ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಇಳೆಯ ತಂಪಾಗಿಸಲು ಸುರಿಯಿತು ಮಳೆ
ಬೆಂಗಳೂರು : ಭಾನುವಾರ ಸಂಜೆ ಬೆಂಗಳೂರಿನ ಹಲವು ಬಡಾವಣೆಗಳಲ್ಲಿ ಬಿದ್ದ ಮಳೆ ನಗರವನ್ನು ತಂಪಾಗಿಸಿತ್ತು. ಬೆಂಗಳೂರಿಗರು ರಾತ್ರಿ ಸುಖನಿದ್ದೆ ಮಾಡಿದರು. ರಾತ್ರಿಯ ಕನಿಷ್ಠ ಉಷ್ಣಾಂಶ ಕೂಡ ಇಳಿಮುಖವಾಗಿತ್ತು. ಈ ಮಧ್ಯೆ ರಾಜ್ಯದ ಕರಾವಳಿ ಹಾಗೂ ಒಳನಾಡಿನ ಅಲ್ಲಲ್ಲಿ ಮಳೆ ಆಗಿದೆ.
ಮೂಲ್ಕಿಯಲ್ಲಿ 3 ಸೆಂಟಿ ಮೀಟರ್, ಕಾರ್ಕಳ, ಉಡುಪಿ, ಹಾವೇರಿಗಳಲ್ಲಿ ತಲಾ 2, ಕೋಟಾ, ಮಾಣಿ, ಹೊಳೆ ನರಸೀಪುರ ಹಾಗೂ ಬಾಗೇವಾಡಿಗಳಲ್ಲಿ 1 ಸೆಂಟಿ ಮೀಟರ್ ಮಳೆ ಆದ ವರದಿಗಳಿವೆ. ಕಳೆದ 24 ಗಂಟೆಗಳ ಅವಧಿಯಲ್ಲಿ ಉತ್ತರ ಒಳನಾಡಿನ ಕೆಲವೆಡೆಗಳಲ್ಲಿ ಮಾತ್ರ ಗರಿಷ್ಠ ತಾಪಮಾನ ಹೆಚ್ಚಿತ್ತು. ಉಳಿದಂತೆ ತಾಪಮಾನ ಇಳಿಮುಖವಾಗಿತ್ತು.
ಮುನ್ಸೂಚನೆಯ ಪ್ರಕಾರ ಕರಾವಳಿಯ ಹಲವೆಡೆ ಹಾಗೂ ಒಳನಾಡಿನ ಅಲ್ಲಲ್ಲಿ ಮಳೆ ಆಗಲಿದೆ. ಮಳೆಯ ಪ್ರಮಾಣವೂ ಹೆಚ್ಚಾಗುವ ಸಂಭವ ಇದೆ. ಬೆಂಗಳೂರು ಹಾಗೂ ಸುತ್ತ ಮುತ್ತಲ ಪ್ರದೇಶಗಳಲ್ಲಿ ಭಾಗಶಃ ಮೋಡವಿದ್ದು, ಮಂಗಳವಾರ ಸಂಜೆ ಅಥವಾ ರಾತ್ರಿ ಮಳೆ ಆಗುವ ಸೂಚನೆ ಇದೆ. ಗರಿಷ್ಠ ತಾಪಮಾನ 33 ಡಿಗ್ರಿ ಸೆಲ್ಸಿಯಸ್ ಆಸುಪಾಸಿನಲ್ಲಿರುತ್ತದೆ.
Comments
Story first published: Monday, May 21, 2001, 5:30 [IST]