ಮಾನವ ಹಕ್ಕುಗಳ ಆಯೋಗದ ದೃಷ್ಟಿಗೆ ಲಂಬಾಣಿ ಮಕ್ಕಳ ಮಾರಾಟ

ನವದೆಹಲಿ : ದೇಶಾದ್ಯಂತ ಚರ್ಚೆಯಲ್ಲಿರುವ ತೆಲಂಗಾಣ ಪ್ರದೇಶದಲ್ಲಿ ಹೆಣ್ಣು ಮಕ್ಕಳ ಮಾರಾಟ ಮತ್ತು ಕೊಲೆಯ ಪ್ರಕರಣಗಳ ಕುರಿತಂತೆ ತೀವ್ರ ಕಳವಳ ವ್ಯಕ್ತಪಡಿಸಿರುವ ರಾಷ್ಟ್ರೀಯ ಮಾನವ ಹಕ್ಕುಗಳ ಆಯೋಗ, ಪ್ರಕರಣದ ಬಗ್ಗೆ ಸಮಗ್ರ ವರದಿ ನೀಡುವಂತೆ ಆಂಧ್ರಪ್ರದೇಶ ಸರ್ಕಾರಕ್ಕೆ ಸೂಚಿಸಿದೆ.

ರಾಷ್ಟ್ರೀಯ ಪತ್ರಿಕೆಗಳಲ್ಲಿ ಈಚೆಗೆ ಪ್ರಕಟವಾದ ವರದಿಗಳ ಹಿನ್ನೆಲೆಯಲ್ಲಿ , ಪ್ರಕರಣ ಕುರಿತು ವರದಿಯನ್ನು ಕಳುಹಿಸುವಂತೆ ಆಂಧ್ರ ಸರ್ಕಾರಕ್ಕೆ ಆಯೋಗ ತಿಳಿಸಿದೆ. ಲಂಬಾಣಿ ಜನಾಂಗದ ಹೆಣ್ಣುಮಕ್ಕಳನ್ನು ಮಾರಲಾಗುತ್ತಿದೆ ಅಥವಾ ಕೊಲ್ಲಲಾಗುತ್ತಿದೆ ಎಂದು ಪತ್ರಿಕೆಗಳು ವರದಿ ಮಾಡಿದ್ದವು. ಬಡತನ ಹಾಗೂ ಅನಕ್ಷರತೆ ಮಕ್ಕಳನ್ನು ಮಾರಲಿಕ್ಕೆ ಕಾರಣ ಎಂದು ಮಾಧ್ಯಮಗಳು ತಿಳಿಸಿದ್ದವು.

ಯುನಿಸೆಫ್‌ನಂಥಾ ಸಂಸ್ಥೆಗಳೊಡನೆ ಇತ್ತೀಚೆಗೆ ಸಭೆ ಸೇರಿದ್ದ ಆಯೋಗವು- ಭ್ರೂಣಹತ್ಯೆ, ಶಿಶುಹತ್ಯೆ, ದತ್ತಕ ಹಾಗೂ ಅಕ್ರಮ ಮಾರಾಟ ಕುರಿತಂತೆ ಮಾಹಿತಿಯನ್ನು ಒದಗಿಸುವಂತೆ ಕೋರಲು ನಿಶ್ಚಯಿಸಿತ್ತು.

(ಇನ್ಫೋ ವಾರ್ತೆ)

ವಾರ್ತಾಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...