ಅಕ್ರಮ ಸಂತಾನಕ್ಕೆ ಪೌರತ್ವ ?!ಅಮೆರಿಕೆಯಲ್ಲೀಗ ವಿವಾದದ ಬಿಸಿ

*ಅಜೀಜ್‌ ಹನೀಫಾವಾಷಿಂಗ್ಟನ್‌ : ಅಮೆರಿಕೆಯ ಪುರುಷನಿಂದ ವಿದೇಶಿ ಮಹಿಳೆಗೆ ವಿವಾಹ ಬಾಹಿರ ಸಂಬಂಧದಲ್ಲಿ ಜನಿಸಿದ ಮಗುವಿಗೆ ದೇಶದ ಪೌರತ್ವ ನೀಡುವ ವಿಧಿಗಳನ್ನು ಹೆಚ್ಚು ಕಠಿಣಗೊಳಿಸುವ ತೀರ್ಪನ್ನು ನೀಡುವ ಮೂಲಕ ಅಮೇರಿಕೆಯ ಸುಪ್ರಿಂಕೋರ್ಟ್‌ ಚರ್ಚಾಸ್ಪದ ವಿಷಯವೊಂದಕ್ಕೆ ವೇದಿಕೆ ಕಲ್ಪಿಸಿದೆ. ಆದರೆ, ವಿದೇಶಿ ಪುರುಷನಿಂದ ಅಮೇರಿಕೆಯ ಮಹಿಳೆಗೆ ವಿವಾಹ ಬಾಹಿರ ಸಂಬಂಧದಲ್ಲಿ ಜನಿಸುವ ಮಗುವಿಗೆ ಪೌರತ್ವ ನೀಡುವ ವಿಷಯದಲ್ಲಿ ನ್ಯಾಯಾಲಯ ಮೆದು ಧೋರಣೆಯನ್ನು ಅನುಸರಿಸಿದೆ.

ಅಂದರೆ : ಮದುವೆಯ ಚೌಕಟ್ಟಿನಿಂದ ಆಚೆಗೆ ಜನಿಸಿದ ಮಗುವಿಗೆ ಪೌರತ್ವ ಬೇಕೆಂದಿಟ್ಟುಕೊಳ್ಳೋಣ. ಆಗ , ಅಂಥ ಮಗುವಿಗೆ ಪೌರತ್ವ ದೊರಕಿಸಿಕೊಡುವುದು ಆ ಮಗುವಿನ ತಾಯಿಗೆ ಕಷ್ಟ. ಆದರೆ ಆ ಮಗುವಿನ ತಂದೆಗೆ ಇನ್ನೂ ಕಷ್ಟ. ಅಂತೂ ತೀರ್ಪು ಮಹಿಳೆಯರ ಪರ !

ವಿವಾಹ ಬಾಹಿರ ಸಂಬಂಧದಲ್ಲಿ ಜನಿಸುವ ಮಗುವಿನ ತಂದೆ ಅಥವಾ ತಾಯಿ ಅಮೇರಿಕನ್ನರಾಗಿದ್ದ ಸಂದರ್ಭದಲ್ಲಿ - ಆ ಮಗು ಪೌರತ್ವ ಹೊಂದುವಲ್ಲಿ ಸಾಮಾಜಿಕ ಹಾಗೂ ಭೌತಿಕ ಸಂಬಂಧಗಳನ್ನು ಹೊಂದಿರುವ ಬಗ್ಗೆ ಆಡಳಿತ ಖಚಿತಪಡಿಸಿಕೊಳ್ಳಬೇಕು ಎಂದು ನ್ಯಾಯಪೀಠ ಅಭಿಪ್ರಾಯಪಟ್ಟಿದೆ. ಈ ವಿವಾದಾಸ್ಪದ ತೀರ್ಪಿಗೆ ಪೀಠದಲ್ಲಿನ ಐವರು ನ್ಯಾಯಾಧೀಶರ ಪೈಕಿ ನಾಲ್ವರು ನ್ಯಾಯಾಧೀಶರ ಬೆಂಬಲ ದೊರೆಯಿತು.

ಲಿಂಗ ವಿವೇಚನೆಯನ್ನು ಸಂವಿಧಾನಬದ್ಧಗೊಳಿಸುವ ಕುರಿತು ಅಮೇರಿಕನ್‌ ಕಾಂಗ್ರೆಸ್‌ ಕಾರ್ಯಪ್ರವೃತ್ತವಾಗಿದೆ ಎಂದೂ ನ್ಯಾಯಪೀಠ ತಿಳಿಸಿದೆ. ಪೋಷಕರ ಪಾತ್ರದಲ್ಲಿ ತಂದೆ ಅಥವಾ ತಾಯಿಯ ಪಾತ್ರಗಳು ಬದಲಾಗದ ಬಗ್ಗೆ ವಿವಿಧ ಮಹಿಳಾ ಹಕ್ಕುಗಳ ಒಕ್ಕೂಟಗಳು ದನಿಯೆತ್ತಿರುವುದನ್ನು ಇಲ್ಲಿ ಸ್ಮರಿಸಬಹುದು.

(ಐಎಎನ್‌ಎಸ್‌)