ಅಮೆರಿಕಾ ವೀಸಾ ಪ್ರಕ್ರಿಯೆ ಈಗ ಮತ್ತಷ್ಟು ಸರಳ
ನವದೆಹಲಿ : ಅಮೆರಿಕ ರಾಯಭಾರ ಕಚೇರಿ ವೀಸಾ ನೀಡುವ ಪ್ರಕ್ರಿಯೆಯನ್ನು ಮತ್ತಷ್ಟು ಸರಳೀಕರಣಗೊಳಿಸಿದೆ. ಬುಧವಾರದಿಂದಲೇ ಇದು ಜಾರಿಗೂ ಬಂದಿದೆ. ಹೀಗಾಗಿ ವೀಸಾ ಅಂಗೀಕಾರವಾಗಬೇಕಾಗಿರುವ ಅರ್ಜಿದಾರರು ತಮ್ಮ ಪಾಸ್ಪೋರ್ಟ್ ಪಡೆಯಲು ದೂತಾವಾಸಕ್ಕೆ ಅಲೆಯುವ ಅಗತ್ಯ ಇಲ್ಲ.
ಈಗ ಕಚೇರಿಯಿಂದಲೇ ಕೊರಿಯರ್ ಮೂಲಕ ಅರ್ಜಿದಾರರ ವಿಳಾಸಕ್ಕೆ ಪಾಸ್ಪೋರ್ಟ್ ಕಳುಹಿಸಿಕೊಡಲಾಗುವುದು. ಆದರೆ, ಇದಕ್ಕೆ 300 ರುಪಾಯಿಗಳ ಹೆಚ್ಚುವರಿ ಶುಲ್ಕವನ್ನು ಮಾತ್ರ ತೆರಬೇಕು ಎಂದು ರಾಯಭಾರ ಕಚೇರಿಯ ವಕ್ತಾರರು ಮಾಧ್ಯಮ ಪ್ರತಿನಿಧಿಗಳಿಗೆ ತಿಳಿಸಿದ್ದಾರೆ.
ತಮ್ಮ ಪಾಸ್ಪೋರ್ಟ್ಗಳನ್ನು ಹಿಂದಕ್ಕೆ ಪಡೆಯಲು ವೀಸಾಕ್ಕೆ ಅರ್ಜಿಸಲ್ಲಿಸಿದವರು ಪದೇಪದೇ ಕಚೇರಿಯ ಬಾಗಿಲಿಗೆ ಅಲೆಯುವುದನ್ನು ತಪ್ಪಿಸಲು ಈ ವ್ಯವಸ್ಥೆ ಮಾಡಲಾಗಿದೆ. ಸದ್ಯಕ್ಕೆ ಉತ್ತರ ಭಾರತದ ವಿಳಾಸ ಹೊಂದಿರುವ ಯಾವುದೇ ಅರ್ಜಿದಾರರು ಬಯಸಿದಲ್ಲಿ , ಅವರು ಸೂಚಿಸಿದ ವಿಳಾಸಕ್ಕೆ ವೀಸಾ ಜತೆಯಲ್ಲಿ ಪಾಸ್ಪೋರ್ಟ್ ತಲುಪಿಸಲಾಗುವುದು. ಈ ನೂತನ ಪದ್ಧತಿಯಿಂದ ಅರ್ಜಿದಾರರಿಗೆ ಸಾಕಷ್ಟು ಸಮಯ ಉಳಿಯಲಿದೆ ಎಂದು ವಕ್ತಾರರು ಹೇಳಿದ್ದಾರೆ.
ಡ್ರಾಪ್ಬಾಕ್ಸ್ ಸೌಲಭ್ಯದ ಪಾಸ್ಪೋರ್ಟ್ಗಳನ್ನೂ ಜೂನ್ 14ರಿಂದ ಕೊರಿಯರ್ ಮೂಲಕ ಕಳುಹಿಸಿಕೊಡಲಾಗುವುದು. ಡ್ರಾಪ್ ಬಾಕ್ಸ್ ಸೌಲಭ್ಯ ಬಯಸಿದ ಅರ್ಜಿದಾರರು ಬೆಳಗ್ಗೆ 7-30ರಿಂದ ಮಧ್ಯಾಹ್ನ 3 ಗಂಟೆಯಾಳಗೆ ಜಾಂದೇವಾಲನ್ ಎಕ್ಸ್ಟೆನ್ಷನ್ನಲ್ಲಿರುವ ಟಿ.ಟಿ. ಸರ್ವೀಸ್ನ ಕಚೇರಿಗೆ ಹೋಗಬೇಕಾಗುತ್ತದೆ ಎಂದೂ ಅವರು ತಿಳಿಸಿದ್ದಾರೆ.
ಡ್ರಾಪ್ ಬಾಕ್ಸ್ ಸೌಲಭ್ಯದಡಿ ಬಾರದ ಅರ್ಜಿದಾರರು ವೈಯಕ್ತಿಕವಾಗಿ ರಾಯಭಾರ ಕಚೇರಿಗೆ ಮುಂಜಾನೆ 8.30ರಿಂದ 10 ಗಂಟೆಯಾಳಗೆ ಅರ್ಜಿ ಸಲ್ಲಿಸಬಹುದು ಎಂದೂ ಅವರು ಹೇಳಿದ್ದಾರೆ.