ಏಷ್ಯಾದ ಶ್ರೇಷ್ಠ ನಿರ್ವಹಣಾಕಂಪನಿಯಾಗಿ ಹೊಮ್ಮಿದ ಇನ್ಫೋಸಿಸ್‌

ಲಂಡನ್‌ : ಭಾರತದ ಸಿಲಿಕಾನ್‌ ಕಣಿವೆಯ ಗೋಪುರ ಎಂದು ಬಿಂಬಿಸಲಾಗುತ್ತಿರುವ ಇನ್ಫೋಸಿಸ್‌ ಟೆಕ್ನಾಲಜೀಸ್‌, ಏಷ್ಯಾ ವಿಭಾಗದಲ್ಲಿ ಅತ್ಯುತ್ತಮ ನಿರ್ವಹಣಾ ಕಂಪನಿ ಎಂದು ಭಾನುವಾರ ಇಲ್ಲಿ ಪ್ರಕಟವಾಗಿರುವ ಸಮೀಕ್ಷೆಯಾಂದು ತಿಳಿಸಿದೆ.

ಫೈನಾನ್ಸ್‌ ಏಷ್ಯಾ ಎನ್ನುವ ಪ್ರಮುಖ ಹಣಕಾಸು ಪತ್ರಿಕೆ ನಡೆಸಿರುವ ಸಮೀಕ್ಷೆಯಲ್ಲಿ ಈ ವಿಷಯ ಹೊರಬಿದ್ದಿದೆ. ಹೆಸರಾಂತ ಅಂತರರಾಷ್ಟ್ರೀಯ ವಿಶ್ಲೇಷಕರು ಹಾಗೂ ಬಂಡವಾಳ ಹೂಡಿಕೆ ನಿರ್ಣಯಕಾರರ ಅಭಿಪ್ರಾಯಗಳನ್ನು ಸಮೀಕ್ಷೆ ಯ ಮಾನದಂಡವಾಗಿ ಪತ್ರಿಕೆ ಅನುಸರಿಸಿದೆ. ಅತ್ಯುತ್ತಮ ನಿರ್ವಹಣೆಯಲ್ಲಿ ಇನ್ಫೋಸಿಸ್‌ ನಂತರದ ಸ್ಥಾನವನ್ನು ರಿಲಯನ್ಸ್‌ ಇಂಡಸ್ಟ್ರೀಸ್‌ ಕಂಪನಿ ತನ್ನದಾಗಿಸಿಕೊಂಡಿರುವುದು ವಿಶೇಷ.

ಸ್ಪರ್ಧಾತ್ಮಕ ವಾತಾವರಣಕ್ಕೆ ತಕ್ಕುದಾದ ವಾಣಿಜ್ಯ ಆಡಳಿತ, ಪಾರದರ್ಶಕತೆ, ನುರಿತ ಆಡಳಿತ ವರ್ಗ ಹಾಗೂ ವ್ಯಾಪಾರೀ ಸಂಸ್ಕೃತಿಯನ್ನು ಇನ್ಫೋಸಿಸ್‌ ಒಳಗೊಂಡಿದೆ ಎಂದು ಸಮೀಕ್ಷೆ ಬಣ್ಣಿಸಿದೆ. ಇವೇ ಅಂಶಗಳು ಆದಾಯ ಹಾಗೂ ಷೇರುದರಗಳನ್ನು ನಿರ್ಣಯಿಸುವಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತವೆ ಎಂದೂ ಸಮೀಕ್ಷೆ ಹೇಳಿದೆ.

ಅತ್ಯುತ್ತಮ ನಿರ್ವಹಣಾ ಕಂಪನಿ, ಅತ್ಯುತ್ತಮ ಹೂಡಿಕೆ ಸಂಬಂಧಗಳು, ಷೇರುದಾರರೊಂದಿಗಿನ ಬದ್ಧತೆ ಹಾಗೂ ಇ- ಕಾಮರ್ಸ್‌ ವಿಷಯಕ್ಕೆ ಸಂಬಂಧಿಸಿದಂತೆ ಸಮೀಕ್ಷೆ ಜರುಗಿತ್ತು .

(ಇನ್ಫೋ ವಾರ್ತೆ)

ವಾರ್ತಾಸಂಚಯ
ಮುಖಪುಟ / ಕರ್ನಾಟಕ ಸಿಲಿಕಾನ್‌ ಕಣಿವೆ