• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಇನ್ನು 8 ತಿಂಗಳಲ್ಲಿ ಬೆಂಗಳೂರು ನಲ್ಲಿಯಲ್ಲಿ ನಿತ್ಯ ಹರಿಯಲಿದೆ ನೀರು!

By Staff
|

ಬೆಂಗಳೂರು: ಕೇಳಿದಿರಾ ಈ ಸುದ್ದಿ! ಕೇಳಿ ಬೆಚ್ಚಿ ಬೀಳದಿರಿ! ಅತ್ಯುತ್ತಮ ಜೋಕ್‌ ಎಂದು ನಕ್ಕು ಸುಮ್ಮನಾಗದಿರಿ. ಇದು ನಿಜವಾದರೂ ಅಚ್ಚರಿಯಿಲ್ಲ. ಆಗದಿದ್ದರೂ ಆಶ್ಚರ್ಯವಿಲ್ಲ. ಅಂದ ಹಾಗೆ ಸುದ್ದಿ ಏನು ಗೊತ್ತೆ?

ಮುಂಬರುವ ಏಪ್ರಿಲ್‌ 1ರಿಂದ ಬೆಂಗಳೂರಿನ ನಾಗರಿಕರಿಗೆ ನಿತ್ಯವೂ ಕುಡಿಯುವ ನೀರು ಪೂರೈಸಲು ಬೆಂಗಳೂರು ನೀರು ಸರಬರಾಜು ಮತ್ತು ಒಳಚರಂಡಿ ಮಂಡಳಿ ಉದ್ದೇಶಿಸಿದೆ. ನಗರಕ್ಕೆ 270 ದಶಲಕ್ಷ ಲೀಟರ್‌ ಹೆಚ್ಚುವರಿ ನೀರು ಪೂರೈಸುವ ಕಾವೇರಿ ನಾಲ್ಕನೇ ಹಂತದ ಮೊದಲ ಘಟಕದ ಕಾಮಗಾರಿ ಮಾರ್ಚ್‌ 2002ರ ವೇಳೆಗೆ ಪೂರ್ಣವಾಗಲಿದ್ದು, ಏಪ್ರಿಲ್‌ 1ರಿಂದ ಪ್ರತಿನಿತ್ಯ ನಲ್ಲಿಯಲ್ಲಿ ನೀರು ಧಾರಾಕಾರವಾಗಿ ಹರಿಯಲಿದೆ.

ಅಂದರೆ, ಪ್ರತಿದಿನ ಕನಿಷ್ಠ 5ರಿಂದ 6 ಗಂಟೆಗಳ ಕಾಲ ಕುಡಿಯುವ ನೀರು ಬಿಡಲಾಗುವುದು ಎಂಬುದು ನೀರು ಸರಬರಾಜು ಮಂಡಳಿಯ ಅಧ್ಯಕ್ಷ ಎನ್‌. ವಿದ್ಯಾಶಂಕರ್‌ ಅವರ ಹೇಳಿಕೆ. ಈ ವಿಷಯವನ್ನು ಅವರು ಸುದ್ದಿಗೋಷ್ಠಿಯಲ್ಲಿ ಬಹಿರಂಗವಾಗಿಯೇ ಹೇಳಿದ್ದಾರೆ.

ವಾರದಲ್ಲಿ ಎರಡು ದಿನ ಅದೂ ಅವೇಳೆಯಲ್ಲಿ ತಮ್ಮ ನಲ್ಲಿಯಲ್ಲಿ ತೊಟ್ಟಿಕ್ಕುವ ನೀರಿಗಾಗಿ ಕಾಯುವ ಬೆಂಗಳೂರಿಗರು ಈ ಸುದ್ದಿಯನ್ನು ಸೀರಿಯಸ್ಸಾಗಿ ತೆಗೆದುಕೊಂಡಿಲ್ಲ. ಕಾರಣ ಅಧ್ಯಕ್ಷರು 2002ರ ಏಪ್ರಿಲ್‌ 1ರಿಂದ ಎಂದು ಹೇಳಿದ್ದಾರಲ್ಲ ! ಹೇಳಿ ಕೇಳಿ ಏಪ್ರಿಲ್‌ 1 ಮೂರ್ಖರ ದಿನ. ನಮ್ಮನ್ನು ಜಲಮಂಡಳಿ ಮೂರ್ಖರನ್ನಾಗಿಸುತ್ತಿದೆ ಎಂದು ಜನ ಭಾವಿಸಿದಂತಿದೆ.

ಎರಡು ದಿನಕ್ಕೊಮ್ಮೆ ನೀರು: ಹಾಲಿ ಜಲಮಂಡಳಿ ಬೆಂಗಳೂರಿನಲ್ಲಿ ಎರಡು ದಿನಕ್ಕೊಮ್ಮೆ ಕುಡಿಯುವ ನೀರು ಪೂರೈಸುತ್ತಿದೆ. (ಕೆಲವು ಬಡಾವಣೆಗಳಲ್ಲಿ ಹಾಗೂ ಎತ್ತರ ಪ್ರದೇಶದಲ್ಲಿರುವ ಮಂದಿಗೆ ವಾರದಲ್ಲಿ ಎರಡು ದಿನ ಮಾತ್ರ.) ಕಾವೇರಿ 4ನೇ ಹಂತದ ಯೋಜನೆಯ ಮೊದಲ ಘಟಕದ ಕಾಮಗಾರಿ ಬಳಿಕ 270 ದಶಲಕ್ಷ ಲೀಟರ್‌ ನೀರು ಹೆಚ್ಚುವರಿಯಾಗಿ ದೊರಕುವುದರಿಂದ ಯಾವುದೇ ಅಡೆತಡೆ ಇಲ್ಲದೆ ಪ್ರತಿನಿತ್ಯ ನೀರು ಪೂರೈಸಲು ಸಾಧ್ಯ ಎಂದು ಅಧ್ಯಕ್ಷರು ಹೇಳಿದ್ದಾರೆ.

ಶಿವನಸಮುದ್ರದ ನೆಟ್‌ಕಲ್‌ ಜಲಾಶಯದಿಂದ ಬೆಂಗಳೂರಿಗೆ ನೀರು ಹರಿದು ಬರಲಿದೆ. ಈ ವರ್ಷದ ಡಿಸೆಂಬರ್‌ ಅಥವಾ ಮುಂದಿನ ವರ್ಷದ ಜನವರಿ ಅಂತ್ಯದೊಳಗೆ ಬೆಂಗಳೂರಿಗೆ ಇಲ್ಲಿಂದ ಪ್ರಾಯೋಗಿಕವಾಗಿ ನೀರು ಹರಿಸಲಾಗುವುದು ಎಂದೂ ಅವರು ಹೇಳಿದ್ದಾರೆ.

ಆದರೆ, ಅಧ್ಯಕ್ಷರ ಈ ಹೇಳಿಕೆಯನ್ನು ಜಲಮಂಡಳಿಯ ಬಹುಪಾಲು ಸಿಬ್ಬಂದಿಯೇ ನಂಬಿದಂತಿಲ್ಲ. ಇದನ್ನು ಅರಿತೋ ಏನೋ ಕಾಮಗಾರಿ ಪ್ರಗತಿಯಲ್ಲಿರುವುದರಿಂದ ಇದು ಖಂಡಿತಾ ಸಾಧ್ಯ ಅನುಮಾನ ಬೇಡ ಎಂದು ಅಧ್ಯಕ್ಷರು ಸ್ಪಷ್ಟೀಕರಣ ನೀಡಿದ್ದಾರೆ. ಯೋಜನೆಯಡಿ ತೊರೆಕಾಡನ ಹಳ್ಳಿಯಿಂದ ಬೆಂಗಳೂರಿಗೆ ನೀರು ತರಲು 91 ಕಿಲೋ ಮೀಟರ್‌ ಉದ್ದದ ಪೈಪ್‌ ಅಳವಡಿಸಲಾಗುತ್ತಿದೆ.

ಎರಡನೇ ಘಟಕ: ಕಾವೇರಿ ನಾಲ್ಕನೇ ಹಂತದ ಎರಡನೇ ಘಟಕವನ್ನು ಕೂಡ ಅತಿ ಶೀಘ್ರದಲ್ಲೇ ಆರಂಭಿಸಲಾಗುತ್ತದೆ. ಅದಕ್ಕೆ 2400 ಕೋಟಿ ರುಪಾಯಿ ವೆಚ್ಚ ತಗುಲಲಿದ್ದು, ಎರಡನೇ ಘಟಕದಿಂದ ನಗರಕ್ಕೆ 589 ದಶಲಕ್ಷ ಲೀಟರ್‌ ಹೆಚ್ಚುವರಿ ನೀರು ದೊರಕಲಿದೆ ಎಂದು ಅವರು ಹೇಳಿದರು. ಜಪಾನ್‌ ಅಂತಾರಾಷ್ಟ್ರೀಯ ಸಹಕಾರ ಬ್ಯಾಂಕ್‌ನ 804 ಕೋಟಿ ರುಪಾಯಿ ನೆರವಿನಲ್ಲಿ ಒಳಚರಂಡಿ ಯೋಜನೆಗಳನ್ನೂ ಕೈಗೆತ್ತಿಕೊಳ್ಳಲಾಗುವುದು ಎಂದೂ ಅವರು ಹೇಳಿದ್ದಾರೆ.

ಕಂಪ್ಯೂಟರೀಕರಣ : ಜೂನ್‌ 1ರಿಂದ ಜಲ ಮಂಡಳಿಯನ್ನು ಸಂಪೂರ್ಣ ಕಂಪ್ಯೂಟರೀಕರಣ ಗೊಳಿಸಲಾಗುತ್ತಿದೆ. ಇದಕ್ಕಾಗಿ 2.6 ಕೋಟಿ ರುಪಾಯಿ ವೆಚ್ಚ ತಗುಲಲಿದೆ. ಈ ಕಾರ್ಯಪೂರ್ಣಗೊಂಡ ಬಳಿಕ ಕಂಪ್ಯೂಟರ್‌ ಬಿಲ್‌ಗಳನ್ನು ನೀಡಲಾಗುವುದು ಎಂದ ಅವರು, ನೀರಿನ ಶುಲ್ಕ ಪಾವತಿಯಲ್ಲಿನ ಅನನುಕೂಲತೆ ತಪ್ಪಿಸಲು ಗ್ರಾಹಕರ ಬ್ಯಾಂಕ್‌ ಖಾತೆಯಿಂದೇ ನೇರವಾಗಿ ನೀರಿನ ಬಿಲ್‌ ಶುಲ್ಕ ಪಡೆಯುವ ಹೊಸ ವ್ಯವಸ್ಥೆಯನ್ನು ಜಾರಿಗೆ ತರಲು ನಿರ್ಧರಿಸಲಾಗಿದೆ ಎಂದರು.

(ಇನ್‌ಫೋ ವಾರ್ತೆ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more