• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಗುರುವಾರ ಪ್ರಧಾನಿ ಶಸ್ತ್ರಚಿಕಿತ್ಸೆಗೆಬ್ರೀಚ್‌ಕ್ಯಾಂಡಿ ಆಸ್ಪತ್ರೆ ಸಜ್ಜು

By Staff
|

ಮುಂಬಯಿ : ಗುರುವಾರ (ಜೂನ್‌ 7) ನಡೆಯುವ ಪ್ರಧಾನಿ ವಾಜಪೇಯಿ ಅವರ ಬಲಮಂಡಿ ಶಸ್ತ್ರಚಿಕಿತ್ಸೆಗೆ ಬ್ರೀಚ್‌ಕ್ಯಾಂಡಿ ಆಸ್ಪತ್ರೆ ಸರ್ವ ಸಿದ್ಧತೆಗಳನ್ನೂ ಮಾಡಿಕೊಂಡಿದ್ದು , ಶಸ್ತ್ರಚಿಕಿತ್ಸೆಯ ನೇತೃತ್ವವನ್ನು ವಹಿಸುವ ಡಾ. ಚಿತ್ತರಂಜನ್‌ ರಣಾವತ್‌ ಮಂಗಳವಾರ ಮುಂಬಯಿಗೆ ಆಗಮಿಸುವ ನಿರೀಕ್ಷೆಯಿದೆ.

ಕಳೆದ ಅಕ್ಟೋಬರ್‌ನಲ್ಲಿ ಇದೇ ಆಸ್ಪತ್ರೆಯಲ್ಲಿ ನಡೆದ ಶಸ್ತ್ರಚಿಕಿತ್ಸೆಯಲ್ಲಿ ಪ್ರಧಾನಿಯವರ ಎಡ ಮಂಡಿ ಶಸ್ತ್ರಚಿಕಿತ್ಸೆಯನ್ನು ರಣಾವತ್‌ ಯಶಸ್ವಿಯಾಗಿ ನಡೆಸಿದ್ದರು. ಇತರ ತಜ್ಞರಾದ ಡಾ. ನಂದು, ಡಾ. ಹರೀಶ್‌ ಬೆಂಡೆ, ಎನ್ರಿಕೊ ಗಾಡ್ಜಿಲಾ ಹಾಗೂ ಸಿರೀಶ್‌ ಗುಪ್ತ ಅವರುಗಳು ರಣಾವತ್‌ ಅವರೊಂದಿಗಿನ ಶಸ್ತ್ರಚಿಕಿತ್ಸೆ ನಡೆಸುವ ವೈದ್ಯರುಗಳ ತಂಡದಲ್ಲಿದ್ದಾರೆ.

ಪ್ರಧಾನಿ ವಾಜಪೇಯಿ ಬುಧವಾರ ಮಧ್ಯಾಹ್ನ ಆಸ್ಪತ್ರೆಗೆ ದಾಖಲಾಗುವ ನಿರೀಕ್ಷೆಯಿದೆ ಎಂದು ಆಸ್ಪತ್ರೆಯ ಮೂಲಗಳು ತಿಳಿಸಿವೆ. ಅವರು ಆಸ್ಪತ್ರೆಗೆ ದಾಖಲಾದ ತಕ್ಷಣದಿಂದಲೇ ಪೂರ್ವಭಾವಿ ಪರೀಕ್ಷೆಗಳನ್ನು ನಡೆಸಿ, ಆರೋಗ್ಯ ಪರಿಸ್ಥಿತಿಗೆ ಅನುಗುಣವಾಗಿ ಗುರುವಾರ ಅಥವಾ ಶುಕ್ರವಾರ ಶಸ್ತ್ರಚಿಕಿತ್ಸೆ ನಡೆಸಲಾಗುವುದು.

ಶಸ್ತ್ರಚಿಕಿತ್ಸೆಯಲ್ಲಿ ಹಾನಿಗೊಂಡಿರುವ ಮಂಡಿಯ ಭಾಗ ಹಾಗೂ ಕಾರ್ಟಿಲೇಜ್‌ ಡೆಬ್ರಿಸ್‌ಗಳನ್ನು ತೆಗೆಯಲಾಗುವುದು. ಟಿಬಿಯಾ ಹಾಗೂ ಫಿಮರ್‌ಗೆ ರಂಧ್ರಗಳನ್ನು ಕೊರೆಯುವ ಮೂಲಕ ಪ್ರಧಾನಿಯವರಿಗೆ ಕೃತಕ ಮಂಡಿಯನ್ನು ಅಳವಡಿಸಲಾಗುವುದು.

ಬ್ರೀಚ್‌ಕ್ಯಾಂಡಿ ಆಸ್ಪತ್ರೆಯ ಏಳನೇ ಮಹಡಿ ಪ್ರಧಾನಿಯವರ ಉಪಚಾರಕ್ಕೆ ಈಗಾಗಲೇ ಸಂಪೂರ್ಣ ಸಿದ್ಧವಾಗಿದೆ. ಪ್ರಧಾನಿಯವರ ಭದ್ರತಾ ಸಿಬ್ಬಂದಿ ಎಂದಿನಂತೆ ವಾಜಪೇಯಿಯವರ ಸುರಕ್ಷತೆಯ ಹೊಣೆ ಹೊರಲಿದ್ದು, ಭದ್ರತಾ ಸಿಬ್ಬಂದಿಯಾಂದಿಗೆ ಸಹಕಾರಕ್ಕಾಗಿ ಮುಂಬಯಿ ವಿಶೇಷ ಪೊಲೀಸ್‌ ಪಡೆಗಳು ಸಿದ್ಧವಾಗಿವೆ.

(ಐಎಎನ್‌ಎಸ್‌)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more