ದೆಹಲಿಯಲ್ಲಿ ಭೂಕಂಪ, ತತ್ತರಿಸಿದ ರಾಜಧಾನಿಯ ಜನತೆ

ನವದೆಹಲಿ : ಶನಿವಾರ ಬೆಳಿಗ್ಗೆ 8.37 ರ ಸುಮಾರಿಗೆ ದೆಹಲಿಯಲ್ಲಿ ಲಘು ಭೂಕಂಪ ಸಂಭವಿಸಿದ್ದು , ರಾಜಧಾನಿಯ ಜನತೆ ಭಯಗ್ರಸ್ತರಾಗಿದ್ದಾರೆ. ಪ್ರಾಥಮಿಕ ವರದಿಗಳ ಪ್ರಕಾರ, ಕಂಪನದಿಂದ ಯಾವುದೇ ಹಾನಿ ಸಂಭವಿಸಿಲ್ಲ.

4 ರಿಂದ 5 ಸೆಕೆಂಡುಗಳ ಕಾಲ ಭೂಮಿ ಕಂಪಿಸಿದ್ದು , ಕಂಪನದ ಪ್ರಮಾಣ ರಿಕ್ಟರ್‌ ಮಾಪಕದಲ್ಲಿ 3.8 ರಷ್ಟಿತ್ತು ಎಂದು ದೆಹಲಿಯ ವರದಿಗಳು ತಿಳಿಸಿವೆ. ಜನವರಿ 26 ರ ಮಾರಕ ಕಂಪನದ ಅನುಭವದ ಹಿನ್ನೆಲೆಯಲ್ಲಿ , ಕಂಪನದ ಅನುಭವವಾಗುತ್ತಿದ್ದಂತೆಯೇ ಕಟ್ಟಡಗಳಿಂದ ರಸ್ತೆಗಳಿಗೆ ಜನ ಓಡಿ ಬಂದರು. ಮನೆಯಲ್ಲಿನ ಪಾತ್ರೆ ಪಗಡ ಅಲ್ಲಾಡಿದವು ಎಂದು ಕಂಪನದ ಅನುಭವಕ್ಕೀಡಾದ ಕೆಲವು ನಾಗರಿಕರು ತಿಳಿಸಿದ್ದರು. ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ .

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...