• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಬೆಂಗಳೂರು - ವಾಷಿಂಗ್ಟನ್‌-- ವರ್ಜೀನಿಯಾ ; ಬಾ ಹತ್ತಿರ, ಇನ್ನೂ ಹತ್ತಿರ

By Staff
|

* ಇಮ್ರಾನ್‌ ಖುರೇಶಿ

ಬೆಂಗಳೂರು : ಅಮೆರಿಕೆಯ ಪ್ರತಿಕೂಲ ಆರ್ಥಿಕ ಪರಿಸ್ಥಿತಿಗಳು ಈ ಎರಡು ರಾಷ್ಟ್ರಗಳ ನಡುವಿನ ವಾಣಿಜ್ಯ ಹಾಗೂ ಉದ್ಯಮಕ್ಕೆ ಹೆಬ್ಬಂಡೆಯಂತೆ ನಿಂತಿದ್ದಾಗ್ಯೂ ಕರ್ನಾಟಕದ ಮಹಿಳಾ ಸಂಘಟಕಿಯರ ಸಂಘ (ಎಡಬ್ಯುಎಕೆಇ) ವಾಷಿಂಗ್ಟನ್‌ ಮೂಲದ ಸಂಸ್ಥೆಯ ಜತೆಗೂಡಿ ವರ್ಚ್ಯುಯಲ್‌ ವಾಣಿಜ್ಯದ ಸುವರ್ಣ ಮಹಲ್‌ ಕಟ್ಟಲು ಮುಂದಾಗಿದೆ. ಇದರಿಂದಾಗಿ ಬೆಂಗಳೂರು - ವಾಷಿಂಗ್ಟನ್‌ - ವರ್ಜೀನಿಯಾ ನಡುವೆ ವ್ಯಾಪಾರ - ವಹಿವಾಟು ಸುಗಮವಾಗಲಿದೆ.

ಮಾಹಿತಿ ತಂತ್ರಜ್ಞಾನದ ಉತ್ಪನ್ನಗಳ ಹಾಗೂ ಸೇವೆಗಳ ವಿಕ್ರಯಕ್ಕಾಗಿ ಅಮೆರಿಕೆಗೆ ಸೇರಿದ 24 ಹಾಗೂ ಭಾರತದ 30 ಸಣ್ಣ ಮತ್ತು ಮಧ್ಯಮ ಕಂಪನಿಗಳು ಸೇರಿ ಈ ಮಾಸಾಂತ್ಯಕ್ಕೆ ಒಡಂಬಡಿಕೆಗೆ ಸಹಿ ಹಾಕಲು ಸಜ್ಜಾಗಿವೆ. ಇಂಥ ವ್ಯಾಪಾರ -ವಹಿವಾಟು ಮಾಹಿತಿ ತಂತ್ರಜ್ಞಾನದ ಲಾಭ ಪಡೆದುಕೊಂಡೇ ಮುನ್ನಡೆಯುತ್ತದೆ. ಈ ಪ್ರಕ್ರಿಯೆಗೆ ಏಪ್ರಿಲ್‌ 16ರಿಂದಲೇ ಚಾಲನೆ ದೊರೆತಿದೆ.

ಈ ಪ್ರಕ್ರಿಯೆ ಎರಡೂ ದೇಶದ ಕಂಪನಿಗಳ ಅಧಿಕಾರಿಗಳೊಂದಿಗೆ ಮೇ 19ರ ಶನಿವಾರ ನಡೆದ ಪ್ರಥಮ ವಿಡಿಯೋ ಕಾನ್‌ಫರೆನ್ಸ್‌ನಲ್ಲಿ ಮೂರ್ತರೂಪ ಪಡಯಿತು . ಈ ವಾಣಿಜ್ಯ ವಹಿವಾಟಿನಲ್ಲಿ ತೊಡಗುತ್ತಿರುವ ಕಂಪನಿಗಳ ಅಧಿಕಾರಿಗಳ ಮೊದಲ ಮುಖತಃ ಭೇಟಿ ಇದು. ಈ ನಿಟ್ಟಿನಲ್ಲಿ ಎಡಬ್ಯುಎಕೆಇ ಕರ್ನಾಟಕ - ವಾಷಿಂಗ್ಟನ್‌ ನಡುವಿನ ಕೊಂಡಿಯಾಗಿದೆ.

ಇದೊಂದು ಹೊಸ ಅನುಭವ .. ವಿಮಾ ವಲಯಕ್ಕೆ ಸಂಬಂಧಿಸಿದ ಕಂಪನಿಗಳಿಗೆ ಸುಮಾರು 50 ದಶಲಕ್ಷ ರುಪಾಯಿ ಮೊತ್ತದ ಸಾಫ್ಟ್‌ವೇರ್‌ ಅಪ್ಲಿಕೇಷನ್‌ಗಳನ್ನು ಅಭಿವೃದ್ಧಿಪಡಿಸಿರುವ ಕಾಲ್ಸ್‌ ಇನ್‌ಫರ್‌ಮೇಷನ್‌ ಸಿಸ್ಟಮ್ಸ್‌ನ ವ್ಯವಸ್ಥಾಪಕ ಕುಮಾರ್‌ ರಾಜಾ ಹೇಳುತ್ತಾರೆ. ಇದೊಂದು ಅತ್ಯುತ್ತಮ ವೇದಿಕೆಯಾಗಿದ್ದು, ನಾವು ಎರಡು ಕಂಪನಿಗಳನ್ನು ಷಾರ್ಟ್‌ಲಿಸ್ಟ್‌ ಮಾಡಿದ್ದೇವೆ, ಮುಂದೆ ಇವುಗಳೊಂದಿಗೆ ಕಾರ್ಯಾರಂಭಿಸುತ್ತೇವೆ ಎಂದೂ ತಿಳಿಸಿದ್ದಾರೆ.

ಎಡಬ್ಯುಎಕೆಇ ವರ್ಚ್ಯುಯಲ್‌ ಟ್ರೇಡ್‌ ಮಿಷನ್‌ನಲ್ಲಿ ಪಾಲ್ಗೊಂಡು, ಪಾಸ್‌ವರ್ಡ್‌ ರಕ್ಷಿತ ಸೈಟ್‌ಗಳ ವೀಕ್ಷಿಸಿ ಹಾಗೂ ಅವುಗಳಲ್ಲಿ ತಮ್ಮ ಉತ್ಪನ್ನಗಳನ್ನು ಪ್ರದರ್ಶಿಸಿ ಆನಂತರ ಇ ಮೇಲ್‌ ಮೂಲಕ ಮಾತುಕತೆ ಮುಂದುವರಿಸಲು ರಾಜಾ ಹಾಗೂ ಇತರರು ನೂರು ಅಮೆರಿಕನ್‌ ಡಾಲರ್‌ ಪಾವತಿಸಿದ್ದಾರೆ.

ಸ್ವಚ್ಛ ವಾಣಿಜ್ಯಕ್ಕೆ ವೇದಿಕೆಯಾಂದನ್ನು ಕಲ್ಪಿಸುವುದು ತಮ್ಮ ಸಂಸ್ಥೆ ಉದ್ದೇಶವಾಗಿದ್ದು, ಇದು ನ್ಯಾಯಸಮ್ಮತ ವಾಣಿಜ್ಯ ವಹಿವಾಟಿಗೆ ಚಾಲನೆ ನೀಡಿದೆ ಎಂದು ಎಡಬ್ಯುಎಕೆಇ ಉಪಾಧ್ಯಕ್ಷೆ ಉಮಾರೆಡ್ಡಿ ಹೇಳಿದರು. ಈ ಹೊಸ ಸಂಪರ್ಕ ವಾಹನದ ನೆರವಿನಿಂದ ಇಂತಹ ಒಂದು ವ್ಯಾಪಾರಕ್ಕೆ ಚಾಲನೆ ನೀಡುವುದು ತಮ್ಮ ಉದ್ದೇಶ ಎಂದು ಅವರು ಹೇಳಿದ್ದಾರೆ.

ಇದರಿಂದ ಸಮಯ, ಶಕ್ತಿ ಹಾಗೂ ಹಣ ಉಳಿಯುತ್ತದೆ ಎಂಬುದು ರೆಡ್ಡಿ ಅವರ ಅಭಿಪ್ರಾಯ. ಎಲ್ಲ ಕಂಪನಿಗಳಿಗೂ ಅಮೆರಿಕೆಗೆ ಭೇಟಿ ನೀಡಿ ವಿದೇಶೀ ಕಂಪನಿಗಳೊಂದಿಗೆ ಒಪ್ಪಂದ ಮಾಡಿಕೊಳ್ಳುವ ಶಕ್ತಿ ಹಾಗೂ ಸಮಯ ಇರುವುದಿಲ್ಲ. ಅಂತಹ ಕಂಪನಿಗಳಿಗೆ ಈ ವಿಡಿಯೋ ಕಾನ್‌ಫರೆನ್ಸ್‌ ಪ್ರಯೋಜನಕಾರಿಯಾಗುತ್ತದೆ.

ಈ ಸಂಬಂಧದ ಮಾತುಕತೆ, ಚರ್ಚೆಗಳು ಮೇ 31ರವರೆಗೂ ಮುಂದುವರೆಯುವ ಸಾಧ್ಯತೆ ಇದ್ದು, ಒಡಂಬಡಿಕೆಗೆ ಸಹಿ ಹಾಕುವ ಮೊದಲು ಸಂಘಟಕರು ಮತ್ತೊಂದು ಸುತ್ತಿನ ವಿಡಿಯೋ ಕಾನ್‌ಫರೆನ್ಸ್‌ ಆಯೋಜಿಸಲಿದ್ದಾರೆ. ಮಾಹಿತಿ ತಂತ್ರಜ್ಞಾನದ ಸಂಪೂರ್ಣ ಲಾಭ ಪಡೆದರೆ, ಸಮಯ, ಹಣವನ್ನು ಹೇಗೆ ಉಳಿಸಬಹುದು ಎಂಬುದಕ್ಕೆ ಇದೊಂದು ಉದಾಹರಣೆಯಾಗಿದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more