ರಕ್ತನಿಧಿಗಳಲ್ಲಿ ಎಚ್‌ಐವಿ ಜೊತೆಗೆ ‘ಹೆಪಟೈಟಸ್‌ ಸಿ’ಪರೀಕ್ಷೆ ಕಡ್ಡಾಯ

ಬೆಂಗಳೂರು : ಜೂನ್‌ 1ರಿಂದ ಎಲ್ಲ ರಕ್ತ ನಿಧಿಗಳಲ್ಲಿ ಎಚ್‌ಐವಿ ಪರೀಕ್ಷೆಯ ಜೊತೆಗೆ ಹೆಪಟೈಟಸ್‌ ಸಿ ಪರೀಕ್ಷೆಯನ್ನೂ ಕಡ್ಡಾಯವಾಗಿ ಮಾಡುವಂತೆ ಕೇಂದ್ರಸರ್ಕಾರ ಆದೇಶ ಹೊರಡಿಸಿದೆ. ರಕ್ತ ಪಡೆದುಕೊಳ್ಳುವವರು ಹೆಪಟೈಟಸ್‌ ಸಿ ಪರೀಕ್ಷೆನಡೆಸಿರುವ ಬಗ್ಗೆ ಖಾತರಿಪಡಿಸಿಕೊಳ್ಳುವುದು ಅಗತ್ಯ.

ಈಗಾಗಲೇ ಹೆಪಟೈಟಸ್‌ ಬಿ ಪರೀಕ್ಷೆಯನ್ನು ನಡೆಸುತ್ತಿರುವ ರಕ್ತ ನಿಧಿಗಳಲ್ಲಿಯೂ ಹೆಪಟೈಟಸ್‌ ಸಿ ಪರೀಕ್ಷೆ ನಡೆಸುವುದು ಕಡ್ಡಾಯಗೊಳಿಸಲಾಗುವುದು. ಇದಕ್ಕೆ ಸಂಬಂಧಿಸಿ ಈಗ ಕಾರ್ಯನಿರ್ವಹಿಸುತ್ತಿರುವ ಎಲ್ಲ ರಕ್ತನಿಧಿಗಳಿಗೆ ಅನ್ವಯವಾಗುವಂತೆ, ಡ್ರಗ್ಸ್‌ ಆ್ಯಂಡ್‌ ಕಾಸ್ಮೆಟಿಕ್ಸ್‌ ಆ್ಯಕ್ಟ್‌ಗೆ ತಿದ್ದುಪಡಿ ತರಲಾಗುವುದು ಎಂದು ಕೇಂದ್ರದ ಆದೇಶ ತಿಳಿಸಿದೆ.

ರಕ್ತನಿಧಿಗಳಿಗೆ ಹೆಪಟೈಟಸ್‌ ಸಿ ವೈರಸ್‌ ಟೆಸ್ಟ್‌ನ ಕಿಟ್‌ಗಳನ್ನು ಒದಗಿಸಲಾಗುವುದು. ರಕ್ತ ನೀಡುವಾತ ಅಥವಾ, ರಕ್ತ ಪಡೆಯುವಾತ ರಕ್ತವು ಎಚ್‌ಐವಿಯಾಂದಿಗೆ ಈ ಪರೀಕ್ಷೆಗೂ ಒಳಪಟ್ಟಿದೆಯೇ ಎಂದು ಖಾತರಿಪಡಿಸಿಕೊಂಡು ಮುಂದುವರೆಯಬೇಕು.

ಪಿತ್ತಕೋಶಕ್ಕೆ ದಾಳಿ ಇಡುವ ಹೆಪಟೈಟಸ್‌ ಬಿ ಮತ್ತು ಸಿ ರೋಗವನ್ನು ತಡೆಯಲು ಮುನ್ನೆಚ್ಚರಿಕೆ ಕ್ರಮವಾಗಿ ಈ ಕ್ರಮ ಕೈಗೊಳ್ಳಲಾಗಿದೆ. ಕೇಂದ್ರ ಸರಕಾರವು ಹೆಪಟೈಟಸ್‌ ಸಿ ರೋಗನಿರೋಧಕ ಔಷಧಿಯನ್ನು ಪ್ರತಿ ರಕ್ತ ನಿಧಿಗೂ ಒದಗಿಸಲಿದ್ದು, ಕರ್ನಾಟಕದಲ್ಲಿರುವ 112 ರಕ್ತ ನಿಧಿಗಳಲ್ಲಿ ಈ ರೋಗ ಪರೀಕ್ಷೆ ವ್ಯವಸ್ಥೆಯನ್ನು ಮಾಡಲಾಗುವುದು.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...