• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

‘ನೀರಾ’ ಕ್ಕೆ ಅನುಮತಿ ಕುರಿತುಪರಿಶೀಲನೆ : ಕೃಷ್ಣ ಭರವಸೆ

By Staff
|

ಬೆಂಗಳೂರು : ಹಾಸನದ ಎಂಟು ಗ್ರಾಮಗಳಲ್ಲಿ ಮತ್ತು ಚಿಕ್ಕ ಮಗಳೂರಿನ ಬೇಲೂರಿನಲ್ಲಿ ಅಬ್ಕಾರಿ ಸಿಬ್ಬಂದಿಗಳು ನೀರಾ ಮಡಕೆಗಳನ್ನು ಒಡೆದು ಹಾಕಿದ ವರದಿಗಳು ಬರುತ್ತಿದ್ದಂತೆ, ಮುಖ್ಯಮಂತ್ರಿ ಎಸ್‌. ಎಂ. ಕೃಷ್ಣ ನೀರಾ ಇಳಿಸಲು ರೈತರಿಗೆ ಅನುಮತಿ ನೀಡುವ ವಿಷಯವನ್ನು ಪರಿಶೀಲಿಸಲಾಗುವುದು ಎಂದು ತುಂಬು ಭರವಸೆ ಇತ್ತಿದ್ದಾರೆ.

ನೀರಾ ಇಳಿಸಿದಲ್ಲಿ ತೆಂಗಿನ ಮರಗಳಿಗೆ ಬರುವ ನುಸಿ ರೋಗವನ್ನು ನಿಯಂತ್ರಿಸಲಾಗುವುದು ಎಂಬ ಬಗೆಗಿನ ವೈಜ್ಞಾನಿಕ ವರದಿ ತಮ್ಮ ಮೇಜು ತಲುಪಿದ ನಂತರವಷ್ಟೇ ನೀರಾ ಇಳಿಸಲು ಅನುಮತಿ ನೀಡಲು ಸಾಧ್ಯ ಎಂಬ ಷರತ್ತನ್ನು ಕೃಷ್ಣ ಮುಂದೊಡ್ಡಿದ್ದಾರೆ.

ಈ ನಡುವೆ ಅಬ್ಕಾರಿ ಸಿಬ್ಬಂದಿ ಮತ್ತು ರೈತರ ನಡುವಿನ ಜಟಾಪಟಿ ಮುಂದುವರೆಯುತ್ತಲೇ ಇದೆ. ಅರಸೀಕೆರೆ ತಾಲ್ಲೂಕಿನ 8 ಗ್ರಾಮಗಳ ತೆಂಗಿನ ತೋಟದ ಮೇಲೆ ಭಾನುವಾರ ದಾಳಿ ಮಾಡಿದ ಅಬ್ಕಾರಿ ಸಿಬ್ಬಂದಿ 500 ನೀರಾ ಮಡಕೆಗಳನ್ನು ನಾಶ ಮಾಡಿದ್ದು, 10 ಜನರ ಮೇಲೆ ಮೊಕದ್ದಮೆ ದಾಖಲಿಸಿದ್ದಾರೆ. ಬ್ಯಾಡರ ಹಳ್ಳಿಯ ಗುರುಸಿದ್ಧಪ್ಪ ಎಂಬವರನ್ನು ಬಂಧಿಸಲಾಗಿದೆ.

ಬೆಂಡಗೊಂಡನ ಹಳ್ಳಿ, ಕಿಕ್ಕೂರು, ಹಿರಿನಾಯ್ಕನ ಹಳ್ಳಿ, ಕೋರನ ಹಳ್ಳಿ ಕೊಪ್ಪಲು ಹರಿಹರಪುರದ ತೆಂಗಿನ ತೋಟಗಳಲ್ಲಿ ನೀರಾ ಮಡಕೆಗಳನ್ನು ಒಡೆದು ಹಾಕಲಾಗಿದೆ. ಚಿಕ್ಕಮಗಳೂರಿನ ಹಳೇ ಬೀಡಿನ ಸಮೀಪ ಗಂಗೂರಿನಲ್ಲಿಯೂ ಭಾನುವಾರದಂದು ನೀರಾ ವಿರುದ್ಧದ ಕಾರ್ಯಚಾರಣೆಗೆ ಸುಮಾರು 30 ಮಡಕೆಗಳು ನಾಶವಾಗಿದ್ದು, ಬೊಮ್ಮ ಗೌಡ ಮತ್ತು ಪಾಪಣ್ಣ ಎಂಬವರ ವಿರುದ್ಧ ಕೇಸು ದಾಖಲಿಸಲಾಗಿದೆ.

ಅಬ್ಕಾರಿ ಸಿಬ್ಬಂದಿ ನೀರಾ ವಿರುದ್ಧ ಕಾರ್ಯಾಚರಣೆ ಯನು ್ನ ತೀವ್ರಗೊಳಿಸಿದಂತೆಲ್ಲಾ ತೆಂಗು ಬೆಳೆಗಾರರು ನೀರಾ ಚಳುವಳಿಯನ್ನು ತೀವ್ರಗೊಳಿಸುತ್ತಲೇ ಬಂದಿದ್ದಾರೆ. ಕೇಸು, ಮೊಕದ್ದಮೆ, ಬಂಧನಗಳಿಗೆಲ್ಲಾ ಜಗ್ಗದ ರೈತರು ರಾಜ್ಯ ರೈತ ಸಂಘಟನೆಯಾಂದಿಗೆ ನೀರಾ ಇಳಿಸಲು ಅನುಮತಿ ನೀಡುವಂತೆ ಹೋರಾಡುತ್ತಿದ್ದಾರೆ. ಈ ತಿಕ್ಕಾಟದ ನಡುವೆ ಮುಖ್ಯಮಂತ್ರಿ ಎಸ್‌. ಎಂ. ಕೃಷ್ಣ ಅವರು ಅನುಮತಿ ನೀಡುವ ಬಗ್ಗೆ ಪರಿಶೀಲನೆ ನಡೆಸುವುದಾಗಿ ಹೇಳಿರುವುದು ತೆಂಗು ಬೆಳೆಗಾರರಲ್ಲಿ ಭರವಸೆ ಮೂಡಿಸಿದೆ.

(ಇನ್ಫೋ ವಾರ್ತೆ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more