ಬೆಂಗಳೂರಿನಲ್ಲಿ ಅಗ್ಗದ ಬೆಲೆಗೆ ಬುಟ್ಟಿ ತುಂಬಾ ತಾಜಾ ಮಾವು..

ಬೆಂಗಳೂರು : ರುಚಿಕರವಾದ ಮಾವು ಮಾರುಕಟ್ಟೆಗೆ ಬಂದಿದೆ. ಸಮೃದ್ಧ ಬೆಳೆಯಿಂದ ಬೆಲೆಯೂ ಕೈಗೆಟುಕುವಂತಿದೆ. ಉತ್ತಮ - ತಾಜಾ ಮಾವಿನ ಹಣ್ಣು ತಿನ್ನುವ ಆಸೆಯೇ? ತಡವೇಕೆ ಹತ್ತಿರದ ಹಾಪ್‌ಕಾಮ್ಸ್‌ ಮಳಿಗೆಯತ್ತ ಹೊರಡಿ.

ಬೆಂಗಳೂರಿನ ಆಯ್ದ ಮಳಿಗೆಗಳಲ್ಲಿ ಹಾಪ್‌ಕಾಮ್ಸ್‌ ಬುಧವಾರದಿಂದ ತಾಜಾ ಮಾವಿನ ಹಣ್ಣಿನ ಮಹಾಮೇಳವನ್ನೇ ನಡೆಸುತ್ತಿದೆ.

ನೀವು ಬ್ಯಾಗ್‌ ತೆಗೆದುಕೊಂಡು ಹೋಗುವ ಅಗತ್ಯವೂ ಇಲ್ಲ. ಈ ಮೇಳದಲ್ಲಿ 5 ಕೆ.ಜಿ. ತಾಜಾ ಮಾವಿನ ಹಣ್ಣು ಬುಟ್ಟಿಯಲ್ಲಿ ಲಭ್ಯ. ಉತ್ತಮವಾದ ಬಾದಾಮಿ, ರಸಪುರಿ, ಮಲಗೋವಾ, ಬೈಗಾನ್‌ಪಲ್ಲಿ, ಸಿಂಧೂರ, ಮಲ್ಲಿಕಾ ಮೊದಲಾದ ತಳಿಗಳ ಹಣ್ಣುಗಳ 5 ಕೆ.ಜಿ. ಬುಟ್ಟಿ ಮಾವಿನ ಮಹಾ ಮೇಳದ ಪ್ರಮುಖ ಆಕರ್ಷಣೆ.

ಮಾವಿನ ಮಹಾ ಮೇಳ ಬೆಂಗಳೂರಿನ ಈ ಕೆಳಕಂಡ ಆಯ್ದ ಹಾಪ್‌ಕಾಮ್ಸ್‌ ಮಳಿಗೆಗಳಲ್ಲಿ ನಡೆಯಲಿದೆ.

ಹಾಪ್‌ಕಾಮ್ಸ್‌ ಮುಖ್ಯ ಕಚೇರಿ, ಹಡ್ಸನ್‌ ವೃತ್ತದ ಶೀತಲಗೃಹ ಮಾರಾಟ ಮಳಿಗೆ, ಜನತಾ ಬಜಾರ್‌ ಮಾರಾಟ ಮಳಿಗೆ 48, ಜನತಾ ಬಜಾರ್‌ ಸದಾಶಿವನಗರ ಮಳಿಗೆ, ರಾಜಾಜಿನಗರ ರಾಮಮಂದಿರ ಮಾರಾಟ ಮಳಿಗೆ, ವಿಜಯನಗರ ಮಾರಾಟ ಮಳಿಗೆ. ಬೆಂಗಳೂರು ಹೈಸ್ಕೂಲ್‌ ಚಾಮರಾಜಪೇಟೆ ಮಳಿಗೆ, ರಾಮಕೃಷ್ಣಾಶ್ರಮ ಮಳಿಗೆ, ಬಿಟಿಎಂ ಲೇಔಟ್‌ ಮಳಿಗೆ, ಕೋರಮಂಗಲ ದೇವಸ್ಥಾನ ಮಾರಾಟ ಮಳಿಗೆ.

ಬನಶಂಕರಿ ಕಾಂಪ್ಲೆಕ್ಸ್‌ ಮಳಿಗೆ, ಬಿ.ಎಂ.ಶ್ರೀ ವೃತ್ತ ಮಳಿಗೆ, ಕೋಲ್ಸ್‌ ಪಾರ್ಕ್‌ ವೆಸ್ಟ್‌ ಮಾರಾಟ ಮಳಿಗೆ, ಕುಮಾರ ಪಾರ್ಕ್‌ ಮಾರಾಟ ಮಳಿಗೆ, ಎನ್‌.ಆರ್‌. ಕಾಲೋನಿ ಮಳಿಗೆ, ಸೋಮೇಶ್ವರ ನಗರ ಮಾರಾಟ ಮಳಿಗೆ, ಜೀವನಭೀಮಾ ನಗರ ಮೇನ್‌ ರೋಡ್‌ ಮಾರಾಟ ಮಳಿಗೆ.

ವಾರ್ತಾಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...