148 ಪೌರಸಂಸ್ಥೆಗಳ ಪೈಕಿ 82ರಲ್ಲಿ ಕಾಂಗ್ರೆಸ್‌ ದಿಗ್ವಿಜಯ

ಬೆಂಗಳೂರು : ಮೇ 3ರ ಗುರುವಾರ ರಾಜ್ಯದ ನಾಲ್ಕು ಮಹಾನಗರ ಪಾಲಿಕೆ ಸೇರಿದಂತೆ ಒಟ್ಟು 148 ಸ್ಥಳೀಯ ಪೌರಸಂಸ್ಥೆಗಳಿಗೆ ನಡೆದ ಚುನಾವಣೆಯಲ್ಲಿ ಜಯಭೇರಿ ಬಾರಿಸಿರುವ ಕಾಂಗ್ರೆಸ್‌ ಪಕ್ಷ 3,722 ಸ್ಥಾನಗಳ ಪೈಕಿ 1710 ವಾರ್ಡ್‌ಗಳಲ್ಲಿ ಗೆದ್ದು 82 ಪೌರಸಂಸ್ಥೆಗಳನ್ನು ಕೈವಶ ಪಡಿಸಿಕೊಂಡಿದೆ.

378 ಸ್ಥಾನಗಳಲ್ಲಿ ಜಯಶಾಲಿಯಾಗಿರುವ ಸಂಯುಕ್ತ ಜನತಾದಳ 378 ವಾರ್ಡ್‌ಗಳಲ್ಲಿ ಗೆಲ್ಲುವ ಮೂಲಕ 10 ಪೌರಸಂಸ್ಥೆಗಳಲ್ಲಿ ಬಹುಮತ ಪಡೆದಿದೆ. 307 ಸ್ಥಾನ ಗೆದ್ದಿರುವ ಜಾತ್ಯತೀತ ಜನತಾದಳ 307 ವಾರ್ಡ್‌ಗಳಲ್ಲಿ ಗೆದ್ದು, 7 ಪೌರಸಂಸ್ಥೆಗಳನ್ನು ತನ್ನ ಬಗಲಿಗೆ ಹಾಕಿಕೊಂಡಿದೆ.

ರಾಜ್ಯದಲ್ಲಿ ಪ್ರಮುಖ ಪ್ರತಿಪಕ್ಷವಾಗಿರುವ ಭಾರತೀಯ ಜನತಾಪಾರ್ಟಿ 351 ವಾರ್ಡ್‌ಗಳಲ್ಲಿ ಗೆಲುವು ಸಾಧಿಸಿದೆಯಾದರೂ, ಅದರ ಕೈವಶವಾಗಿರುವ ಪೌರಸಂಸ್ಥೆಗಳ ಸಂಖ್ಯೆ ಕೇವಲ 4 ಮಾತ್ರ. ಈ ಚುನಾವಣೆಯಲ್ಲಿ ಬಿ.ಜೆ.ಪಿ. ಭಾರಿ ಮುಖಭಂಗ ಅನುಭವಿಸಿದೆ.

ಸಿ.ಪಿ.ಐ 4 ಹಾಗೂ ಬಿ.ಎಸ್‌.ಪಿ. 8 ವಾರ್ಡ್‌ಗಳಲ್ಲಿ ಗೆಲುವು ಸಾಧಿಸಿದೆ. ಈ ಬಾರಿಯ ಚುನಾವಣೆಯ ಫಲಿತಾಂಶವನ್ನೇ ತಿರುಗು ಮುರುಗು ಮಾಡಿದ ಪಕ್ಷೇತರರು 943 ವಾರ್ಡ್‌ಗಳಲ್ಲಿ ದಿಗ್ವಿಜಯ ಸಾಧಿಸಿ, 29 ಪೌರ ಸಂಸ್ಥೆಗಳನ್ನು ಕೈವಶ ಪಡಿಸಿಕೊಂಡಿದ್ದಾರೆ. ಇತರರು 4 ವಾರ್ಡ್‌ಗಳಲ್ಲಿ ಜಯಶಾಲಿಗಳಾಗಿದ್ದಾರೆ. ನಾಲ್ಕು ವಾರ್ಡ್‌ಗಳ ಫಲಿತಾಂಶವನ್ನು ತಡೆಹಿಡಿಯಲಾಗಿದೆ. 16 ಪೌರಸಂಸ್ಥೆಗಳಲ್ಲಿ ಯಾವುದೇ ಪಕ್ಷಕ್ಕೂ ನಿಚ್ಚಳ ಬಹುಮತ ಲಭ್ಯವಾಗಿಲ್ಲ.

ವಾರ್ತಾಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...