ಇನ್‌ಫೋಸಿಸ್‌ ನಾರಾಯಣ ಮೂರ್ತಿಅವರಿಗೆ ಲಿಬರ್ಟಿ ಪ್ರಶಸ್ತಿ

ಸ್ವಿಟ್ಜರ್‌ಲೆಂಡ್‌ : ಭಾರತದ ಸಾಫ್ಟ್‌ವೇರ್‌ ಕ್ಷೇತ್ರದಲ್ಲಿ ಅಪ್ರತಿಮ ಸೇವೆ ಸಲ್ಲಿಸುತ್ತಿರುವ ಹಾಗೂ ಅತ್ಯಾಧುನಿಕ ಕಂಪ್ಯೂಟರ್‌ ಸಂಸ್ಥೆಯ ಸ್ಥಾಪನೆಗೆ ಕಾರಣರಾದ ಇನ್‌ಫೋಸಿಸ್‌ ಸಂಸ್ಥೆಯ ವರಿಷ್ಠ ಎನ್‌.ಆರ್‌. ನಾರಾಯಣ ಮೂರ್ತಿ ಅವರಿಗೆ 2001ನೇ ಸಾಲಿನ ಪ್ರತಿಷ್ಠಿತ ಲಿಬರ್ಟಿ ಪ್ರಶಸ್ತಿ ಘೋಷಿಸಲಾಗಿದೆ.

ಭಾರತದ ಪ್ರತಿಕೂಲ ಆರ್ಥಿಕ ಪರಿಸ್ಥಿತಿಯ ನಡೆವೆಯೂ ಇಂತಹ ಮಹಾನ್‌ ಸಾಧನೆ ಮಾಡಿದ ನಾರಾಯಣ ಮೂರ್ತಿ ಅವರ ಸೇವೆಯನ್ನು ಗುರುತಿಸಿ ಈ ಪ್ರಶಸ್ತಿ ನೀಡಲಾಗಿದೆ. ಇವರೊಂದಿಗೆ ಎಸ್ಟೋನಿಯಾ ಅಧ್ಯಕ್ಷ ಲೆನ್ನಾರ್ಡ್‌ ಮೆರ್ರಿ ಅವರು ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ.

200,000 ಸ್ವಿಸ್‌ ಫ್ರಾಂಕ್‌ಗಳನ್ನು ಪ್ರಶಸ್ತಿ ಒಳಗೊಂಡಿದೆ. ಈ ವಿಷಯವನ್ನು ಲಿಬರ್ಟಿ ಪ್ರಶಸ್ತಿ ಪ್ರತಿಷ್ಠಾನದ ಅಧ್ಯಕ್ಷ ಸ್ಟೀಫನ್‌ ಸ್ಯಿಮಿದೀನ್‌ ಅವರು ತಿಳಿಸಿದ್ದಾರೆ.

ಮುಖಪುಟ / ಕರ್ನಾಟಕ ಸಿಲಿಕಾನ್‌ ಕಣಿವೆ