ಶಿರಾ : 20 ಸಾವಿರ ರು. ಮೌಲ್ಯದ ಹಣ- ಚಿನ್ನ ದರೋಡೆ

ಶಿರಾ : ತೋಟದ ಮನೆಯಾಂದಕ್ಕೆ ನುಗ್ಗಿದ ದರೋಡೆಕೋರರು 20 ಸಾವಿರ ರುಪಾಯಿ ಮೌಲ್ಯದ ನಗದು ಹಾಗೂ ಚಿನ್ನಾಭರಣ ದೋಚಿಕೊಂಡು ಪರಾರಿಯಾಗಿರುವ ಘಟನೆ ತಾಲ್ಲೂಕಿನ ಅಜ್ಜಯ್ಯನ ಪಾಳ್ಯದಲ್ಲಿ ನಡೆದಿದೆ.

ಶನಿವಾರ ರಾತ್ರಿ ಸಣ್ಣ ತಿಮ್ಮಯ್ಯ ಎಂಬುವರ ಮನೆ ಬಾಗಿಲು ರಾತ್ರಿ 11.30 ಗಂಟೆಯಾದರೂ ತೆಗೆದೇ ಇತ್ತು. 7 ಮಂದಿ ಡಕಾಯಿತರು ಒಳನುಗ್ಗಿ, ಎಚ್ಚರವಾಗಿದ್ದ ಮೂವರನ್ನು ಕಟ್ಟಿ ಹಾಕಿದ್ದಾರೆ. ಕೋಣೆಯಾಂದರಲ್ಲಿ ಮಲಗಿದ್ದ ಐವರನ್ನು ಕೂಡಿ ಹಾಕಿ, ಬೀರುವಿನಲ್ಲಿಟ್ಟಿದ್ದ 10 ಸಾವಿರ ರುಪಾಯಿ ಹಣ ಹಾಗೂ ಬೆಳ್ಳಿ- ಬಂಗಾರದ ಒಡವೆಗಳನ್ನು ದೋಚಿಕೊಂಡು ಪರಾರಿಯಾಗಿದ್ದಾರೆ.

ಪ್ರತಿರೋಧ ತೋರಿದ ಒಬ್ಬರನ್ನು ಥಳಿಸಿದ್ದು, ಆತ ಗಾಯಗೊಂಡಿದ್ದಾರೆ. ಡಕಾಯಿತರೆಲ್ಲಾ 25 ರಿಂದ 30 ವರ್ಷದವರಾಗಿದ್ದರು. ಮಚ್ಚು- ದೊಣ್ಣೆ ಮೊದಲಾದ ಮಾರಕಾಸ್ತ್ರಗಳನ್ನು ಇಟ್ಟುಕೊಂಡಿದ್ದರು ಎಂದು ಮನೆಯವರು ಹೇಳಿದ್ದಾರೆ. ಡಕಾಯಿತಿ ಸುದ್ದಿ ಕೇಳುತ್ತಿದ್ದಂತೆಯೇ ಶಿರಾ ಪೊಲೀಸರು ಶ್ವಾನದಳ ಮತ್ತು ಬೆರಳಚ್ಚು ತಜ್ಞರೊಂದಿಗೆ ಸ್ಥಳ ಪರಿಶೀಲನೆ ನಡೆಸಿದರು. ಆದರೆ ಯಾವುದೇ ಸುಳಿವು ಈವರೆಗೆ ಪತ್ತೆಯಾಗಿಲ್ಲ.

(ಇನ್ಫೋ ವಾರ್ತೆ)