ಮೋಡಗಳ ಮೇಲೆ ನಡಗೆಗೆ ಹೊರಟರು ಆ್ಯಂಥೋನಿ ಕ್ವಿನ್
ಬೋಸ್ಟನ್ : ಹಾಲಿವುಡ್ನ ಪ್ರಖ್ಯಾತ ತಾರೆ ಹಾಗೂ ಆಸ್ಕರ್ ಪ್ರಶಸ್ತಿ ಪುರಸ್ಕೃತ ಆ್ಯಂಥೋನಿ ಕ್ವಿನ್ ಉಸಿರಾಟದ ತೊಂದರೆಯಿಂದ ಸೋಮವಾರ ನಿಧನರಾದರು. ಅವರಿಗೆ 86 ವರ್ಷ ವಯಸ್ಸಾಗಿತ್ತು .
ಬಾಕ್ಸ್ ಆಫೀಸ್ ಉಡಾಯಿಸಿದ ಚಿತ್ರಗಳೆಂದೇ ಗುರ್ತಿಸಲಾಗುವ ‘ದಿ ಗನ್ಸ್ ಆಫ್ ನ್ಯಾವರೋನ್’ ಹಾಗೂ ‘ದಿ ಕೀನು ರೀವ್ಸ್ ’, ‘ಸ್ಟಾರರ್’, ‘ಎ ವಾಕ್ ಇನ್ ದಿ ಕ್ಲೌಡ್ಸ್ ’ ಸೇರಿದಂತೆ ನೂರಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿರುವ ಕ್ವಿನ್, ಲಸ್ಟ್ ಫಾರ್ ಲವ್ ಹಾಗೂ ವಿವಾ ಜಪಾಟ ಸಿನಿಮಾಗಳಲ್ಲಿನ ಉತ್ತಮ ಅಭಿನಯಕ್ಕಾಗಿ ಅತ್ಯುತ್ತಮ ಪೋಷಕ ನಟ ಅಕಾಡೆಮಿ ಪ್ರಶಸ್ತಿಯನ್ನು ಪಡೆದಿದ್ದಾರೆ.
ಭಾರತೀಯ ರಾಜ, ಪೋಪ್, ಕುಸ್ತಿಪಟು, ಕಲಾವಿದ ಸೇರಿದಂತೆ ನಟನ ಶ್ರೇಷ್ಠತೆಗೆ ಸವಾಲೆಸೆಯುವ ಅನೇಕ ಪಾತ್ರಗಳನ್ನು ತಮ್ಮ 30 ವರ್ಷಗಳ ಸಿನಿಮಾ ಜೀವನದಲ್ಲಿ ಕ್ವಿನ್ ನಿರ್ವಹಿಸಿದ್ದಾರೆ. ವಿವಾ ಜಪಾಟದಲ್ಲಿನ ಅಭಿನಯಕ್ಕಾಗಿ ಆಸ್ಕರ್ ಗೌರವ ಪಡೆದಿದ್ದಾರೆ. ನಿಕೋಸ್ನ ಕಾದಂಬರಿ ಆಧಾರಿತ ಸಿನಿಮಾದಲ್ಲಿ ಗ್ರೀಕ್ ರೈತ ಜೋರ್ಬಾನ ಪಾತ್ರದಲ್ಲಿ ಕ್ವಿನ್ ನಟನೆ ಅವಿಸ್ಮರಣೀಯ. ಶಿಲ್ಪಿ, ಚಿತ್ರಕಾರನಾಗಿಯೂ ಅವರು ಕುಶಲತೆ ಪಡೆದಿದ್ದರು.
(ಇನ್ಫೋ ವಾರ್ತೆ)