ಸರಳ ಜೀವಿ ವಾಲ್ಷ್ಗೆ ತುಂಬು ಹೃದಯದ ಬೀಳ್ಕೊಡುಗೆ
ಕಿಂಗ್ಸ್ಟನ್ : ಏಪ್ರಿಲ್ 23, ಸೋಮವಾರ ಕರ್ಟ್ನಿ ವಾಲ್ಷ್ ತಮ್ಮ ಜೀವಮಾನದಲ್ಲೇ ಮರೆಯಲಾಗದ ದಿನ. 17 ವರ್ಷ ಕಾಲ ನೆಯ್ದ ಪ್ರತಿಭೆಯ ಟೆಸ್ಟ್ ಕ್ರಿಕೆಟ್ ಜೀವನದ ಅಂತಿಮ ದಿನ ಅಘೋಷಿತ ಹಬ್ಬವಾಗಿ ಮಾರ್ಪಟ್ಟಿತು. ತಂಡದ ಸದಸ್ಯರು, ಅಭಿಮಾನಿಗಳು ತುಂಬು ಹೃದಯದಿಂದ ಸರಳ ಜೀವಿಯನ್ನು ಬೀಳ್ಕೊಟ್ಟರು.
ಒಬ್ಬ ಕ್ರಿಕೆಟಿಗ ಫಾರ್ಮ್ ಉಳಿಸಿಕೊಂಡೇ ನಿವೃತ್ತಿಯಾದರೆಷ್ಟು ಚೆನ್ನ, ಅಲ್ಲವೇ? ತಮ್ಮ 132ನೇ ಹಾಗೂ ಅಂತಿಮ ಟೆಸ್ಟ್ನಲ್ಲಿ 6 ವಿಕೆಟ್ ಕಿತ್ತ ವಾಲ್ಷ್ ಈ ಚೆನ್ನಿಗೆ ಪಾತ್ರರಾಗಿದ್ದಾರೆ. ಸತತ 13 ಟೆಸ್ಟ್ ಸೋಲುಂಡಿದ್ದ ವಿಂಡೀಸ್ ತಂಡ ಶತಾಯಗತಾಯ ಹೋರಾಡಿ ಪ್ರಬಲ ದಕ್ಷಿಣ ಆಫ್ರಿಕ ತಂಡವ 140 ರನ್ಗಳಿಂದ ಮಣಿಸುವುದರ ಮೂಲಕ ತಮ್ಮ ಹಿರಿಯ ಆಟಗಾರನಿಗೆ ಅಪರೂಪದ ಸೆಂಡ್ ಆಫ್ ಕೊಟ್ಟಿತು.
ಮರ್ವಿನ್ ಧಿಲ್ಲಾನ್ ಎಸೆತಕ್ಕೆ ದಕ್ಷಿಣ ಆಫ್ರಿಕದ ಪಾಲ್ ಆ್ಯಡಮ್ಸ್ ಬಲಿಯಾಗುತ್ತಿದ್ದಂತೆ, ತಂಡದ ಆಟಗಾರರೆಲ್ಲಾ ಫೈನ್ ಲೆಗ್ ಕಡೆಗೆ ಓಡಿದರು. ಅರೆ, ಕ್ಯಾಚ್ ಹಿಡಿದದ್ದು ಬ್ಯಾಕ್ವರ್ಡ್ ಪಾಯಿಂಟ್ನಲ್ಲಿದ್ದ ಸ್ಯಾಮುಯಲ್ಸ್. ಎಲ್ಲಾ ಯಾಕೆ ಫೈನ್ ಲೆಗ್ ಕಡೆಗೊಡುತ್ತಿದ್ದಾರೆ ಅಂತ ಅಂದುಕೊಳ್ಳುವಷ್ಟರಲ್ಲಿ ಕ್ಯಾಮೆರಾ ಕಣ್ಣು ಅಲ್ಲಿದ್ದ ಹಿರಿಯ ವಾಲ್ಷ್ ಕಡೆಗೆ ತಿರುಗಿತು.
ಕಣ್ಣು ಸಣ್ಣಗೆ ತುಂಬಿತ್ತು : ತಂಡದ ಪ್ರತಿಯಾಬ್ಬ ಸದಸ್ಯ ನೆಚ್ಚಿನ ಸಹ ಆಟಗಾರನಿಗೆ ಬಿಗಿಯಪ್ಪುಗೆ ನೀಡಿದರು. ಭಾರತದ ಕ್ರಿಕೆಟ್ ಪ್ರೇಮಿಗಳಂತೆ ಅಷ್ಟೇನೂ ಅಬ್ಬರಿಸದ ಕೆರೇಬಿಯನ್ ಅಭಿಮಾನಿಗಳು ತಣ್ಣಗೆ ವಾಲ್ಷ್ಗೆ ವಿದಾಯ ಹೇಳಿದರು. ಆತನನ್ನು ಸುತ್ತುವರಿದು, ತುಂಬು ಹೃದಯದಿಂದ ಮಾತಾಡಿದರು. ವಾಲ್ಷ್ ಮುಖದಲ್ಲಿ ಸಾರ್ಥಕ್ಯದ ನಗೆ ತುಂಬಿತ್ತು. ತಮ್ಮ ಕೊನೆಯ ಗೆಲುವಿನಾಟದ ನೆನಪಿಗೆ ವಾಲ್ಷ್ ವಿಕೆಟ್ಟೊಂದನ್ನು ಕೈಗೆತ್ತಿಕೊಂಡರು. ಬ್ಯಾಟಿಂಗ್ ಸೆನ್ಷೇಷನ್ ಲಾರಾ, ಅಂಪೈರ್ ಸ್ಟೀವ್ ಬಕ್ನರ್ ಕೈಲಿದ್ದ ಚೆಂಡನ್ನೂ ವಾಲ್ಷ್ಗೆ ನೆನಪಿನ ಕಾಣಿಕೆಯಾಗಿ ಕೊಟ್ಟರು. ಸರಳ ಸಮಾರಂಭದಲ್ಲಿ ವಾಲ್ಷ್ಗೆ ಗುಡ್ ಬೈ ಹೇಳಲಾಯಿತು. ಜನ ಹಾಡಿದರು, ಕುಣಿದರು.
ಗ್ರೀನ್ ರೂಮಿನಲ್ಲಿ ದಕ್ಷಿಣ ಆಫ್ರಿಕದ ಆಟಗಾರರೂ ಶಾಂಪೇನ್ ಪಾರ್ಟಿಗೆ ರೆಡಿಯಾಗಿದ್ದರು. ಕ್ರಿಕೆಟ್ಟಿಗೆ ವಿದಾಯ ಹೇಳಿದ ಆಟಗಾರ ಒಂದು ಸಿಪ್ ಶ್ಯಾಂಪೇನ್ ಕುಡಿದು, ಎಲ್ಲರಿಗೂ ಧನ್ಯವಾದ ಸಲ್ಲಿಸಿದರು. ಅವರ ಕಣ್ಣು ಸಣ್ಣಗೆ ತುಂಬಿ ಬಂದಿತ್ತು.
ಮುಂದೇನು ? ವಾಲ್ಷ್ ಇನ್ನಾರು ತಿಂಗಳು ರೆಸ್ಟ್ ತೊಗೋತಾರೆ. ತನ್ನ ಹೆಂಡತಿ, ಮಗ- ಮಗಳೊಟ್ಟಿಗೆ ದೀರ್ಘಾವಧಿ ಹರಟೆ ಕೊಚ್ಚುತ್ತಾರೆ. ಹಾಡುತ್ತಾರೆ, ಕುಣಿಯುತ್ತಾರೆ. ಗಾಲ್ಫ್ ಆಡುತ್ತಾರೆ. ನಂತರ ಅವರ ಉಳಿದ ಜೀವನ ಹೇಗೆ ಕಳೆಯಬೇಕೆಂದು ಪ್ಲಾನ್ ಮಾಡಿಕೊಳ್ಳುತ್ತಾರೆ. ಇ-ದಿ-ಷ್ಟೂ ಬೀಳ್ಕೊಡುಗೆ ಹಬ್ಬದಲ್ಲಿ ವಾಲ್ಷ್ ಹೇಳಿದ್ದು.
ಹದಿನೇಳು ವರ್ಷದ ಕ್ರಿಕೆಟ್ ಜೀವನ . 132 ಪಂದ್ಯ. ವಿಶ್ವ ದಾಖಲೆಯ 519 ವಿಕೆಟ್. ವಾಲ್ಷ್ ನಮ್ಮ- ನಿಮ್ಮ ಮನದಲ್ಲಿ ಉಳಿಯಲು ಇಷ್ಟು ಸಾಕಲ್ಲವೇ?
(ಇನ್ಫೋ ವಾರ್ತೆ)
ವಾರ್ತಾಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...
-
New Airport: ವಿಜಯಪುರ ಏರ್ಪೋರ್ಟ್ಗೆ ಸಿಕ್ತು 220 ಕೋಟಿ ರೂ, ಕಾರ್ಯಾಚರಣೆ ಬಗ್ಗೆ ಎಂಬಿ ಪಾಟೀಲ ಅಪ್ಡೇಟ್ -
Bengaluru Property: ಬೆಂಗಳೂರಿನ 3 ಲಕ್ಷಕ್ಕೂ ಅಧಿಕ ಆಸ್ತಿ ಮಾಲೀಕರಿಗೆ ಶುಭ ಸುದ್ದಿ -
"ಇಲ್ಲಿ ಎಲ್ಲದಕ್ಕೂ ಚೌಕಾಸಿ ಮಾಡಬೇಕು": ಬೆಂಗಳೂರಿನಲ್ಲಿ 2 ತಿಂಗಳು ಕಳೆದ ಮುಂಬೈ ಯುವಕನ Viral Post -
3 ವರ್ಷಕ್ಕೆ 1.17 ಕೋಟಿ: ಮಲೈಕಾ ಅರೋರಾ ಅಪಾರ್ಟ್ಮೆಂಟ್ ಬಾಡಿಗೆ ಬಹಿರಂಗ -
Karnataka Weather: ಬೇಸಿಗೆ ಬಿಸಿಲ ನಡುವೆ ರಾಜ್ಯದ ಹಲವೆಡೆ ಗುಡುಗು-ಮಿಂಚು ಸಹಿತ ಮಳೆ; ಈ ಜಿಲ್ಲೆಗಳಿಗೆ ಯೆಲ್ಲೋ ಅಲರ್ಟ್ -
April 4 Horoscope: ಇಂದು ನಿಮ್ಮ ರಾಶಿ ಏನು ಹೇಳುತ್ತದೆ? ಏಪ್ರಿಲ್ 4 ಭವಿಷ್ಯ ಇಲ್ಲಿದೆ -
HSRP: ಎಚ್ಎಸ್ಆರ್ಪಿ ನಂಬರ್ ಪ್ಲೇಟ್ ಕಡ್ಡಾಯ: ವದಂತಿಗಳಿಗೆ ಕಿವಿಗೊಡಬೇಡಿ ಎಂದು ಸ್ಪಷ್ಟನೆ ಕೊಟ್ಟ ಸಾರಿಗೆ ಇಲಾಖೆ -
Bengaluru: ಆಟೋ LPG ಕೊರತೆ ಬಗೆಹರಿಯುವ ವಿಶ್ವಾಸ: ಪೂರೈಕೆ ಹೆಚ್ಚಿಸಿದ ಇಂಡಿಯನ್ ಆಯಿಲ್ -
ರಾಜ್ಯಪಾಲರೇ ಗಂಟುಮೂಟೆ ಕಟ್ಟಿಕೊಂಡು ನಿಮ್ಮ ರಾಜ್ಯಕ್ಕೆ ತೊಲಗಿ: ಕರವೇ ನಾರಾಯಣಗೌಡ ಎಚ್ಚರಿಕೆ -
ಲಲಿತ್ಪುರ ಫಾರ್ಮಾ ಪಾರ್ಕ್ ಅನ್ನು ಜಾಗತಿಕ ರಫ್ತು ಕೇಂದ್ರವನ್ನಾಗಿ ಮಾಡುವ ನಿಟ್ಟಿನಲ್ಲಿ ಮಹತ್ವದ ಹೆಜ್ಜೆ -
40 ವರ್ಷ ಮೇಲ್ಪಟ್ಟವರಿಗೆ ಸರ್ಕಾರದಿಂದಲೇ ಉಚಿತ ದೃಷ್ಟಿ ತಪಾಸಣೆ, ಕನ್ನಡಕ ವಿತರಣೆ -
Bengaluru: ಸತತ 3ನೇ ವರ್ಷವೂ ರಾಜ್ಯಕ್ಕೇ ಪ್ರಥಮ ಸ್ಥಾನ: 1,273 ಕೋಟಿ ರೂ. ಆದಾಯ ಸಂಗ್ರಹಿಸಿದ ಬೆಂಗಳೂರು ಕೇಂದ್ರ RTO
Click it and Unblock the Notifications
Sign in with Google