ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಆನಂದದಿಂದ ಕಾಲ ಕಳೆಯಲು ಇಂದು ಸುದಿನ. ಆತ್ಮೀಯರೊಂದಿಗೊಂದು ಸುಂದರ ಸಂಜೆ. ಎಲ್ಲ ಕಾರ್ಯದಲ್ಲೂ ಅನುಕೂಲ. ಸಿಕ್ಕ ಅವಕಾಶ ಕೈತಪ್ಪುವ ಸಾಧ್ಯತೆಯೂ ಇದೆ.

ವೃಷಭ : ನಿಮ್ಮ ವ್ಯಕ್ತಿತ್ವದ ಆಳಕ್ಕೆ ಹೊಂದುವಂತಿದೆ ಗ್ರಹಗತಿ. ನಿರಾಶೆಯನ್ನು ಬದಿಗೊತ್ತಿ, ಆಶಾದಾಯಕವಾಗಿ ಮುನ್ನುಗ್ಗಿ. ಕೈಕೆಸರಾದರೆ ಬಾಯಿ ಮೊಸರು ಎನ್ನುವುದನ್ನು ಮರೆಯದಿರಿ.

ಮಿಥುನ : ಭಾವನೆಯನ್ನು ಹತೋಟಿಯಲ್ಲಿಟ್ಟುಕೊಳ್ಳುವುದು ಉತ್ತಮ. ಅತಿ ಆಸೆ ಗತಿಕೇಡು. ಹಾಸಿಗೆ ಇದ್ದಷ್ಟು ಕಾಲುಚಾಚುವ ನೀತಿ ರೂಢಿಸಿಕೊಂಡರೆ ಯಾವುದೇ ಸಂಕಷ್ಟವಿಲ್ಲ.

ಕಟಕ : ನಂಬಿದವರೆಲ್ಲಾ ನಿಮಗೆ ಕೈಕೊಡುತ್ತಿದ್ದಾರೆ. ಹಿತಶತ್ರುಗಳು, ನಿಮ್ಮನ್ನು ತುಳಿಯಲು ಹಾತೊರೆಯುತ್ತಿದ್ದಾರೆ. ಅವಕಾಶವಾದಿಗಳ ಬಗ್ಗೆ ಎಚ್ಚರದಿಂದಿದ್ದರೆ ಕ್ಷೇಮ. ಧೈರ್ಯವೇ ನಿಮ್ಮನ್ನು ಕಾಪಾಡುತ್ತದೆ.

ಸಿಂಹ : ಅನಿರೀಕ್ಷಿತ ಘಟನೆಗಳು ಗೊಂದಲಕ್ಕೆ ಎಡೆಮಾಡಿಕೊಡುತ್ತವೆ. ಅನಾರೋಗ್ಯವೂ ನಿಮ್ಮನ್ನು ಬಾಧಿಸಲಿದೆ. ಹೆಣ್ಣು, ಹೊನ್ನು, ಮಣ್ಣಿನ ಬೆನ್ನು ಹತ್ತುವ ಸಾಹಸ ಬೇಡ.

ಕನ್ಯಾ : ಧನಯೋಗವಿದೆ. ಶುದ್ಧ ಚಾರಿತ್ರ್ಯ, ಪಾವಿತ್ರ್ಯ ಕಾಪಾಡಿಕೊಳ್ಳಿ. ಪ್ರಯಾಣ ಯೋಗವಿದೆ. ಕುಲದೇವರ ದೇವಾಲಯ ದರ್ಶನದಿಂದ ಎಲ್ಲವೂ ಶುಭ. ಮನೆಯಲ್ಲಿ ಶುಭಕಾರ್ಯದ ಮಾತುಕತೆ.

ತುಲಾ : ಪ್ರೇಮ ಪಂಚಮ ವೇದ. ಪ್ರೇಮಕ್ಕೆ ವಂಚನೆ ಸರಿಯಲ್ಲ. ನಂಬಿದವರಿಗೆ ಕೈಕೊಡಬೇಡಿ. ವಿರಹ ನಿಮ್ಮನ್ನು ಇಂದು ತೀವ್ರವಾಗಿ ಕಾಡಲಿದೆ. ಅನ್ಯರನ್ನು ಟೀಕಿಸುವುದ ಬಿಟ್ಟುಬಿಡಿ.

ವೃಶ್ಚಿಕ : ಭೂಮಿಯನ್ನೇ ಅಗೆದು ತೆಗೆಯುವ ಶಕ್ತಿ ನಿಮಗಿದೆ. ನಿಮ್ಮ ವಸ್ತು ಎಲ್ಲಿದ್ದರೂ ಹುಡುಕೇ ಹುಡುಕುತ್ತೀರಿ. ನಿಮ್ಮನ್ನು ಸೋಲಿಸಲು ಯಾರಿಗೂ ಸಾಧ್ಯವಿಲ್ಲ. ನಿಮಗೆ ತೊಂದರೆ ಕೊಡಲೆಂದೇ ಕೆಲವರು ಹುಟ್ಟಿಕೊಂಡಿದ್ದಾರೆ.

ಧನಸ್ಸು : ಶಿಕ್ಷಣ ಕ್ಷೇತ್ರದಲ್ಲಿ ಪ್ರಗತಿ, ವಿದ್ಯಾರ್ಥಿಗಳಿಗೆ ಶುಭದಿನ. ಎಲ್ಲ ಮುಕ್ತಾಯಗಳೂ, ಹೊಸ ಆರಂಭಕ್ಕೆ ಸೋಪಾನವಾಗಲಿವೆ. ಕೌಟುಂಬಿಕ ಸಮಸ್ಯೆಗಳು ಇದು ಹೇರಳವಾಗಿವೆ.

ಮಕರ : ಹತ್ತಾರು ಸಮಸ್ಯೆಗಳು ಕಾಡುತ್ತಿವೆ. ನಿಭಾಯಿಸುವ ಶಕ್ತಿ ನಿಮ್ಮಲ್ಲಿದೆ. ಮುಖ್ಯ ಯೋಜನೆಗಳು ಇಂದು ಮುಕ್ತಾಯ ಕಾಣಲೇಬೇಕು. ಅದು ಆಗದಿದ್ದರೆ ಒಂದು ತೃಪ್ತಿಕರ ಘಟ್ಟಕ್ಕೆ ಬಂದು ನಿಲ್ಲುವಂತೆ ನೋಡಿಕೊಳ್ಳಿ.

ಕುಂಭ : ಬೇವು ಭಿತ್ತಿ ಮಾವು ಬೆಳೆಯಲು ಸಾಧ್ಯವಿಲ್ಲ. ಗಗನಕುಸುಮಕ್ಕೆ ಕೈಚಾಚುವ ಸಾಹಸ ಬೇಡ. ನೀವಂತೂ ಆಶಾವಾದದ ತುತ್ತ ತುದಿಯಲ್ಲಿ ವಿಹರಿಸುತ್ತಿದ್ದೀರಿ. ಆಸೆಗಳಿಗೆ ಕಡಿವಾಣ ಹಾಕಿ.

ಮೀನ : ಇಂದು ನಿಮಗೆ ಸಿಕ್ಕಿರುವ ಆನಂದ ಇನ್ನೆಂದೂ ಸಿಗಲಾರದು. ಉಪಟಳ ನೀಡುವ ಮಂದಿ ದೂರವಾಗಿದ್ದಾರೆ. ಒಂದರ ಹಿಂದೊಂದರಂತೆ ಅಚ್ಚರಿಗಳೇ ಕಾದಿವೆ. ಒಟ್ಟಾರೆ ಶುಭವೋ ಶುಭ.