ಭೀಮೆ, ಕೃಷ್ಣೆಗೆ ನಾಲ್ಕು ಟಿ.ಎಂ.ಸಿ. ನೀರು : ಮಹಾರಾಷ್ಟ್ರ ಭರವಸೆ

ಬೆಂಗಳೂರು : ಕುಡಿಯುವ ನೀರಿಗೂ ತೊಂದರೆ ಪಡುತ್ತಿರುವ ಭೀಮಾ ತಟದ ಜನರ ನೀರಿನ ಸಮಸ್ಯೆ ನೀಗಿಸಲು ಉಜಿನಿ ಜಲಾಶಯದಿಂದ 2 ಟಿ.ಎಂ.ಸಿ. ನೀರು ಬಿಡುವ ಭರವಸೆ ಮಹಾರಾಷ್ಟ್ರದಿಂದ ದೊರಕಿದೆ.

ಮಹಾರಾಷ್ಟ್ರದ ಮುಖ್ಯಮಂತ್ರಿ ವಿಲಾಸ್‌ರಾವ್‌ ದೇಶ್‌ಮುಖ್‌ ಅವರೊಂದಿಗೆ ಮಾತುಕತೆ ನಡೆಸಿದ ಬಳಿಕ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡುತ್ತಿದ್ದ ರಾಜ್ಯ ಜಲ ಸಂಪನ್ಮೂಲ ಸಚಿವ ಎಚ್‌.ಕೆ. ಪಾಟೀಲ್‌ ಈ ವಿಷಯ ತಿಳಿಸಿದರು.

ಬಾಗಲಕೋಟೆ, ಗುಲ್ಬರ್ಗಾ, ರಾಯಚೂರು ಪ್ರದೇಶದಲ್ಲಿ ಬಿಸಿಲು ದಿನದಿಂದ ದಿನಕ್ಕೆ ಏರುತ್ತಿದ್ದು, ನದಿ ಬತ್ತಿಹೋಗಿದೆ. ಜನರು ನೀರಿಗಾಗಿ ಹಾಹಾಕಾರ ಪಡುತ್ತಿದ್ದಾರೆ. ಜನ - ಜಾನುವಾರುಗಳು ನೀರನ್ನು ಹುಡುಕಿ ಅಲೆಯುತ್ತಿವೆ ಎಂಬುದನ್ನು ಮಹಾರಾಷ್ಟ್ರ ಮುಖ್ಯಮಂತ್ರಿಗಳಿಗೆ ಮನವರಿಕೆ ಮಾಡಿಕೊಡಲಾಯಿತು.

ಈ ಹಿನ್ನೆಲೆಯಲ್ಲಿ ಕೊಯ್ನಾ ಅಣೆಕಟ್ಟೆಯಿಂದ ಕೃಷ್ಣ ನದಿಗೆ 2 ಟಿ.ಎಂ.ಸಿ ಹಾಗೂ ಉಜಿನಿಯಿಂದ ಭೀಮಾ ನದಿಗೆ ಎರಡು ಟಿ.ಎಂ.ಸಿ ನೀರು ಬಿಡಲು ತಾತ್ವಿಕವಾಗಿ ಒಪ್ಪಿರುವ ದೇಶ್‌ಮುಖ್‌ ಅನುಕೂಲಕರ ಭರವಸೆ ನೀಡಿದ್ದಾರೆ ಎಂದು ಹೇಳಿದರು.

ವಾರ್ತಾಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...