ತುಳುನಾಡಿನಲ್ಲಿ ಹೊಸ ವರ್ಷಕ್ಕೆ ಸ್ವಾಗತ: ಬಿಸು ಪರ್ಬ- 2001

ಮಂಗಳೂರು : ತುಳುನಾಡಿನ ಹೊಸ ವರ್ಷದ ಹಬ್ಬ ಬಿಸು ಪರ್ಬವನ್ನು ಮಂಗಳೂರು ಪುರಭವನದಲ್ಲಿ ಇತ್ತೀಚೆಗೆ ಆಚರಿಸಲಾಯಿತು.

ಅವಿಭಜಿತ ದಕ್ಷಿಣ ಕನ್ನಡದ ತುಳುವರಿಗೆ ಹೊಸ ವರ್ಷವನ್ನು ಹೊತ್ತು ತರುವ ಬಿಸು ಹಬ್ಬ ವಿಶೇಷವಾದುದು. ಆಚರಣೆ ಮತ್ತು ಪರಂಪರೆಗಳನ್ನು ಉಳಿಸಿಕೊಂಡು ಬಂದಿರುವ ಕರಾವಳಿ ಜನರ ಸಾಂಸ್ಕೃತಿಕ ಪ್ರಜ್ಞೆ ಉನ್ನತವಾದುದು ಎಂದು ಬಿಸು ಪರ್ಬ ಕಾರ್ಯಕ್ರಮವನ್ನು ಉದ್ಘಾಟಿಸಿದ್ದ ಮೀನುಗಾರಿಕಾ ಸಚಿವ ರಮಾನಾಥ ರೈ ಹೇಳಿದರು.

ಕರ್ನಾಟಕ ತುಳು ಕೂಟವು ಬಿಸು ಪರ್ಬ ಕಾರ್ಯಕ್ರಮವನ್ನು ಆಯೋಜಿಸಿತ್ತು. ಕವಿ ಏರ್ಯ ಲಕ್ಷ್ಮೀನಾರಾಯಣ ಆಳ್ವ ಅವರು ಕಾರ್ಯಕ್ರಮದಲ್ಲಿ ಹಿರಿಯರಾಗಿ ಭಾಗವಹಿಸಿದ್ದರು. ತುಳುನಾಡಿನ ಹಬ್ಬಗಳನ್ನು ಆಚರಿಸುವ ತುಳು ಕೂಟ ಸ್ಥಾಪನೆಯಾದುದು 1971ರಲ್ಲಿ. ತುಳು ಸಾಹಿತಿಗಳು ಮತ್ತು ಭಾಷಾ ತಜ್ಞರು ನಡೆಸಿಕೊಂಡು ಬರುತ್ತಿರುವ ಈ ಕೂಟ ತುಳುವ ಸಂಸ್ಕೃತಿಯನ್ನು ಪೋಷಿಸುವ ಕೆಲಸ ಮಾಡುತ್ತಾ ಬಂದಿದೆ.

(ಇನ್ಫೋ ವಾರ್ತೆ)