• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಆ ಹುಡುಗನ ಆತ್ಮಹತ್ಯೆಗೆ ಪರಿಸರ ಮಾಲಿನ್ಯ ಕಾರಣವೇ ?

By Staff
|

ಬೆಂಗಳೂರು : ದಿನೇದಿನೇ ನಗರದಲ್ಲಿ ಹೆಚ್ಚಾಗುತ್ತಿರುವ ಹದಿ ಹರೆಯದವರ ಆತ್ಮಹತ್ಯೆ ಪ್ರಕರಣಗಳಿಗೂ ಪರಿಸರ ಮಾಲಿನ್ಯಕ್ಕೂ ಕಾರಣವಿದೆಯೇ ? ಹೌದೆನ್ನುತ್ತಾರೆ ಜನಪ್ರಿಯ ಪರಿಸರ ತಜ್ಞ ಯಲ್ಲಪ್ಪ ರೆಡ್ಡಿ .

ವಾಯು ಮಾಲಿನ್ಯದಿಂದಾಗಿ ಅಸಾಧ್ಯ ಮಾನಸಿಕ ಒತ್ತಡ ಉಂಟಾಗುತ್ತದೆ. ಇದರಿಂದಾಗಿ ಯುವಕ- ಯುವತಿಯರು ಆತ್ಮಹತ್ಯೆಗೆ ಶರಣಾಗುತ್ತಿದ್ದಾರೆ ಅನ್ನುವುದು ಯಲ್ಲಪ್ಪ ರೆಡ್ಡಿಯವರ ವಾದ. ವಾಹನಗಳಿಗೆ ಬಳಸುವ ಪೆಟ್ರೋಲ್‌ ವಾಯುಮಂಡಲಕ್ಕೆ ಸೇರಿಸುವ ರಾಸಾಯನಿಕಗಳು ನಿಶ್ಯಕ್ತಿ , ನರ ದೌರ್ಬಲ್ಯ ಹಾಗೂ ಜ್ಞಾಪಕ ಶಕ್ತಿಯನ್ನು ಕುಂದಿಸುವುದು ಮಾತ್ರವಲ್ಲದೇ ಮಾನಸಿಕ ಉದ್ವಿಗ್ನತೆಗೂ ಕಾರಣವಾಗುತ್ತವೆ ಅನ್ನುತ್ತಾರೆ. ಅಖಿಲ ಭಾರತ ಸರ್ವಧರ್ಮಗಳ ಜೀವನ್ಮುಕ್ತಿ ಧಾಮ ಟ್ರಸ್ಟ್‌ ಮಂಗಳವಾರ ಏರ್ಪಡಿಸಿದ್ದ ಕಾರ್ಯಕ್ರಮದಲ್ಲಿ ಮಾತನಾಡುತ್ತಿದ್ದ ಅವರು ತಮ್ಮೀ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದರು.

ಯಲ್ಲಪ್ಪ ರೆಡ್ಡಿಯವರ ಪ್ರಕಾರ, ಸಾವಿರಾರು ರುಪಾಯಿ ಖರ್ಚು ಮಾಡಿ ಸತ್ತವರಿಗೆ ಗೋರಿ ನಿರ್ಮಿಸುವ ಬದಲು ಒಂದು ಅಶ್ವತ್ಥ ಅಥವಾ ಅರಳಿ ಮರವನ್ನು ನೆಡುವುದು ಒಳ್ಳೆಯ ಕಾರ್ಯ. ಇದರಿಂದಾಗಿ ಹಣದ ಸದುಪಯೋಗವಾಗಿ ಒಂದಷ್ಟು ಜೀವಗಳಿಗೆ ತಂಪಾದರೂ ಸಿಕ್ಕೀತು. ಒಂದು ಅಶ್ವತ್ಥ ವೃಕ್ಷ ಇನ್ನೂರು ಜನರಿಗೆ ಸಾಕಾಗುವಷ್ಟು ಜೀವವಾಯು ನೀಡಬಲ್ಲುದು ಹಾಗೂ ನೂರಾರು ವರ್ಷ ಬಾಳಬಲ್ಲ ಸಾಮರ್ಥ್ಯವೂ ಅದಕ್ಕಿದೆ ಎಂದು ಅವರು ಹೇಳಿದರು.

ಲೈಂಗಿಕ ಪ್ರಚೋದನೆಗೆ ಕಾರಣವಾಗುವ ಜಾಹೀರಾತುಗಳು

ಮಾಧ್ಯಮಗಳಲ್ಲಿ ಪ್ರಕಟವಾಗುತ್ತಿರುವ ಜಾಹೀರಾತುಗಳು ಯುವ ಜನತೆಗೆ ಲೈಂಗಿಕ ಪ್ರಚೋದನೆ ಮಾಡುತ್ತಿವೆ ಎನ್ನುವುದು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಲೈಂಗಿಕ ತಜ್ಞೆ ಡಾ. ಪದ್ಮಿನಿ ಪ್ರಸಾದ್‌ ಅವರ ಆತಂಕ. ಯುವ ಜನತೆಗೆ ಸರಿಯಾದ ಲೈಂಗಿಕ ಮಾರ್ಗದರ್ಶನವಿಲ್ಲ . ಆ ಕಾರಣದಿಂದಲೇ ಅತ್ಯಾಚಾರ, ಏಡ್ಸ್‌, ಎಳೆಯ ವಯಸ್ಸಿನಲ್ಲಿ ಗರ್ಭಧಾರಣೆ ಮುಂತಾದ ಸಮಸ್ಯೆಗಳು ಉಂಟಾಗುತ್ತಿವೆ. ಈ ಹಿನ್ನೆಲೆಯಲ್ಲಿ ಮೌಲ್ಯಾಧಾರಿತ ಲೈಂಗಿಕ ಶಿಕ್ಷಣ ಈ ಹೊತ್ತಿನ ಜರೂರು ಅವಶ್ಯಕತೆಯಾಗಿದೆ ಎಂದು ಪದ್ಮಿನಿ ಪ್ರಸಾದ್‌ ಅಭಿಪ್ರಾಯಪಟ್ಟರು.

ಪ್ರಸಿದ್ಧ ಮನೋ ವಿಜ್ಞಾನಿ ಡಾ. ಸಿ.ಆರ್‌. ಚಂದ್ರಶೇಖರ್‌, ಪ್ರಕಾಶ್‌ ಗುರೂಜಿ ಹಾಗೂ ಉಪ ಮೇಯರ್‌ ಪುಟ್ಟರಾಜು ಕಾರ್ಯಕ್ರಮದಲ್ಲಿ ಹಾಜರಿದ್ದರು.

(ಇನ್ಫೋ ವಾರ್ತೆ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more