ಅಸಾಧಾರಣ ಸಾಧನ ಪ್ರತಿಭೆ ತನುಶ್ರೀಗೆ ನೆರವು ಕೊಡಿ

ಕೋಲಾರ : ಮಹಿಳಾ ಸಮಾಜ ಶಾಲೆಯಲ್ಲಿನ ಒಂಬತ್ತನೇ ಇಯತ್ತೆಯ ಹುಡುಗಿ. 35 ರಾಷ್ಟ್ರ ಪ್ರಶಸ್ತಿಗಳು, 30 ರಾಜ.್ಯ ಪ್ರಶಸ್ತಿಗಳು, 100ಕ್ಕೂ ಹೆಚ್ಚು ಜಿಲ್ಲಾ ಮಟ್ಟದ ಪುರಸ್ಕಾರಗಳು ಈಕೆಗೆ ಸಂದಿವೆ. ಓದು, ನೃತ್ಯಕಲೆ, ಸಾಹಿತ್ಯ, ಬರವಣಿಗೆ, ಆಟೋಟ ಎಲ್ಲದರಲ್ಲೂ ಈಕೆ ಮುಂದು. ಈ ಪುಟ್ಟ ಪ್ರತಿಭೆಗೀಗ ರಾಷ್ಟ್ರ ಮಟ್ಟದ ‘ಅಸಾಧಾರಣ ಸಾಧನ ಪ್ರಶಸ್ತಿ’ಯ ಗರಿ. ಪ್ರತಿಭೆಯ ಹೆಸರು ತನುಶ್ರೀ.

ಶನಿವಾರ ಸುದ್ದಿಗೋಷ್ಠಿಯಲ್ಲಿ ತಮ್ಮ ಮಗಳಿಗೆ ಸಿಕ್ಕಿರುವ ಪ್ರಶಸ್ತಿ ಬಗ್ಗೆ ವಿವರಿಸುತ್ತಿದ್ದ ಕೆ.ಶ್ರೀನಾಥ್‌ ಮಗಳಿಗಿಂತ ಹೆಚ್ಚು ಆನಂದ ತುಂದಿಲರಾಗಿದ್ದರು. ರಾಜ್ಯದಲ್ಲಿ ಈ ಪ್ರಶಸ್ತಿಗೆ ಭಾಜನಳಾಗುತ್ತಿರುವ ಏಕೈಕ ಹುಡುಗಿ ತನುಶ್ರೀ. ಜೂನ್‌ ಮತ್ತು ಆಗಸ್ಟ್‌ ತಿಂಗಳಲ್ಲಿ ಮಂಗೋಲಿಯಾದಲ್ಲಿ ನಡೆಯಲಿರುವ ಅಂತರರಾಷ್ಟ್ರೀಯ ಮಕ್ಕಳ ಕೂಟಕ್ಕೆ ಆಯ್ಕೆಯಾಗಿರುವ ರಾಜ್ಯದ ಐವರಲ್ಲಿ ತನುಶ್ರೀ ಕೂಡ ಒಬ್ಬಳು.

ಮಂಗೋಲಿಯಾ ಕೂಟಕ್ಕೆ ಹೋಗಲು ಕನಿಷ್ಠ ಒಂದು ಲಕ್ಷ ರುಪಾಯಿ ಬೇಕಂತೆ. ಕ್ರೀಡಾಭಿಮಾನಿಗಳು, ದಾನಿಗಳು ತಮ್ಮ ಕೈಲಾದ ನೆರವನ್ನು ಕೊಟ್ಟಲ್ಲಿ , ತನುಶ್ರೀ ಮಂಗೋಲಿಯಾ ಆಫರನ್ನು ತಿರಸ್ಕರಿಸುವ ಪ್ರಮೇಯ ಬರುವುದಿಲ್ಲ. 13 ವರ್ಷದ ಹುಡುಗಿ ಆಕಾಶ ಮುಟ್ಟಲು ಹೊರಟಿದ್ದಾಳೆ. ಹರಸಿ, ಕಳುಹಿಸಿ ಕೊಡಿ.

ನೆರವನ್ನು ಮಹಿಳಾ ಸಮಾಜ ಶಾಲೆ, ಕೋಲಾರ- ಈ ವಿಳಾಸಕ್ಕೆ ಸಂದಾಯ ಮಾಡಬಹುದು.

(ಇನ್ಫೋ ವಾರ್ತೆ)