ಹೀಗೊಂದು ಇಂಟರ್ನೆಟ್‌ ಸ್ಕೂಲು,ಅಲ್ಲಿ ಐ ಸೆಲ್‌ ಎಂಬ ಇ- ಪಾಠ

ಬೆಂಗಳೂರು : ಇದೊಂದು ಹೊಸ (ಇ)ಪರಿಯ ಸಂವಾದ- ಸ್ಟುಡಿಯೋ ಕೋಣೆಯಲ್ಲಿ ಮೇಷ್ಟ್ರು ಪಾಠಹೇಳುತ್ತಾರೆ. ನೀವು ಅದನ್ನ ನಿಮ್ಮ ಮನೆಯ ಕೋಣೆಯಲ್ಲೇ ಕೂತು ಇಂಟರ್ನೆಟ್‌ನಲ್ಲಿ ನೋಡುತ್ತೀರಿ. ಮೇಷ್ಟ್ರ ಜೊತೆಗೆ ಮಾತಾಡುತ್ತೀರಿ. ಹೀಗೆ ಶಾಲೆ/ಕಾಲೇಜಿಗೆ ಹೋಗದೆಯೇ ಪಾಠ ಕಲೀಬಹುದು. ರಿkುೕ ಸಂಸ್ಥೆ ಇ- ಪಾಠವನ್ನ ಜಾರಿಗೆ ತಂದಿದೆ. ಇದರ ಹೆಸರು ‘ಐ ಸೆಲ್‌’.

ರಿkುೕ ಸಂವಾದ ಕಲಿಕಾ ಸಂಸ್ಥೆಯ ಅಧ್ಯಕ್ಷೆ ಉಮಾ ಗಣೇಶ್‌ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಈ ವಿಷಯ ತಿಳಿಸಿದರು. ವಿ ಸ್ಯಾಟ್‌ ತಂತ್ರಜ್ಞಾನದ ಮೂಲಕ ದೇಶಾದ್ಯಂತ ಈ ಶಿಕ್ಷಣವನ್ನು ಜಾರಿಗೆ ತರುವುದು ಸಂಸ್ಥೆಯ ಉದ್ದಿಶ್ಯ. ಸಂಸ್ಥೆ ಈಗಾಗಲೇ 25 ಕಲಿಕಾ ಕೇಂದ್ರಗಳನ್ನು ತೆರೆದಿದ್ದು, ವರ್ಷಾಂತ್ಯದ ಹೊತ್ತಿಗೆ 100 ಕೇಂದ್ರಗಳನ್ನು ತೆರೆಯಲಿದೆ. ಮುಂಬೈ ಹಾಗೂ ದೆಹಲಿಯಲ್ಲಿ ಬೋಧನಾ ಸ್ಟುಡಿಯೋಗಳನ್ನು ತೆರೆಯಲಿದೆ. ಮಿಕ್ಕ ಕಡೆ ಕಲಿಕಾ ಕೇಂದ್ರಗಳನ್ನು ಸ್ಥಾಪಿಸಲಾಗುವುದು ಎಂದು ಉಮಾ ಗಣೇಶ್‌ ವಿವರಿಸಿದರು.

ಸಾವಿರಾರು ವಿದ್ಯಾರ್ಥಿಗಳು ಈ ಹೊಸ ಶಿಕ್ಷಣ ಪದ್ಧತಿಯ ಉಪಯೋಗ ಪಡೆಯಲಿದ್ದಾರೆ. ಹಳ್ಳಿಯ ಬೋರೇಗೌಡನಿಗೂ ಇಂಥಾ ಶಿಕ್ಷಣ ತಲುಪಿಸುವುದು ಸಂಸ್ಥೆಯ ಹೆಗ್ಗುರಿ ಎಂದವರು ಹೇಳಿದರು.

(ಇನ್ಫೋ ವಾರ್ತೆ)