ ತರಬೇತಿ ಹೊಂದಿದ ನುರಿತ ಪೈಲಟ್‌ಗಳ ಕೊರತೆ ಅನುಭವಿಸುವ ಸ್ಥಿತಿ ಬಂದೊದಗಿದೆ. ಟಿ.ಜೆ. ಮಾಸ್ಟರ್‌ ಪ್ರಕಾರ ಪೈಲಟ್‌ ಆಗುವವರಿಗೆ ಕೆಲವು ಮೂಲಭೂತ ಕೌಶಲ್ಯಗಳಿರಬೇಕು. ದೈಹಿಕವಾಗಿಯೂ ಅವರು ಸಮರ್ಥರಾಗಿರಬೇಕು. ಎಲ್ಲಕ್ಕಿಂತಲೂ ಮಿಗಿಲಾಗಿ ಗುಣಮಟ್ಟ ಕಾಯ್ದುಕೊಳ್ಳಬೇಕು.

ನಾವು ಬ್ಯಾಚ್‌ ಒಂದರಲ್ಲಿ 110 ಚಾಲಕರನ್ನು ನೇಮಕ ಮಾಡಿಕೊಂಡರೆ, ನಮಗೆ ಪೈಲಟ್‌ಗಳ ಕೊರತೆಯೇ ಇರುವುದಿಲ್ಲ. ಆದರೆ, ನಾವು ಗುಣಮಟ್ಟದೊಂದಿಗೆ ರಾಜಿ ಮಾಡಿಕೊಳ್ಳಲು ಸಿದ್ಧರಿಲ್ಲ ಎಂದೂ ಅವರು ಸ್ಪಷ್ಟಪಡಿಸಿದ್ದಾರೆ.

ಪೈಲಟ್‌ಕೈಗೆ ನಾವು 2 ಕೋಟಿ ರುಪಾಯಿ ಮೌಲ್ಯದ ವಿಮಾನ ನೀಡುತ್ತೇವೆ. ಐದು ವರ್ಷಗಳ ಸುದೀರ್ಘ ತರಬೇತಿಗೆ ಸುಮಾರು 6 ಕೋಟಿ ರುಪಾಯಿ ವೆಚ್ಚ ತಗುಲುತ್ತದೆ. ವಸ್ತುಸ್ಥಿತಿ ಹೀಗಿರುವಾಗ ನಾವು ಅನರ್ಹರನ್ನು ಆಯ್ಕೆ ಮಾಡುವುದು ಸಾಧ್ಯವೇ ಇಲ್ಲ ಎಂಬುದು ಅವರ ಅನಿಸಿಕೆ.

(ಯು.ಎನ್‌.ಐ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more