• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಅರೆ ಗ್ರಾಮೀಣ ಮಹಿಳೆಯರ ಐಟಿ ಶಿಕ್ಷಣಕ್ಕೆ ಸ್ಪ್ಯಾನಿಶ್‌ ನೆರವು

By Staff
|

*ಇಮ್ರಾನ್‌ ಖುರೇಷಿ ಬೆಂಗಳೂರು : ಭಾರತದ ಐಟಿ ರಾಜಧಾನಿಯ ಸುತ್ತಮುತ್ತಲಿನ ಅರೆ ಗ್ರಾಮೀಣ (ಸೆಮಿ ಅರ್ಬನ್‌) ಪ್ರದೇಶಗಳ ಮಹಿಳೆಯರಿಗೆ ಮಾಹಿತಿ ಮತ್ತು ತಂತ್ರಜ್ಞಾನ ಶಿಕ್ಷಣ ನೀಡುವ ಸರ್ಕಾರೇತರ ಸಂಸ್ಥೆಗಳ ಯೋಜನೆ ಇದೇ ಮೊದಲ ಬಾರಿಗೆ ಜಾರಿಯಾಗುತ್ತಿದ್ದು , ಈ ನಿಟ್ಟಿನಲ್ಲಿ ಸ್ಪ್ಯಾನಿಷ್‌ ಪ್ರಾಂತೀಯ ಸರ್ಕಾರ 3 ಲಕ್ಷ ಡಾಲರ್‌ಗಳ ನೆರವನ್ನು ಒದಗಿಸಲು ಮುಂದಾಗಿದೆ.

ಸ್ಪೈನ್‌ ಹಾಗೂ ಭಾರತ ಎರಡೂ ಕಡೆ ನೆಲೆ ಹೊಂದಿರುವ ಐದು ಸರ್ಕಾರೇತರ ಸಂಸ್ಥೆಗಳೊಂದಿಗೆ ಈ ಯೋಜನೆಯನ್ನು ಪರಿಚಯಿಸುವ ಸಾಹಸ ಕಾರ್ಯಕ್ಕೆ ಟೆಲ್‌- ನೆಕ್‌ ಮುಂದಾಗಿದೆ. ಅವುಗಳೆಂದರೆ- ಸ್ಪೈನ್‌ ಮೂಲದ ಗಾೖಯಾ (GAIA) ಹಾಗೂ ಗಾರ್ಡೆಕ್ಸೊಲಾ ಟೆಲಿಸೆಂಟರ್‌, ದೆಹಲಿ ಮೂಲದ 3ಎಸ್‌ಇಐ ಹಾಗೂ ಬೆಂಗಳೂರಿನ ಆ್ಯಂಕೊರೇಜ್‌ ಹಾಗೂ ಸುವಿದ್ಯಾ.

ಸ್ಪೈನ್‌ನಲ್ಲಿನ ಎಲ್ಲ ಎಲೆಕ್ಟ್ರಾನಿಕ್‌ ಹಾಗೂ ಐಟಿ ಕಂಪನಿಗಳನ್ನು ಪ್ರತಿನಿಧಿಸುವ ಗಾೖಯಾ ಲಾಭ ರಹಿತ ಸಂಸ್ಥೆಯಾದರೆ, ಸ್ಪೇನ್‌ನಲ್ಲಿ ಮೊದಲ ಬಾರಿಗೆ ಗ್ರಾಮೀಣ ಐಟಿ ಯೋಜನೆಯನ್ನು 1996 ರಲ್ಲಿಯೇ ಪರಿಚಯಿಸಿದ ಅಗ್ಗಳಿಕೆ ಗಾರ್ಡೆಕ್ಸೊಲಾ ಟೆಲಿಸೆಂಟರ್‌ ಕಂಪನಿಯದು. ಅದೇ ಸಾಧನೆಯನ್ನು ಕರ್ನಾಟಕದಲ್ಲಿ ಸಾಧಿಸಲು ಕಂಪನಿ ಮುಂದಾಗಿದೆ.

ಪಟ್ಟಣದಿಂದ ಹಂತ ಹಂತವಾಗಿ ಹಳ್ಳಿಗೆ : ಮಹಿಳೆಯರು ಕೂಡ ಸ್ಪರ್ಧಾತ್ಮಕ ಐಟಿ ಪ್ರಪಂಚದಲ್ಲಿ ತರಬೇತು- ಕುಶಲತೆ ಹೊಂದುವುದು ಅಗತ್ಯವಾಗಿದೆ. ಗ್ರಾಮೀಣ ಪ್ರದೇಶಗಳನ್ನು ತಲುಪುವುದು ಕೂಡ ನಮ್ಮ ಉದ್ದೇಶವಾಗಿದ್ದರೂ, ಮೊದಲಿಗೆ ಅರೆ ಗ್ರಾಮೀಣ ಪ್ರದೇಶಗಳ ಮಹಿಳೆಯರಿಗೆ ಐಟಿ ಶಿಕ್ಷಣ ನೀಡುವುದು ನಮ್ಮ ಗುರಿಯಾಗಿದೆ ಎನ್ನುತ್ತಾರೆ ಆ್ಯಂಕೊರೇಜ್‌ನ ಟ್ರಸ್ಟಿಗಳಲ್ಲೊಬ್ಬರಾದ ಸುರಭಿ ಶರ್ಮ.

ಪ್ರಾರಂಭಿಕ ಹಂತದಲ್ಲಿ 30 ಮಂದಿ ಮಹಿಳೆಯರಿಗೆ ಐಟಿ ಶಿಕ್ಷಣವನ್ನು ನೀಡಲು ಆ್ಯಂಕೊರೇಜ್‌ ಉದ್ದೇಶಿಸಿದೆ. ಶಿಕ್ಷಣಾರ್ಥಿಗಳು ಎಸ್‌ಎಸ್‌ಎಲ್‌ಸಿ ಪಾಸ್‌ ಮಾಡಿದ್ದರೆ ಸಾಕು. ಕಲಿಕೆಯ ಅವಧಿ ಎರಡು ವರ್ಷ. ಸ್ಥಳೀಯ ಕನ್ನಡವನ್ನೇ ಕಲಿಕೆಯ ಮಾಧ್ಯಮವನ್ನಾಗಿ ಬಳಸಿಕೊಳ್ಳಲಾಗುವುದು. ಕಲಿಕೆಯ ನಂತರ ಸ್ವ ಉದ್ಯೋಗವನ್ನು ಮಹಿಳೆಯರು ಹೊಂದುವ ರೀತಿಯಲ್ಲಿ ಕೋರ್ಸ್‌ ನಡೆಯುತ್ತದೆ ಎಂದು ಶಿಕ್ಷಣದ ಸ್ವರೂಪವನ್ನು ಸುರಭಿ ವಿವರಿಸುತ್ತಾರೆ. ಕಲಿಕೆಯ ಆಸೆಯಿದ್ದೂ ಪಟ್ಟಣಕ್ಕೆ ಬರಲು ಸಾಧ್ಯವಿಲ್ಲದವರಿಗೆ ಈ ಶಿಕ್ಷಣ ವರದಾನ.

ಒಂದು ಪ್ರದೇಶದ ಮೇಲೆ ಆರ್ಥಿಕ ಬದಲಾವಣೆ ಬೀರುವ ಪ್ರಭಾವದ ಕುರಿತೂ ಸ್ವಯಂ ಸೇವಾ ಸಂಘಟನೆಗಳು ಯೋಚಿಸುತ್ತಿವೆ. ಮುಖ್ಯವಾಗಿ ದುರ್ಬಲ ವರ್ಗದವರನ್ನು ಸಶಕ್ತರಾಗಿಸುವುದು ಹಾಗೂ ಅವರಿಗೆ ತಂತ್ರಜ್ಞಾನದ ಲಾಭ ದಕ್ಕುವಂತೆ ಮಾಡುವುದು ಅವರ ಪ್ರಯತ್ನದ ಉದ್ದೇಶ.

ಉದಾಹರಣೆಗೆ ಯುರೋಪಿಯನ್‌ ಆಯೋಗದ ಭಾರತದಲ್ಲಿನ ರಾಯಭಾರಿ ಮೈಕೇಲ್‌ ಕ್ಯಾಲಿಯೋಯೆುಟ್‌ ಬೆಂಗಳೂರಿಗೆ 32 ಕಿಮೀ ದೂರದ ಬಿಡದಿಯಲ್ಲಿ ಈ ಉದ್ದೇಶದ ಯೋಜನೆಯನ್ನು ಪ್ರಾರಂಭಿಸಿದ್ದಾರೆ. ಭಾರತ ಹಾಗೂ ಯುರೋಪ್‌ ಸಂಘಟನೆಗಳ ಸಹಕಾರದಿಂದ ಸಮಾಜದ ದುರ್ಬಲ ವರ್ಗದವರಿಗೆ ಆಧುನಿಕ ತಂತ್ರಜ್ಞಾನದ ಫಲಗಳು ದೊರೆಯುವಂತಾಗುವುದು ಬಹಳ ಮುಖ್ಯವಾದುದು ಎನ್ನುತ್ತಾರೆ ಮೈಕೇಲ್‌. ಅವರ ಉದ್ದೇಶ ಈಡೇರಲಿ.

(ಐಎಎನ್‌ಎಸ್‌)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more