ಕೆ.ಜಿ.ಎಫ್‌. ಗಣಿ ಕಾರ್ಮಿಕರಿಂದ ಸ್ವರ್ಣಭವನ ಮುತ್ತಿಗೆ

ಕೆ.ಜಿ.ಎಫ್‌: ಕಳೆದ ನಾಲ್ಕು ತಿಂಗಳಿನಿಂದ ಸಂಬಳವಿಲ್ಲದೆ ಸಂಕಷ್ಟಕ್ಕೆ ಸಿಲುಕಿರುವ ಕೋಲಾರ ಚಿನ್ನದ ಗಣಿ ಕಾರ್ಮಿಕರು ವೇತನ ಪಾವತಿಗೆ ಆಗ್ರಹಿಸಿ ಗಣಿಯ ಆಡಳಿತ ಕಚೇರಿಯಾದ ಸ್ವರ್ಣಭವನಕ್ಕೆ ಶುಕ್ರವಾರ ಮುತ್ತಿಗೆ ಹಾಕಿದರು. ಗಣಿಯ ವ್ಯವಸ್ಥಾಪಕ ನಿರ್ದೇಶಕ ಸಂಪತ್‌ಕುಮಾರ್‌ ಅವರಿಗೆ ಘೕರಾವ್‌ ಮಾಡಿದರು.

ಕಳೆದ ಮೂರು ದಿನದಿಂದ ವೇತನ ಪಾವತಿ ಮಾಡುವಂತೆ ಆಗ್ರಹಿಸಿ ಧರಣಿ ನಡೆಸುತ್ತಿದ್ದ ನೌಕರರು, ಶುಕ್ರವಾರ ತಾಳ್ಮೆ ಕಳೆದುಕೊಂಡು ಮುತ್ತಿಗೆ ಹಾಕಿದರಲ್ಲದೆ, ಕಾರ್ಮಿಕರಿಗೆ ವೇತನ ನೀಡಲು ಸಾಧ್ಯವಿಲ್ಲದಿದ್ದಲ್ಲಿ ರಾಜೀನಾಮೆ ನೀಡಬೇಕು ಎಂದು ವ್ಯವಸ್ಥಾಪಕರನ್ನು ಆಗ್ರಹಿಸಿದರು.

ನ್ಯಾಯಾಲಯದ ಆದೇಶ: ಮೂರು ವಾರದ ಅವಧಿಯಾಳಗೆ ಕೋಲಾರ ಚಿನ್ನದ ಗಣಿ ಕಾರ್ಮಿಕರಿಗೆ ಮೂರು ತಿಂಗಳ ಸಂಬಳ ಪಾವತಿ ಮಾಡುವಂತೆ ಕರ್ನಾಟಕ ಹೈಕೋರ್ಟ್‌ ಶುಕ್ರವಾರ ಆದೇಶ ನೀಡಿದೆ.

ವೇತನ ಪಾವತಿಸುವಂತೆ ಈ ಹಿಂದೆ ನ್ಯಾಯಾಲಯ ನೀಡಿದ್ದ ತೀರ್ಪನ್ನು ಮರುಪರಿಶೀಲಿಸುವಂತೆ ಕೋರಿ ಕೇಂದ್ರ ಸಲ್ಲಿಸಿದ್ದ ಮನವಿಯ ಅರ್ಜಿಯನ್ನು ತಳ್ಳಿಹಾಕಿರುವ ಹೈಕೋರ್ಟ್‌ ತಾನು ಈ ಮೊದಲು ನೀಡಿದ್ದ ತೀರ್ಪನ್ನೇ ಎತ್ತಿಹಿಡಿದಿದೆ.

ಮುಖಪುಟ / ಇವತ್ತು... ಈ ಹೊತ್ತು...